Дар “Кохи Парфенон”-и шаҳри Душанбе, 25-уми декабр маросими ҷоизасупории Федератсияи футболи Тоҷикистон (ФФТ) доир гардид.

Ба ҳамин тартиб, бозингари дастаи “Истиқлол”-и пойтахт Алишер Ҷалилов “Беҳтарин бозингари сол” эътироф гашт. Соли 2019 низ ӯ ин ҷоизаро ба даст оварда буд.
Бозингари дастаи “Соро компания”-и шаҳри Душанбе Файзалӣ Сардоров унвони “Беҳтарин футзалбози мавсими 2021”-ро соҳиб шуд.

Ҳамчунин, Далер Шарипов ҷоизаи “Футболбози умедбахши солр”-о ба даст овард. Қаблан ӯ унвони “Беҳтарин бозингари Лигаи якуми мамлакат”-ро соҳиб шуда буд.
Ҳамлагари дастаи футболи “Хатлон”-и шаҳри Бохтар Лайло Ҳалимова унвони “Беҳтарин бозингари мавсими 2021”-ро соҳиб шуд.

Инчунин, ниммуҳофизатгари дастаи мунтахаби Тоҷикистон ва дастаи футболи “Навбаҳор”-и шаҳри Намангони Ӯзбекистон Эҳсони Панҷшанбе унвони “Беҳтарин бозингари тоҷик дар хориҷи кишвар”-ро ба даст овард.

Амони МУҲАММАД, коромӯзи “ҶТ”