Дар шаҳри Душанбе бо иштироки волонтёрони Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо ҷавонони шаҳр машқҳои дастаҷамъонаи пагоҳирӯзӣ гузаронида шуд.

Машқҳои пагоҳирӯзӣ дар боғи навбунёди ба номи Аҳмади Дониш доир гардида, ба таъкиди масъулин ҳадаф аз он тарғибу ташвиқи тарзи ҳаёти солим, оммавигардонии машқҳои пагоҳирӯзӣ ва ба ин васила солиму бардам нигоҳ доштани саломатии хеш мебошад.

Пас аз баргузории машқҳои пагоҳирӯзӣ ҷиҳати таҳкими дӯстӣ миёни ҷавонон бозии дӯстонаи футбол миёни ҷавонон ва волонтёрон баргузор гардид.