Санаи 12 январ, ҷамъбасти мусобиқаи вилоятӣ оид ба футбол байни ҷавондухтарон барои дарёти “Ҷоми Умед” дар майдони варзишии МД “Мактаби варзишии №1”-и шаҳри Хуҷанд баргузор гардид.

Дар чорабинии мазкур Зоҳидзода Олимҷон, сардори Раёсати кор бо ҷавонон ва варзиши вилояти Суғд ва варзишгарон аз шаҳру ноҳияҳои вилоят иштирок доштанд.

Таъкид гардид, ки чорабинии мазкур бо мақсади тарғиби тарзи ҳаёти солим байни наврасону ҷавонон, махсусан ҷавондухтарон, дарёфти беҳтарин варзишгарони касбӣ, мустаҳкам намудани дӯстӣ байни варзишгарон, ҷалби ҷавонону наврасон ба варзиш ва барои муайян намудани дастаи мунтахаби вилоят доир карда шуд.

Чорабинии мазкур дар сатҳи баланд доир гардида, ғолибони мусобиқа аз тарафи Раёсати кор бо ҷавонон ва варзиши вилоят бо диплому медал ва тӯҳфаҳои хотиравӣ сарфароз гардонида шуданд.