ВАРЗИШ
Панҷшанбе 19 Июл 2018 06:46
4339
15 май дар меҳмонхонаи “Ҳаятт Реҷенс”-и шаҳри Душанбе нишасти матбуотӣ пеш аз бозии даври охирини марҳилаи гурӯҳии Ҷоми КФО (Конфедератси яи футболи Осиё)-2018 миёни дастаҳои “Истиқлол”-и Тоҷикистон ва “Алтин Асир”-и Туркманистон доир шуд.

Муҳсин Муҳаммадиев, сармураббии дастаи “Истиқлол”-и шаҳри Душанбе дар суҳбат бо рӯзноманигорон аз бозии фардо ва дар бораи тими рақиб чунин ибрози андеша намуд:

- Мо барои бозии фардо бисёр ҷиддӣ омода ҳастем ва барои баромадан аз гурӯҳ як қадам мондааст, аз ин лиҳоз мо барои ғалаба талош меварзем. Ҳарифи мо – дастаи “Алтин Асир” низ барои рақобати фардо ҷиддӣ омода шудааст. Аз ин рӯ мо бо тамоми қувва барои баромадан аз гурӯҳ кушиш мекунем.

Язгулӣ Хоҷагелдиев, сармураббии дастаи “Алтин Асир”-и Туркманистон бозии фардоро ҳалталаб донист: “Дастаи “Истиқлол” ҳарифи пурқувват аст, зеро рақиб таҷрибаи бозиҳояш дар Ҷоми КФО зиёд мебошад. Аз бозии футболбозони “Истиқлол” хуб огаҳӣ дорем ва барои ғалаба ба майдон мебароем”- гуфт ӯ.

Дар охир сармураббии дастаи “Истиқлол” Муҳсин Муҳаммадиев ва дарвозабон Никола Стошич тамоми мухлисони футболи тоҷикро бо бозии ҳалталаб даъват намуда иброз доштанд: “Мо фардо дар Варзишгоҳи марказии Ҳисор интизори 12-умин бозингари “Истиқлол” ҳастем. Мухлисии Шумо барои ғалаба намудан нақши калон мебозад”.

Ёдовар мешавем, ки бозии даври шашуми мусобиқаи гурӯҳии Ҷоми КФО-2018 миёни дастаҳои “Истиқлол” (Тоҷикистон) ва “Алтин Асир” (Туркманистон) рӯзи чоршанбе, 16 май дар Варзишгоҳи марказии шаҳри Ҳисор соати 18:00 шуруъ мешавад.

Пас аз хотимаи даври панҷуми мусобиқа дар ҷадвали гурӯҳи “D” дастаи “Истиқлол” бо 13 имтиёз садрнишин, тими “Алтин Асир” бо 11 имтиёз дар ҷои дуюм ва бошгоҳи “Аҳал”-и Туркманистон бо 4 имтиёз дар ҷои сеюм қарор гирифтаанд. Тими “Олой”-и Қирғизистон бошад, бидуни имтиёз дар зинаи охирини гурӯҳ аст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Июл 2018 c.