ВАРЗИШ
Шанбе 27 Апрел 2024 07:05
Мусаллам аст, ки тайи чанд соли охир футболбозони серталошу муваффақи кишварамон бо нишон додани истеъдоди олии футболбозиашон ба бисёре аз тиму клубҳои кишварҳои хориҷа пайваста, на танҳо маҳорати футболбозии худро равнақ медиҳанд, балки миллату давлати хешро байни дигар халқу миллатҳо ошно сохта, нуфузу эътибори Тоҷикистонро баланд менамоянд. Яке аз чунин ҷавонони фаъолу шинохта ва футболбози касбии кишвар Нуриддин Давронов, ҳамлавари дастаи “Истиқлол” ва ҳамзамон бозингари ФК “Борнео”-и Индонезия мебошад. Бобати фаъолияти варзишӣ, рушди соҳаи футбол дар мамлакат ва як қатор мушкилоти соҳа бо ӯ ҳамсуҳбат шудем.
- Ғолибияти навбатии ҷоми ФФТ-ро ба шумо ва кулли мухлисони “Истиқлол” табрик мегӯем! Лутфан, таассуроти худ ва тафовуту бартарии бозии имсоларо аз солҳои қаблӣ шарҳ медодед?
- Ташаккури зиёд. Ҳар як соле, ки дар футболи тоҷик сипарӣ мегардад, дар муқоиса ба солҳои қаблӣ бартариятҳо ва пешравиҳоро ба хубӣ метавон дар он мушоҳида кард. Дар мавриди ғолибияти даста низ ҳаминро гуфтаниам, вақте ки дар пеши худ мақсад мегузоред ва бо эҳсоси бурду эътимоди комил ба майдон ворид мешавед, дигар ҳеҷ қуввае пеши роҳи туро гирифта наметавонад. Аҳли дастаи “Истиқлол” низ бо заҳмату талош ва роҳбарии сармураббии хеш ҳамеша бо ҳадафи пирӯзӣ рӯи майдон мебароянд. Муҳимтар аз ҳама мо бар он мекӯшем, то дар Ҷоми қаҳрамони Осиё маҳорати хуб нишон диҳему соҳиби мақоми аввал гардем.
- Солҳои зиёд аст, ки дар майдони футбол ҳунарнамоӣ мекунеду дар бисёре аз тиму клубҳои дигар кишварҳо низ бозӣ намудаед. Оё омиле вуҷуд дорад, ки бартарияти дастаҳои футболи дигар кишварҳоро аз тими миллии футболбозони кишвар нишон диҳад?
- Агар дар умум бигӯем, фарқият танҳо дар вазъи молиявӣ аст. Зеро футболбозони тоҷик ду маротиба ба оламиён исбот намуданд, ки барои ғолиб омадан, имконият доранд. Ду маротиба дар Ҷоми АФК мақоми дуввумро ба даст овардан, кори саҳл нест. Мо итминони комил дорем, ки дар сатҳи ҷаҳонӣ низ ба натиҷаи арзанда мушарраф мегардем, вале барои ҳамаи ин маблағҳои зиёд ва сарпарастони бузург лозим аст. Фикр мекунам, дигар омилҳо на он қадар нақш мебозанд.
Тайи солҳои охир “Истиқлол” дар ҳудуди ҷумҳуриамон яке аз дастаҳои пурқувват маҳсуб меёбад. Аз мусобиқаҳои қитъавӣ низ натиҷаҳоро метавон хуб гуфт, зеро футболи тоҷик ҳоло ҷавон аст ва дар муқобили 47 давлати Осиё ба финал баромадану мақоми якуму дуюмро соҳиб гардидан, на ҳар кишвареро мушарраф мегардад. Аммо клуби “Истиқлол” на танҳо чандин маротиба то ба финали бозиҳои қитъаи Осиё баромад, балки тайи даҳсолаи охир се маротиба - солҳои 2012, 2015 ва 2017 барандаи Ҷоми Президенти АФК ва ду маротибаи дигар сазовори мақоми дуввум гардидааст.
Барои расидан ба мақоми аввалу гирифтани медали тилло моро заҳмати бештар мебояд. Мо умед ва боварӣ дорем, ки рӯзе медали тиллои футболи Осиёро низ ба Ватан меорем.
