Санаи 20-уми июл, дар ноҳияи Исмоили Сомонии шаҳри Душанбе майдончаи варзишии замонавӣ ба истифода дода шуд.

Иншооти мазкур аз майдончаи универсалии бозии футбол, волейбол ва баскетбол, майдончаи бозию дилхӯшии кӯдакон муҷаҳҳаз бо таҷҳизоти зарурӣ ва нишастгоҳҳо барои истироҳати сокинон иборат мебошад.

Дар маросими кушодашавии майдончаи варзишӣ зикр гардид, ки бунёди ин ва дигар иншоотҳои варзишӣ дар шаҳраку маҳаллаҳои шаҳри Душанбе бо мақсади фароҳам овардани шароити хуб барои истироҳату фароғати сокинон, ба варзиш машғул шудани ҷавонону наврасон ва бозию дилхӯшии кӯдакон дар гӯшаҳои гуногуни пойтахт сохта ба истифода дода шуда истодаанд, ки ин аз ҳадафҳои созандаи роҳбарияти шаҳри Душанбе, дар доираи супоришҳои хирадмандонаи Асосгузори сулҳу ваҳдати миллӣ, Пешвои миллат – Президенти Ҷумҳурии Тоҷикистон муҳтарам Эмомалӣ Раҳмон мебошад.