ВАРЗИШ
Якшанбе 08 Сентябр 2024 04:43
![9002](/upload/iblock/4c0/%2B5.jpg)
Паҳлавонбонуе, ки шабу рӯз дар ҳоли тамрин аст. Паҳлавонбунуе, ки бо вуҷуди монеаҳо ва бо вуҷуди нокомиву камбудиҳо талошманди пайраҳаи интихобнамудааш аст. Ӯ аз ин ҳама ноумед нагашт, таслим нашуд. Баръакс, қавитар гашту устувор.
Ин баҳодурдухтарро ном Ҷонона аст. Бале, Ҷонона Назарова. 17 сол дорад. Зодаи шаҳри Кӯлоб аст. Вақте ҳафт сол дошт, ба варзиш машғул гашт. Омадани Ҷонона ба арсаи гӯштингирӣ аз оилае, ки ба варзиш ҳеҷ робитае надоштанд, ҳангомаи ҳақиқӣ буд. Модар борҳо кору гири хонаро ба ӯ ҳавола карда, худ дунболи муолиҷаи беморон мешуд, аммо чун меҳри гӯштин дар вуҷудаш аланга мезад, ҷуз ин пеша дигар ҳеҷ кореро хуш надошт ва фурсатро истифода бурда, дегу табақи модарро раҳо мекарду худ-ро ба толори варзишӣ мерасонд. Маҳз талошу аз худ гузаштанҳо буд, ки Ҷонона Назароваро дар кӯтоҳтарин фурсат маҳбуби дили ҳазорон дӯсдори гӯштини миллӣ гардонид.
- Бароям дар хона нишастану дегу табақ шӯстан, сахт буд. Чун фикру хаёлам ҳамеша бо варзиш буду тамринҳо. Ҳар гоҳе, ки модарам ба кор рафта, супориш медоданд, ки фалон корҳоро анҷом деҳ, ман аз фурсат истифода бурда, ба толори варзишӣ мешитофтам. Аввал машқу тамрин мекардаму баъдан супоришҳои модарамро иҷро мекардам, - мегӯяд Ҷонона.
Соли 2013 дар наздикии деҳаашон толори варзишӣ бунёд гардид. Қаҳрамони мо шуруъ аз ҳамон сол машқу тамринҳояшро оғоз намуд. Он рӯз баробари даҳҳо писари маҳалла шодии Ҷонона ҳам ҳадду канор надошт. Аз байни духтарон ӯ тани танҳо ба толор омад, ки ҳамагӣ 7 сол дошт. Барои таълим додани наврасон дар самти гӯштин аз маркази шаҳри Кӯлоб Ҳасан Абдуллоев устоди бомаҳорати гӯштин даъват гардида буд. Ӯ аз диди аввал Ҷононаро хуб пазируфт.
Чи гунае, ки худи ӯ мегӯяд: “Вақте дар маҳалаамон толори варзишӣ кушоданд, аз хурсандӣ пару бол баровардам. Шодиям ҳадду канор надошт. Чун аз хурдсолӣ бисёр мехостам ба варзиш машғул шавам. Аммо толоре набуд, ки маро ба орзуям расонад. Вақте фаҳмидам толори варзишӣ кушода шудааст, ба он толор шитофтам. Баъдан машқу тамринҳоямро дар онҷо зери роҳбарии мураббӣ Ҳасан Абдуллоев оғоз бахшидаму то кунун зери роҳбарии ин устод машқу тамрин менамоям”.
Ҳамин тавр, ӯ то ҳол машқу тамрини пайваста дорад. Оғози муваффақиятҳояш аз гӯштинҳои ҷашну маросимҳо оғоз гардид. Хусусан, дар иди Наврӯз на танҳо духтарон, балки писарон аз ӯ тарсу бим доштанд. Чун яқин медонистанд, ки аз бо ӯ дастбагиребон шудан ба ҷуз мағлубият дигар чизе насибашон намешавад. Ин буд, ки пайваста ба варзиш машғул шуданаш ӯро ба муроди дил расонид. Дар як фурсати кӯтоҳ шуҳрати Ҷонона аз толори варзишиву маҳаллаи зисташ берун омада, аксар шаҳру ноҳияҳои вилояти Хатлонро фаро гирифт. Ҳеҷ гӯштини наврӯзӣ бе ҳузури ӯ рангу бӯй надошт ва ҳар дафъа ҳам дар майдон рақибонаш писарон буданд, ки кам касашон ӯро мағлуб карда метавонист.