- Чуноне ки ҳамагон шоҳид ҳастем, тайи чанд соли охир мунтахаби наврасони кишвар бо натиҷаҳои назаррасу арзандаи худ нисбат ба дигар дастаҳои мунтахаби кишвар пешсафтаранд ва ҳатто соли 2019 миёни 47 давлати қитъаи Осиё мақоми дуввум ва имсол “Ҷоми рушд -2021”-ро ба даст оварданд. Ба андешаи шумо сабаб дар чист, ки ҳамин натиҷаҳо дар дигар дастаҳои мунтахаби миллӣ ба назар намерасанд?
- Аввалин боре, ки соли 2007 мунтахаби наврасони то 18-солаи кишвар ба Ҷоми Ҷаҳон роҳхат гирифт, ин савол дар зеҳни мардум боқӣ монд, ки чаро наврасони мо аз бузургсолонамон, ба қавле аз мунтахаби миллии кишвар ва клубҳои футболи ватанӣ пешсафтаранд. Ё чаро онҳо вақте бузург мешаванд, заиф мегарданд. Ростӣ, ин ҷо омилҳои зиёд вуҷуд дорад.
- Шумо аз соли 2019 инҷониб ба ҳайси ниммуҳофизатгари клуби ФК “Борнео”-и Индонезия бозӣ доред. Лутфан мегуфтед, ки дар ин муддат чӣ чизи наве ба худ гирифтед ва тафовути аслиро миёни клуби “Истиқлол” ва “Борнео” дар чӣ мебинед?
- Дар “Мадура”-и Индонезия аз соли 2017 то ибтидои соли 2018 фаъолият намудам. Аз соли 2018 то аввали соли 2019 дар ФК шоҳигарии давлати Уммон бозиамро идома додам ва аз соли 2019 то соли 2022 бо дастаи ФК “Борнео”-и Индонезия шартнома ба имзо расонидаам. Шояд имрӯз дар дастаи “Истиқлол” бозӣ намуданам ба бисёриҳо муаммо бошад, ки чаро бо дастаи “Борнео”-и Индонезия шартнома ба имзо расонидаам, вале дар Тоҷикистон баромад менамоям? Аз сабабе, ки чемпионати Индонезия аввали моҳи июн оғоз мегардад, роҳбарони дастаҳои “Борнео” ва “Истиқлол” ба ҳам созиш намуда, дастаи “Борнео” маро ба муҳлати 6 моҳ ба “Истиқлол” иҷора додааст.
Дар мавриди тафовут миёни дастаҳо ҳаминро гуфтаниам, ки сатҳи тамриннамоӣ ва бозии ҳарду ҷониб қариб ки ба ҳам баробаранд, танҳо як фарқ ин аст, ки мураббиёни клуби “Истиқлол” ва дигар бошгоҳҳои футболи ватаниамонро бештар мураббиёни хориҷӣ ташкил медиҳанд.
- Дар бештари бозиҳое, ки тими мунтахаби миллии кишвар доир менамояд, шумо ширкат намеварзед, сабаб дар чист?
- Ду саволе, ки соли гузашта дар интернет аз ҳама бисёр мушоҳида кардам: “Коронавирус аз куҷо пайдо шуд?” ва “Чаро Нуриддин Давронов ба мунтахаби миллии Тоҷикистон даъват карда намешавад?”. Ба ин савол дар барномаи 90 - дақиқагии ТВ “Варзиш” низ қаблан посух дода будам, ки бисёр мехоҳам сабабашро гӯям, вале мутаассифона худам ҳам намедонам. Ба ин савол мураббии мунтахаб бояд посух гӯянд, на ман.
- Ба фикри шумо дар тиму клубҳои ватанӣ чӣ намерасад, то футболбозони мо садрнишини ҷадвали футболи Осиё ва ҷаҳон бошанд?
- Ин на танҳо фикри ман, балки фикри тамоми футболбозону мутахассисони соҳа дар тамоми ҷаҳон аст, ки агар вазъи молиявии даста хуб бошад, ба ҳама натиҷаҳо расиданаш мумкин. Ҳарчанд, ки футболи мо ҷавон аст, вале мо борҳо дастаҳои пурқуввати Осиёро шикаст додем ва инро исбот намудем, ки мо миллати тоҷдорем ва аз уҳдаи ин бозӣ низ ба хубӣ мебароем. Мутаассифона, имрӯз вазъи молиявии дастаҳои футболи мо ғайр аз клуби “Истиқлол”, “Хуҷанд” ва “ЦСКА” начандон хуб аст.
- Ояндаи футболи тоҷикро чӣ гуна мебинед ?
