Шоми имрӯз дастаи мунтахаби ҷавонони то 20-солаи Тоҷикистон оид ба футбол дар доираи омодагӣ ба қисми ниҳоии Ҷоми Осиё-2023 дар ҷамъомади таълимиву тамринӣ дар Туркия боз як бозии санҷишӣ анҷом медиҳад.

Дар ин бора Федератсияи футболи Тоҷикистон хабар дод.

Бояд гуфт, ки бозии дастаи мунтахаби ҷавонони то 20-солаи кишвар бо дастаи ЛКС аз шаҳри Лодзии Лаҳистон, ки пешсафи Лигаи якуми футболи ин давлат мебошад, сурат мегирад. Вохӯрии дастаҳо дар маҷмааи варзишии “Арслан Зеки Демирчӣ”-и Сиде, соати 18:00 баргузор мешавад.

Қаблан дастаи мунтахаби ҷавонони то 20-солаи кишвар бо ҳамсолонашон аз Ироқ бо ҳисоби мусовӣ - 0:0 бозӣ карда, аз дастаи Суперлигаи Узбекистон -“Бухоро” бо ҳисоби 1:3 шикаст хӯрда буд. То охири ҷамъомади таълимиву тамринии Туркия дастаи мунтахаби ҷавонони мо боз панҷ бозии дӯстонаи дигар баргузор хоҳанд кард.