Аз 28-уми сентябр то 1-уми октябри соли равон дар толори "Ҷашнӣ"-и шаҳри Хуҷанд мусобиқаи ҷумҳуриявӣ оид ба тенниси рӯи миз байни наврасони соли таваллуди 2003 ва хурд баргузор гардид.

Мусобиқаи мазкур бо мақсади тарғиби тарзи хаёти солим байни наврасону ҷавонон, ҷалби ҷавонону наврасон ба ин намуди варзиш ва дур будан аз амалҳои номатлуб доир гардида, дар натиҷа аз рӯи намуди даставӣ байни писарон ҷои якум насиби дастаи вилояти Суғд -1, ҷои дуюм дастаи вилояти Хатлон -2 ва ҷои сеюм насиби дастаи шаҳри Душанбе гардид.

Байни духтарҳо бошад, ҷои якумро дастаи вилояти Суғд-1, ҷои дуюмро дастаи вилояти Суғд-2 ва ҷои сеюмро дастаи ВМКБ соҳиб шуданд.

Дар фарҷоми мусобиқа ба ғолибон ифтихорнома, медал ва туҳфаҳои хотиравӣ тақдим карда шуд.