Дар майдони варзишии Муассисаи давлатии “Мактаби варзишии рақами 1”-и шаҳри Хуҷанд мусобиқаи шаҳрӣ оид ба футбол миёни дастпарварони мактабҳои варзишӣ баргузор гардид.

Дар мусобиқаи мазкур 8 даста иштирок намуда, барои зинаҳои ифтихорӣ миёни ҳам қувваозмоӣ намуданд.

Дар натиҷа ҷои якумро дастаи “Томирис”-и Мактаби варзишии рақами 1-и шаҳри Хуҷанд, ҷои дуюмро дастаи “Сирдарё” аз Мактаби махсуси футболи вилояти Суғд ва ҷои сеюмро дастаи “Маъруф”-и Мактаби варзишии рақами 1 ишғол намуданд.

Ғолибони мусобиқа аз ҷониби масъулини чорабинӣ бо медал, диплом ва ғолиби ҷои аввал бо ҷом қадрдонӣ карда шуданд.