ВАРЗИШ
Душанбе 30 Январ 2023 01:41
9123
Дар шаҳри Душанбе 19-уми ноябр ҷаласаи ғайринавбатии интихоботии Конференсияи Федератсияи ҷудои Тоҷикистон доир гардид.

Дар ин бора Кумитаи миллии олимпии Тоҷикистон иттилоъ додааст.

Бино ба иттилои манбаъ дар ҷаласа баробари аъзои федератсия, ноибони Президенти Кумитаи миллии олимпии Тоҷикистон Абдулло Раҳмонзода ва Дилшод Назаров ширкат варзиданд. Пас аз тасдиқи рӯзнома ва тартиби кори ҷаласа ҳозирин ба баррасии масъалаи аввали Конфронс - интихоби президенти федератсия шуруъ карданд.

Роҷеъ ба масъалаи мазкур таъкид гардид, ки дар мувофиқа бо президенти Федератсияи байналмилалии ҷудо президенти феълии Федератсияи ҷудои Тоҷикистон Нурулло Лоиқов бо хоҳиши худ аз вазифа истеъфо дода, номзадии Исмоили Маҳмадзоир ба ин вазифа пешниҳод шудааст. Бо ҷонибдории якдилонаи иштирокчиёни ҷаласа Исмоили Маҳмадзоир президенти нави Федератсияи ҷудои Тоҷикистон барои солҳои 2022-2026 интихоб гардид.

Исмоили Маҳмадзоир зимни суханронӣ барои боварӣ ба иштирокчиён изҳори миннатдорӣ карда, афзуд ки баҳри рушди ҷудо дар мамлакат, дастгирии варзишгарон ва боз ҳам баланд бардоштани нуфузи варзишии кишвар тамоми кӯшиши худро ба харҷ медиҳад.

Ногуфта намонад, ки Исмоили Маҳмадзоир тӯли солҳои охир ба густариши варзиш ва оммавигардонии тарбияи ҷисмонӣ таваҷҷуҳи махсус зоҳир сохта, дар самти дастгирии дастаи футболи “Равшан”-и Кӯлоб нақши босазо гузошта истодааст. Дар баробари ин Клуби ҷудои "Ҳоҷӣ Шариф"-ро сарпарастӣ намуда, дар тарбияи ҷудокорони наврасу ҷавон саҳмгузор аст.

Нурулло Лоиқов, ки аз вазифаи президенти федератсия истеъфо дод, ба вазифаи ноиби президенти Федератсияи ҷудои Тоҷикистон интихоб шуд.

Ҳошим РАҲМАТУЛЛОЕВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Январ 2023 c.