Дар шаҳри Хуҷанд мусобиқа оид ба футбол, ки байни ташкилоту идораҳои шаҳр ба муносибати 30-солагии Истиқлолияти давлатии Ҷумҳурии Тоҷикистон ташкил гардида буд, ҷамбаст гардид.

Мусобиқа дар майдони футболи Боғи Ғалаба баргузор гардида, дар он футболбозон дар ҳайати 10 даста аз ҳисоби ташкилоту идораҳо байни ҳам рақобат намуданд.

Дар бозии ниҳоӣ дастаи "Беморхонаи бачагона" ба дастаи "Мавҷи ориёно" ғалаба карда, ғолиби мусобиқа дониста шуд.

Дар маросими ҷамъбастӣ намояндагони Федератсияи футболи вилоят ва шаҳр ва масъулини бахши кор бо ҷавонон ва варзиши шаҳри Хуҷанд иштирок намуда, таъкид доштанд, ки мақсад аз баргузории мусобиқа оммавияти варзиш, густариши футбол, мустаҳкам намудани дӯстӣ ва пешгирии зуҳуротҳои номатлуб байни ҷавонону варзишгарон мебошад.

Дар фарҷом ғолибон бо медалу диплом ва туҳфаи хотиравӣ қадрдонӣ гардиданд.