Варзишгарони тоҷик дар Гранд Слами ҷудо, ки 23-25 феврал дар шаҳри Дусселдорф баргузор мегардад, иштирок мекунанд.

Тавре сомонаи расмии Кумитаи миллии олимпии кишвар хабар медиҳад, тими мунтахаби Тоҷикистонро дар мусобиқаи мазкур 7 варзишгар намояндагӣ мекунанд: Беҳрӯз Хоҷазода, Асадулло Тоҳиров (-73 кило), Кароматулло Ҳакимов, Ҷаҳонгир Маҷидов (-81 кило), Комроншоҳ Устопириён (-90 кило), Саидҷалол Саидов ва Темур Раҳимов (-100 кило).

Гуфта мешавад, ки дар Гранд Слами шаҳри Дусселдорфи давлати Олмон зиёда аз 500 варзишгар аз 71 кишвари дунё иштирок мекунанд.