Муштзанбонуи тоҷик - Миҷгона Самадова аввалин шуда, роҳхати Бозиҳои тобистонаи олимпии Париж 2024-ро ба кишвар эҳдо намуд.

Миҷгона Самадова дар рӯзи 8-уми Бозиҳои осиёӣ Ҳангжоу дар вазни - 57кг барои роҳ ёфтан ба даври ниманиҳоӣ бо варзишгари Ҷопон қувваозмоӣ намуд.

Дар қувваозмоии мазкур ин муштзанбонуи тоҷик тавонист бо зуру тавони худ бар Сатсуки Ёшизаваи ҷопонӣ пирӯз гардида, ба даври ниманиҳоии Бозиҳои осиёӣ роҳхат гирад.

Ҳамчунин дар ин рӯз муштзани дигари тоҷик Давлат Болтаев дар вазни 92 кг тавонист, ки бо ба даст овардани пирӯзӣ роҳхати Бозиҳои тобистонаи Олимпии Париж -2024-ро соҳиб шавад.

Муштзани сангинвазни мо Давлат Болтаев дар даври ниманиҳоии Бозиҳои Осиёӣ бар Ҷаеминг Ҷионг варзишгар аз Кореяи Ҷанубӣ бо қарори якдилонаи доварон бо ҳисоби 5:0 дастболо гардида, ба финал баромад.

Дар финал рӯзи 3-юми октябр Болтаев бо Ҳан Хуежен аз Чин баҳри ба даст овардани нишони заррини мусобиқа талош хоҳад кард.