- Наврӯзии ноҳияи Роштқалъа бо баргузории бозиҳои миллии варзишӣ ва дигар мусобиқаҳои шавқовар ҷамъбаст шуд, - мегӯяд Дидоршоҳ Насриддинов, яке аз ташкилкунандагони мусобиқаҳои ноҳиявӣ.

Дар бозии волейбол байни ҷавонон шаш тим бо ҳам рақобат карданд, ки аз онҳо дастаҳои "М. Миршакар" ва "Барвоз" ба даври ниҳоӣ роҳ ёфтанд. Аз рӯи натиҷаҳои даври охир тими "М. Миршакар" дастаи рақибро бо ҳисоби 3 : 1 мағлуб намуда, ҷои аввалро ба даст овард.

Волейбол миёни наврасон бошад бо иштироки нӯҳ дастаи МТМУ шурӯъ шуд. Аммо аз онҳо макотиби №10 - и ҷамоати Қурбоншоҳ Гадолиев ва № 22 - и ҷамоати Мирсаид Миршакар ба даври ниҳоӣ роҳ ёфтанд. Дар даври охир тими "МТМУ № 22" бар дастаи "МТМУ № 10" бо ҳисоби 3 : 0 пирӯз гашта, зинаи аввалро ишғол намуд.

Дар мусобиқаи дастхобонӣ байни наврасон Сураҷ Ошурбеков, хонандаи МТМУ №36 бо беҳтарин натиҷаҳо сазовори ҷои якум гашт. Ҷои дуюм бошад насиби Сорбон Азизмамадов, хонандаи мактаби № 18 гардид.

Ҳамин тавр, дар мусобиқаи гӯштини миллӣ низ теъдоде аз варзишгарон маҳорати баландро нишон доданд. Дар натиҷа дар вазни 80 кило паҳлавони ҷамоати Роштқалъа Асрор Каладоров ҷойи якум ва Аҳмад Гулмамадов, варзишгари ҷамоати М. Миршакар зинаи дуюмро ишғол намуданд. Дар вазни 70 кило Азамат Молибшоев аз ҷамоати Қ. Гадолиев ҷойи аввал ва паҳлавони ҷамоати Роштқалъа Ато Бозоров зинаи дуюмро гирифтанд.

Ба ғолибон аз тарафи Бахши кор бо ҷавонон ва варзиш, Шуъбаи маориф ва илм, мақомоти иҷроияи маҳаллии ҳокимияти давлатии ноҳия ифтихорномаву мукофопулӣ ва тӯҳфаҳои хотиравӣ дода шуд.