Дар бозиҳои даври 1/2 ниҳоӣ суперлигаи Тоҷикистон-2022 оид ба футзал дастаҳои “Соро компания” – “Сипар” ва “Истиқлол” – “Истаравшан” ба ҳам меоянд.

Баргузории бозиҳои аввали даври ниманиҳоӣ рӯзи 23 октябр дар назар аст. Вохӯрии “Истиқлол” ва “Истаравшан” дар маҷмааи варзишии нави "Кохи Олимп"-и шаҳри Душанбе баргузор мешавад. Ҳамчунин ҳамон рӯз дар маҷмааи варзишии Кумитаи андози Тоҷикистон дар шаҳри Душанбе бозии 1/2 ниҳоӣ байни дастаҳои “Соро компания”-и Душанбе ва “Сипар”-и Хуҷанд шуруъ мегардад.

Бар асоси низомномаи Суперлигаи Тоҷикистон-2022 бозиҳои даври 1/2 ниҳоӣ аз силсилаи то ду пирӯзии яке аз дастаҳо иборат аст. Ғолибони даври ниманиҳои барои дарёфти мақоми аввал ва мағлубшудагон барои нишони биринҷӣ мубориза хоҳанд бурд.