ВАРЗИШ
Якшанбе 28 Апрел 2024 01:23
Варзишгари тоҷик Сомон Маҳмадбеков, ки чанде пеш дар Ҷоми Осиё оид ба ҷудо сазовори медали тилло гардид, имрӯз - 10-уми декабр ба ватан омад.
Дар фурӯдгоҳи байналмилалии шаҳри Душанбе паҳлавони тоҷикро Назарзода Ризо муовини аввали Кумитаи кор бо ҷавонон ва варзиш, Муҳаммадмурод Абдураҳмонов, Президинти федератсияи гуштини ҷудо, намояндагони кумитаи милли олимпӣ, пайвандон ва дӯстони варзишгар пешвоз гирифтанд.
Назарзода Ризо, паҳлавонро аз номи худ ва роҳбарияти Кумитаи кор бо ҷавонон ва варзиш бо чунин дастоварди бузурги таърихиаш табрик намуда, иброз дошт, ки “Мо дар чеҳраи Сомон Маҳмадбеков варзишгареро мебинем, ки дар бозиҳои тобистонаи олимпӣ Токио-2020 Тоҷикистонро ҳатман муаррифӣ хоҳад кард ва барои баланд бардоштани парчами Тоҷикистон дар мусобиқаҳои байналмилалӣ алалхусус бозиҳои олимпӣ тамоми талошҳояшро ба харҷ хоҳад дод”.
“Ман хурсанд аз онам, ки дар мусобиқаҳои байналмилалӣ зери парчами Тоҷикистони азиз баромад менамоям ва Ҷоми Осиё, ки дар Ҳонг Конг ҷараён гирифт бароям бобарор хотима ёфт.” – иброз дошт варзишгар.
Ёдовар мешавем, ки Ҷоми Осиё оид ба ҷудо, 1-2-юми декабр дар Ҳонг Конги ҷумҳурии мардумии Чин доир гардида, дар он 220 варзишгар (128 мард, 92 зан) аз 29 кишвари дунё ширкат намуданд. Тоҷикистонро дар ин мусобиқа Сомон Маҳмадбеков ва Хайёмиддин Ҷабборов намояндагӣ намуда, 2 медал (тилло ва биринҷӣ) ба даст оварданд.
Ҳар ду варзишгари тоҷик дар вазни 73 кило гуштин гирифтанд. Сомон, ки дар даври аввал озод буд, дар даври дуюм бар варзишгари Чин Эршаогету Аму, дар чорякфинал бар варзишгари Филиппин Кеисей Накано ғалаба карда, ба нимфинал роҳ ёфт. Паҳлавони тоҷик дар нимфинал варзишгари Муғулистон Чоиҷилсурен Ганболдро аз сари роҳ дур кард ва дар финал бар варзишгари Ҷопон Даичӣ Танака пирӯз шуд.
Хайёмиддин дар даври муқаддамотӣ бар варзишгарони Индонезия (Себтиан Янгсйаҳ), Ҳонг Конг (Чун Синг Чуӣ), Муғулистон (Хадбаатар Наранкҳуу) ғолиб омад, вале дар нимфинал аз варзишгари Ҷопон Даичӣ Танака мағлуб гардид. Сипас, дар рақобат барои ҷои сеюм бар варзишгари Филиппин Кеисей Накано дастболо шуд.
Дар фурӯдгоҳи байналмилалии шаҳри Душанбе паҳлавони тоҷикро Назарзода Ризо муовини аввали Кумитаи кор бо ҷавонон ва варзиш, Муҳаммадмурод Абдураҳмонов, Президинти федератсияи гуштини ҷудо, намояндагони кумитаи милли олимпӣ, пайвандон ва дӯстони варзишгар пешвоз гирифтанд.
Назарзода Ризо, паҳлавонро аз номи худ ва роҳбарияти Кумитаи кор бо ҷавонон ва варзиш бо чунин дастоварди бузурги таърихиаш табрик намуда, иброз дошт, ки “Мо дар чеҳраи Сомон Маҳмадбеков варзишгареро мебинем, ки дар бозиҳои тобистонаи олимпӣ Токио-2020 Тоҷикистонро ҳатман муаррифӣ хоҳад кард ва барои баланд бардоштани парчами Тоҷикистон дар мусобиқаҳои байналмилалӣ алалхусус бозиҳои олимпӣ тамоми талошҳояшро ба харҷ хоҳад дод”.
“Ман хурсанд аз онам, ки дар мусобиқаҳои байналмилалӣ зери парчами Тоҷикистони азиз баромад менамоям ва Ҷоми Осиё, ки дар Ҳонг Конг ҷараён гирифт бароям бобарор хотима ёфт.” – иброз дошт варзишгар.
Ёдовар мешавем, ки Ҷоми Осиё оид ба ҷудо, 1-2-юми декабр дар Ҳонг Конги ҷумҳурии мардумии Чин доир гардида, дар он 220 варзишгар (128 мард, 92 зан) аз 29 кишвари дунё ширкат намуданд. Тоҷикистонро дар ин мусобиқа Сомон Маҳмадбеков ва Хайёмиддин Ҷабборов намояндагӣ намуда, 2 медал (тилло ва биринҷӣ) ба даст оварданд.
Ҳар ду варзишгари тоҷик дар вазни 73 кило гуштин гирифтанд. Сомон, ки дар даври аввал озод буд, дар даври дуюм бар варзишгари Чин Эршаогету Аму, дар чорякфинал бар варзишгари Филиппин Кеисей Накано ғалаба карда, ба нимфинал роҳ ёфт. Паҳлавони тоҷик дар нимфинал варзишгари Муғулистон Чоиҷилсурен Ганболдро аз сари роҳ дур кард ва дар финал бар варзишгари Ҷопон Даичӣ Танака пирӯз шуд.
Хайёмиддин дар даври муқаддамотӣ бар варзишгарони Индонезия (Себтиан Янгсйаҳ), Ҳонг Конг (Чун Синг Чуӣ), Муғулистон (Хадбаатар Наранкҳуу) ғолиб омад, вале дар нимфинал аз варзишгари Ҷопон Даичӣ Танака мағлуб гардид. Сипас, дар рақобат барои ҷои сеюм бар варзишгари Филиппин Кеисей Накано дастболо шуд.
Хабарҳои дигар
Рӯзнома
Эзоҳи худро нависед