27 август мусобиқаи байналмилалӣ оид ба теннис байни наврасон барои дарёфти Ҷоми Президенти Ҷумҳурии Тоҷикистон, ки ба ифтихори 25-солагии Истиқлолияти давлатии Тоҷикистон доир шуд, ҷамъбаст гардид.

Дар мусобиқа варзишгарон аз ҷумҳуриҳои Қирғизистон, Туркманистон, Узбекистон, Украина, Афғонистон, Эрон ва Тоҷикистон ширкат доштанд. Рақобатҳо байни писарон ва духтарон аз рӯи тенниси инфиродӣ ва ҷуфтӣ сурат гирифта, ғолибон тариқи зайл муайян шуданд:

Рақобати инфиродӣ байни бонувон:
1. Анастасия Турсунова (Тоҷикистон).
2. Комила Муллоева (Тоҷикистон).
3. Шаҳзода Наимова (Тоҷикистон).

Рақобати инфиродӣ байни писарон:
1. Шодмон Қурбонов (Тоҷикистон).
2. Иосам Шарифов (Ӯзбекистон).
3. Бекзод Суюнов (Ӯзбекистон).

Рақобати ҷуфтӣ байни бонувон:
1. Шаҳноза Асимова, Камила Муллоева (Тоҷикистон).
2. Ҳанифа Ҳасанова (Ӯзбекистон), Наргиза Яҳёева (Тоҷикистон).
3. Анастасия Турсунова (Тоҷикистон), Мария Никтуюк (Украина)

Рақобати ҷуфтӣ байни писарон:
1. Шерзод Раҷабов, Бекзод Суюнов (Ӯзбекистон).
2. Шодмон Қурбонов, Темур Каримов (Тоҷикистон).
3. Аҳмад Юсуф, Гулмаҳмад Юсуфӣ (Афғонистон).

Варзишгароне, ки ҷои аввалро ишғол намуданд, соҳиби 1000 доллар, барои ҷои дуюм 800 доллар ва барои ҷои сеюм сазовори 500 доллар гардиданд. Барои мақомҳои якум, дуюм ва сеюми сабқати ҷуфтӣ бошад, 500, 400 ва 250 доллари ШМА супорида шуд. Ҳамзамон, ба ғолибони мусобиқа Ҷом, “Сипоснома” ва таҳфаҳои хотиравии Кумитаи ҷавонон, варзиш ва сайёҳӣ ва Федератсияи тенниси ҷумҳурӣ тақдим карда шуд.