Дар Корти тенниси Муассисаи давлатии Мактаби варзишии №1-и шаҳри Хуҷанд мусобиқаи ҷумҳуриявӣ оид ба теннис байни наврасон ва ҷавонон баргузор гардид, ки дар он беш аз 45 нафар варзишгарон аз дастаҳои вилоятҳои Суғду Хатлон ва шаҳри Душанбе иштирок намуданд.

Мусобиқа бо мақсади тарғиби тарзи ҳаёти солим, ҷалби ҷавонону наврасон ба ин намуди варзиш ва дур будан аз амалҳои номатлуб гузаронида шуда, дар натиҷаи мусобиқа дастаи шаҳри Душанбе ҷои якум, дастаи вилояти Суғд ҷои дуюм ва дасти вилояти Хатлон ҷои сеюмро ишғол намуда, ғолибон бо ифтихорнома ва туҳфаҳои хотиравӣ қадрдонӣ гардиданд.