Ҷонона Назарова дар Чемпионати ҷаҳон оид ба гӯштини “Камарбандӣ”, ки дар шаҳри Намангони Ҷумҳурии Ӯзбекистон баргузор гардид, дар вазни 66 кг сазовори ҷойи 2-юм гардид. Ҳамин тариқ, заҳматҳояш самар дода, пай дар пай солҳои 2019, 2020, 2021 ва 2022 дар мусобиқаҳои сатҳи ҷумҳуриявӣ ва байналмилалӣ муваффақ гардидааст.
Баромади нахустини Ҷонона дар майдонҳои бузург дар мусобиқаи гӯштини миллӣ, ки бахшида ба 30-солагии Истиқлолияти давлатӣ баргузор гардида буд, ба шумор меравад. Ҷонона дар ин мусобиқа байни бонувон ҷавонтарин иштирокчӣ маҳсуб меёфт, ки ҳамагӣ 16 сол дошт. Беҳтарин партофти мусобиқа ҳам байни бонувон ба номи Ҷонона сабт гардид, ки муқобили ҳарифи белорусияш анҷом дод.
- Муваффақиятҳои аввалин ҳамеша дар хотири инсон бо ҳарфҳои заррин сабт гардида, ҳеҷ гоҳ зудуда нахоҳанд шуд. Барои ман он замон мусобиқаи муҳим - гӯштини миллӣ, ки бахшида ба 30-солагии Истиқлолияти давлатӣ баргузор гардид, ба шумор мерафт, ки дар он паҳлавонон аз Тоҷикистон ва кишварҳои дигар низ ширкат варзида буданд, - мегӯяд Ҷонона.
Ӯ навобаста аз таҷрибаи ками майдондорӣ дар майдонҳои бузург, дар ин мусобиқа ба гирифтани мақоми сеюм шарафёб гардид, ки арзишаш волотар аз ҳар унвону шоҳҷоизаҳо буд.
Рӯзи 27-уми июн имсол Ҷоми раиси шаҳри Душанбе бахшида ба Рӯзи ваҳдати миллӣ баргузор гардид, ки ин мусобиқа дар ёду хаёли Ҷонона то абад хотирмон хоҳад буд. Ин мусобиқа натиҷаи заҳмати чандинсолаи қаҳрамони моро баҳогузорӣ кард. Омодагии Ҷонона ба ин мусобиқа ниҳоят дар сатҳи баланд буд ва ин ҳама заҳмату талош билохира ӯро ба мақсад расонид. Дар мусобиқаи мазкур байни бонувон танҳо як вазн, яъне вазни 60кг буд, 6 бонуро барои гирифтани мақоми ифтихорӣ ҷамъ оварда буд. Ҷонона барои баромадан ба даври ниҳоӣ Аҳлия Муминоваро мағлуб намуда, дар финал бошад, ба рақиби ботаҷриба Фазилат Боева дастболо гардид.
Рӯйи саҳнаи рақобат вақте ғолиб омад, аз шиддати хурсандӣ донаҳои симини ашкаш рӯйи гунаҳояш сарозер мешуд. Ашкҳояшро ҳазорҳо ҳаводорони варзиш медиданду таҳсину офаринаш мехонданд. Ростӣ, барои бонувон, ки табиатан ҷисми нозук доранд, анҷоми чунин тамринҳои сангин бисёр душвору заҳматалаб аст, аммо барои Ҷонона чунин усулҳо об хӯрданро мемонад.
Баъд аз ғолиб гардидан дар Ҷоми Раиси шаҳри Душанбе Ҷонона ин дафъа тамринҳоро боз ҳам ҷиддитар гирифтаву ҳар субҳи содиқ ба талу тепаҳои наз-дики Кӯлобшаҳр баромада, то тулӯи офтоб машқу тамрин мекунад. Дар тамринҳои субҳгоҳӣ мураббияш Ҳасан Абдуллоев ӯро ҳамроҳӣ менамояд.
Вақтҳои охир Ҷонона Назарова ба футбол ҳам диққати ҷиддӣ медиҳад. Ӯ дар ин майдон натанҳо бозингари қаторист, балки масъулияти капитании дастаи бонувони то 17-солаи шаҳри Кӯлобро низ ба зимма дорад.
Ҷонона ҳоло ҷавон аст. Ғунчаи наврустаасту барои фатҳи ҳар қуллаву масир фурсату фосилаи зиёд дорад. Дар пеш масирҳои душворгузару пурпечутоби зиёд ӯро интизор аст. Мо дар ин роҳ барояш муваффақият таманно дорем.
