Нимаи дуюми рӯзи 7 июл дар варзишгоҳи марказии шаҳри Душанбе даври охири мусобиқаи Ассотсиатсияи футболи Осиёи Марказӣ миёни дастаҳои занонаи наврасони (U17) доир гардида, ғолибон пас аз натиҷагирии имтиёзҳои ба даст овардаашон маълум гардиданд.

Ҳамин тариқ, пас аз натиҷагирии се давр, дастаи занонаи наврасони Ӯзбекистон бо касби 7 имтиёз ғолиби “CAFA-2021” гардида, мақоми дуввумро бо гирифтани 6 хол тими миллии Эрон соҳиб шуд. Дастаи мунтахаби Тоҷикистон, ки ба даври сеюми мусобиқа роҳ ёфта буд, аз тими миллии Эрон бо ҳисоби 0:3 мағлуб гардида, бо чор имтиёз дар ҷадвали мусобиқа соҳиби мақоми севвум гардид.

Ёдовар мешавем, ки дастаи мунтахаби кишвар дар даврҳои якуму дуюми мусобиқа бо дастаи Ӯзбекистон мусовӣ ва бар тими миллии Афғонистон бо ҳисоби 5:2 ғалаба ба даст оварда буд.

И. АМАКҶОНОВ “ҶТ”