ВАРЗИШ
Шанбе 25 Май 2024 10:14
3093
Ба хотири дарёфти Ҷоми “Соли ҷавонон” дар варзишгоҳи марказии “Авесто – Карена” – ноҳияи Дарвоз мусобиқаи футбол оғоз ёфт, ки дар он 10 даста аз ноҳияи мазкур байни ҳам рақобат мекунанд.

Дар ин бора Расулҷон Шокиров, мудири Бахши кор бо ҷавонон ва варзиши ноҳияи мазкур иттилоъ дода, гуфт, ки сабқат дар доираи Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016 – 2018 роҳандозӣ шуда, ба он ҳатто ҷавонони деҳоти дурдастарини ноҳия ҷалб гардиданд.

Мусобиқа ҳамчунин бо мақсади оммавӣ гардондани футбол, иттиҳоду рафоқат байни ҷавонон, муайян кардани бозингари беҳтарин ва мубориза бар зидди касалиҳои гузаранда аз қабили ВИЧ СПИД ташкил шуда, ғолибонро ифтихорнома, мукофоти пулӣ ва дигар тӯҳфаҳои хотиравӣ интизор аст.

Машҳур ИМОМНАЗАРОВ, “ҶТ”

Эзоҳи худро нависед



Рамзҳо дар расм