Бахшида ба 30-солагии Истиқлолияти давлатии Ҷумҳурии Тоҷикистон Кумитаи иҷроияи Марказии Ҳизби Халқии Демократии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати кишвар ва Федератсияи футболи Тоҷикистон мусобиқаи варзишӣ оид ба футболи хурд барои дарёфти “Ҷоми ҲХДТ” байни дастаҳои футболи ғайрикасбии шаҳру ноҳияҳои Ҷумҳурии Тоҷикистонро баргузор намуда истодааст.

Дар ин росто Кумитаи иҷроияи ҲХДТ дар шаҳри Исфара бо мақсади таъмини фароғати мадании сокинон, муайян намудани беҳтарин дастаҳои футболи ғайрикасбии шаҳри Исфара, инчунин таъмини бевоситаи иҷрои “Барномаи рушди футбол дар шаҳри Исфара барои солҳои 2017 – 2021” марҳилаи 2-юми мусобиқаро миёни 10 дастаи ғайрикасбии ҷамоатҳои шаҳрак ва деҳоти Исфара рӯзҳои 12 - 28 августи соли ҷорӣ баргузор намуд.

Даври 2-юми мусобиқаи футболи хурд 28-уми август ҷамъбаст гардида, дастаи “1988”-и маркази шаҳр сазовори ҷои якум, дастаи “Навгилем”- и ҷамоати деҳоти Навгилем ҷои дуюм ва дастаи “Боғдорӣ” –и ҷамоати деҳоти Кӯлканд сазовори ҷои сеюм гардиданд.

Дар чорабинии ҷамъбастӣ ғолибон бо диплом, сипоснома, медал ва туҳфаҳои хотиравии КИ ҲХДТ дар шаҳри Исфара қадрдонӣ гардиданд. Дастаи ғолиб соҳиби Ҷоми ҲХДТ ва роҳхат барои иштирок ба марҳилаи сеюми мусобиқаи мазкур дар сатҳи вилоятӣ гардид.

М. С. БОЛТАЕВ, мудири шуъбаи ҷавонони
КИҲХДТ дар шаҳри Исфара