Чанде пеш маросими қуръакашӣ оид ба баргузории мавсими нави Ҷоми вилояти Хатлон ва Ҷоми раиси вилояти Хатлон бо иштироки муовини аввали раиси Федератсияи футболи вилоят Исроил Шарипов ва намояндагони дастаҳои иштирокчӣ баргузор гардид.

Тибқи низомномаи тасдиқнамудаи Федератсияи футболи вилояти Хатлон мусобиқаи имсола бо иштироки дастаҳои Лигаҳои дуюм – “Арал”-и А. Ҷомӣ, “Сарбанд”-и Левакант, “Хуросон”-и Хуросон, “Нури деҳот”-и Панҷ, “Дӯстӣ”-и Ҷайҳун, “Кӯшон”-и Кӯшониён, “Чашма”-и Шаҳритус, “Пахтакор”-и Қубодиён, “Бешкент”-и Н. Хусрав, “Ҷиликул”-и Дӯстӣ, “Кӯлоб”-и Кӯлоб, “Сарҳадчӣ”-и Ҳамадонӣ, “Андароб”-и Кӯлоб, “Шоҳин”-и Муъминобод ва “Терай”-и Ш. Шоҳин гузаронида мешавад.

Бино ба иттилои котиби матбуотии Федератсияи футболи вилояти Хатлон, Ф. Бобоев бозиҳои марҳилаи 1/8 ниҳоии Ҷоми вилояти Хатлон ва Ҷоми раиси вилояти Хатлон аз як вохӯрӣ иборат мебошанд.

Мавсими имсолаи Ҷоми вилояти Хатлон рӯзи 10 августи соли ҷорӣ ва Ҷоми раиси вилояти Хатлон моҳи октябр оғоз мегардад.