5 декабр дар Муассисаи таълимии мактаб барои хонандагони болаёқати шаҳри Хуҷанд мусобиқаи кушод оид ба каратэ - до байни кӯдакон, наврасон ва ҷавонон баргузор гардид.

Мусобиқа бо дастгирии ҳамоҳангсози миллӣ ва Дафтари Созмони амният ва ҳамкории Аврупо дар Тоҷикистон дар ҳамкорӣ бо Федератсияи "Каратэ - до"-и вилояти Суғд доир шуда, дар он беш аз 100 варзишгар иштироку байни ҳам қувваозмоӣ намуданд.

Пас аз қувваозмоиҳо ғолибону ҷоизадорон бо диплом, медал ва туҳфаҳои хотиравӣ қадрдонӣ шуданд.