- Назарҳо ва умедҳо дар бораи ояндаи футболи тоҷик нек асту зиёд. Дастаҳои футболи кишвар ҳар рӯз ба натиҷаҳои нав мушарраф мегарданд. Мо аз ояндаи футболамон умедҳои зиёд дорем. Мехоҳам дар бораи ояндаи футболи тоҷик низ бисёр гӯям, аммо имсол муҳимтар аз ҳама бароямон ба даст овардани Ҷоми АФК аст, ки барои расидан ба он бо тамоми ҳастӣ мубориза хоҳем бурд.
Қиёмиддин МАҲМАДҶОНОВ, "ҶТ"
- Ғолибияти навбатии ҷоми ФФТ-ро ба шумо ва кулли мухлисони “Истиқлол” табрик мегӯем! Лутфан, таассуроти худ ва тафовуту бартарии бозии имсоларо аз солҳои қаблӣ шарҳ медодед?
- Ташаккури зиёд. Ҳар як соле, ки дар футболи тоҷик сипарӣ мегардад, дар муқоиса ба солҳои қаблӣ бартариятҳо ва пешравиҳоро ба хубӣ метавон дар он мушоҳида кард. Дар мавриди ғолибияти даста низ ҳаминро гуфтаниам, вақте ки дар пеши худ мақсад мегузоред ва бо эҳсоси бурду эътимоди комил ба майдон ворид мешавед, дигар ҳеҷ қуввае пеши роҳи туро гирифта наметавонад. Аҳли дастаи “Истиқлол” низ бо заҳмату талош ва роҳбарии сармураббии хеш ҳамеша бо ҳадафи пирӯзӣ рӯи майдон мебароянд. Муҳимтар аз ҳама мо бар он мекӯшем, то дар Ҷоми қаҳрамони Осиё маҳорати хуб нишон диҳему соҳиби мақоми аввал гардем.
- Солҳои зиёд аст, ки дар майдони футбол ҳунарнамоӣ мекунеду дар бисёре аз тиму клубҳои дигар кишварҳо низ бозӣ намудаед. Оё омиле вуҷуд дорад, ки бартарияти дастаҳои футболи дигар кишварҳоро аз тими миллии футболбозони кишвар нишон диҳад?
- Агар дар умум бигӯем, фарқият танҳо дар вазъи молиявӣ аст. Зеро футболбозони тоҷик ду маротиба ба оламиён исбот намуданд, ки барои ғолиб омадан, имконият доранд. Ду маротиба дар Ҷоми АФК мақоми дуввумро ба даст овардан, кори саҳл нест. Мо итминони комил дорем, ки дар сатҳи ҷаҳонӣ низ ба натиҷаи арзанда мушарраф мегардем, вале барои ҳамаи ин маблағҳои зиёд ва сарпарастони бузург лозим аст. Фикр мекунам, дигар омилҳо на он қадар нақш мебозанд.
Тайи солҳои охир “Истиқлол” дар ҳудуди ҷумҳуриамон яке аз дастаҳои пурқувват маҳсуб меёбад. Аз мусобиқаҳои қитъавӣ низ натиҷаҳоро метавон хуб гуфт, зеро футболи тоҷик ҳоло ҷавон аст ва дар муқобили 47 давлати Осиё ба финал баромадану мақоми якуму дуюмро соҳиб гардидан, на ҳар кишвареро мушарраф мегардад. Аммо клуби “Истиқлол” на танҳо чандин маротиба то ба финали бозиҳои қитъаи Осиё баромад, балки тайи даҳсолаи охир се маротиба - солҳои 2012, 2015 ва 2017 барандаи Ҷоми Президенти АФК ва ду маротибаи дигар сазовори мақоми дуввум гардидааст.
Барои расидан ба мақоми аввалу гирифтани медали тилло моро заҳмати бештар мебояд. Мо умед ва боварӣ дорем, ки рӯзе медали тиллои футболи Осиёро низ ба Ватан меорем.
- Чуноне ки ҳамагон шоҳид ҳастем, тайи чанд соли охир мунтахаби наврасони кишвар бо натиҷаҳои назаррасу арзандаи худ нисбат ба дигар дастаҳои мунтахаби кишвар пешсафтаранд ва ҳатто соли 2019 миёни 47 давлати қитъаи Осиё мақоми дуввум ва имсол “Ҷоми рушд -2021”-ро ба даст оварданд. Ба андешаи шумо сабаб дар чист, ки ҳамин натиҷаҳо дар дигар дастаҳои мунтахаби миллӣ ба назар намерасанд?
- Аввалин боре, ки соли 2007 мунтахаби наврасони то 18-солаи кишвар ба Ҷоми Ҷаҳон роҳхат гирифт, ин савол дар зеҳни мардум боқӣ монд, ки чаро наврасони мо аз бузургсолонамон, ба қавле аз мунтахаби миллии кишвар ва клубҳои футболи ватанӣ пешсафтаранд. Ё чаро онҳо вақте бузург мешаванд, заиф мегарданд. Ростӣ, ин ҷо омилҳои зиёд вуҷуд дорад.
- Шумо аз соли 2019 инҷониб ба ҳайси ниммуҳофизатгари клуби ФК “Борнео”-и Индонезия бозӣ доред. Лутфан мегуфтед, ки дар ин муддат чӣ чизи наве ба худ гирифтед ва тафовути аслиро миёни клуби “Истиқлол” ва “Борнео” дар чӣ мебинед?
- Дар “Мадура”-и Индонезия аз соли 2017 то ибтидои соли 2018 фаъолият намудам. Аз соли 2018 то аввали соли 2019 дар ФК шоҳигарии давлати Уммон бозиамро идома додам ва аз соли 2019 то соли 2022 бо дастаи ФК “Борнео”-и Индонезия шартнома ба имзо расонидаам. Шояд имрӯз дар дастаи “Истиқлол” бозӣ намуданам ба бисёриҳо муаммо бошад, ки чаро бо дастаи “Борнео”-и Индонезия шартнома ба имзо расонидаам, вале дар Тоҷикистон баромад менамоям? Аз сабабе, ки чемпионати Индонезия аввали моҳи июн оғоз мегардад, роҳбарони дастаҳои “Борнео” ва “Истиқлол” ба ҳам созиш намуда, дастаи “Борнео” маро ба муҳлати 6 моҳ ба “Истиқлол” иҷора додааст.
Дар мавриди тафовут миёни дастаҳо ҳаминро гуфтаниам, ки сатҳи тамриннамоӣ ва бозии ҳарду ҷониб қариб ки ба ҳам баробаранд, танҳо як фарқ ин аст, ки мураббиёни клуби “Истиқлол” ва дигар бошгоҳҳои футболи ватаниамонро бештар мураббиёни хориҷӣ ташкил медиҳанд.
- Дар бештари бозиҳое, ки тими мунтахаби миллии кишвар доир менамояд, шумо ширкат намеварзед, сабаб дар чист?
- Ду саволе, ки соли гузашта дар интернет аз ҳама бисёр мушоҳида кардам: “Коронавирус аз куҷо пайдо шуд?” ва “Чаро Нуриддин Давронов ба мунтахаби миллии Тоҷикистон даъват карда намешавад?”. Ба ин савол дар барномаи 90 - дақиқагии ТВ “Варзиш” низ қаблан посух дода будам, ки бисёр мехоҳам сабабашро гӯям, вале мутаассифона худам ҳам намедонам. Ба ин савол мураббии мунтахаб бояд посух гӯянд, на ман.
- Ба фикри шумо дар тиму клубҳои ватанӣ чӣ намерасад, то футболбозони мо садрнишини ҷадвали футболи Осиё ва ҷаҳон бошанд?
- Ин на танҳо фикри ман, балки фикри тамоми футболбозону мутахассисони соҳа дар тамоми ҷаҳон аст, ки агар вазъи молиявии даста хуб бошад, ба ҳама натиҷаҳо расиданаш мумкин. Ҳарчанд, ки футболи мо ҷавон аст, вале мо борҳо дастаҳои пурқуввати Осиёро шикаст додем ва инро исбот намудем, ки мо миллати тоҷдорем ва аз уҳдаи ин бозӣ низ ба хубӣ мебароем. Мутаассифона, имрӯз вазъи молиявии дастаҳои футболи мо ғайр аз клуби “Истиқлол”, “Хуҷанд” ва “ЦСКА” начандон хуб аст.
- Ояндаи футболи тоҷикро чӣ гуна мебинед ?
- Назарҳо ва умедҳо дар бораи ояндаи футболи тоҷик нек асту зиёд. Дастаҳои футболи кишвар ҳар рӯз ба натиҷаҳои нав мушарраф мегарданд. Мо аз ояндаи футболамон умедҳои зиёд дорем. Мехоҳам дар бораи ояндаи футболи тоҷик низ бисёр гӯям, аммо имсол муҳимтар аз ҳама бароямон ба даст овардани Ҷоми АФК аст, ки барои расидан ба он бо тамоми ҳастӣ мубориза хоҳем бурд.
Қиёмиддин МАҲМАДҶОНОВ, "ҶТ"
Хабарҳои дигар
Рӯзнома
Эзоҳи худро нависед