Ин баҳодурдухтарро ном Ҷонона аст. Бале, Ҷонона Назарова. 17 сол дорад. Зодаи шаҳри Кӯлоб аст. Вақте ҳафт сол дошт, ба варзиш машғул гашт. Омадани Ҷонона ба арсаи гӯштингирӣ аз оилае, ки ба варзиш ҳеҷ робитае надоштанд, ҳангомаи ҳақиқӣ буд. Модар борҳо кору гири хонаро ба ӯ ҳавола карда, худ дунболи муолиҷаи беморон мешуд, аммо чун меҳри гӯштин дар вуҷудаш аланга мезад, ҷуз ин пеша дигар ҳеҷ кореро хуш надошт ва фурсатро истифода бурда, дегу табақи модарро раҳо мекарду худ-ро ба толори варзишӣ мерасонд. Маҳз талошу аз худ гузаштанҳо буд, ки Ҷонона Назароваро дар кӯтоҳтарин фурсат маҳбуби дили ҳазорон дӯсдори гӯштини миллӣ гардонид.
- Бароям дар хона нишастану дегу табақ шӯстан, сахт буд. Чун фикру хаёлам ҳамеша бо варзиш буду тамринҳо. Ҳар гоҳе, ки модарам ба кор рафта, супориш медоданд, ки фалон корҳоро анҷом деҳ, ман аз фурсат истифода бурда, ба толори варзишӣ мешитофтам. Аввал машқу тамрин мекардаму баъдан супоришҳои модарамро иҷро мекардам, - мегӯяд Ҷонона.
Соли 2013 дар наздикии деҳаашон толори варзишӣ бунёд гардид. Қаҳрамони мо шуруъ аз ҳамон сол машқу тамринҳояшро оғоз намуд. Он рӯз баробари даҳҳо писари маҳалла шодии Ҷонона ҳам ҳадду канор надошт. Аз байни духтарон ӯ тани танҳо ба толор омад, ки ҳамагӣ 7 сол дошт. Барои таълим додани наврасон дар самти гӯштин аз маркази шаҳри Кӯлоб Ҳасан Абдуллоев устоди бомаҳорати гӯштин даъват гардида буд. Ӯ аз диди аввал Ҷононаро хуб пазируфт.
Чи гунае, ки худи ӯ мегӯяд: “Вақте дар маҳалаамон толори варзишӣ кушоданд, аз хурсандӣ пару бол баровардам. Шодиям ҳадду канор надошт. Чун аз хурдсолӣ бисёр мехостам ба варзиш машғул шавам. Аммо толоре набуд, ки маро ба орзуям расонад. Вақте фаҳмидам толори варзишӣ кушода шудааст, ба он толор шитофтам. Баъдан машқу тамринҳоямро дар онҷо зери роҳбарии мураббӣ Ҳасан Абдуллоев оғоз бахшидаму то кунун зери роҳбарии ин устод машқу тамрин менамоям”.
Ҳамин тавр, ӯ то ҳол машқу тамрини пайваста дорад. Оғози муваффақиятҳояш аз гӯштинҳои ҷашну маросимҳо оғоз гардид. Хусусан, дар иди Наврӯз на танҳо духтарон, балки писарон аз ӯ тарсу бим доштанд. Чун яқин медонистанд, ки аз бо ӯ дастбагиребон шудан ба ҷуз мағлубият дигар чизе насибашон намешавад. Ин буд, ки пайваста ба варзиш машғул шуданаш ӯро ба муроди дил расонид. Дар як фурсати кӯтоҳ шуҳрати Ҷонона аз толори варзишиву маҳаллаи зисташ берун омада, аксар шаҳру ноҳияҳои вилояти Хатлонро фаро гирифт. Ҳеҷ гӯштини наврӯзӣ бе ҳузури ӯ рангу бӯй надошт ва ҳар дафъа ҳам дар майдон рақибонаш писарон буданд, ки кам касашон ӯро мағлуб карда метавонист.
Ҷонона Назарова дар Чемпионати ҷаҳон оид ба гӯштини “Камарбандӣ”, ки дар шаҳри Намангони Ҷумҳурии Ӯзбекистон баргузор гардид, дар вазни 66 кг сазовори ҷойи 2-юм гардид. Ҳамин тариқ, заҳматҳояш самар дода, пай дар пай солҳои 2019, 2020, 2021 ва 2022 дар мусобиқаҳои сатҳи ҷумҳуриявӣ ва байналмилалӣ муваффақ гардидааст.
Баромади нахустини Ҷонона дар майдонҳои бузург дар мусобиқаи гӯштини миллӣ, ки бахшида ба 30-солагии Истиқлолияти давлатӣ баргузор гардида буд, ба шумор меравад. Ҷонона дар ин мусобиқа байни бонувон ҷавонтарин иштирокчӣ маҳсуб меёфт, ки ҳамагӣ 16 сол дошт. Беҳтарин партофти мусобиқа ҳам байни бонувон ба номи Ҷонона сабт гардид, ки муқобили ҳарифи белорусияш анҷом дод.
- Муваффақиятҳои аввалин ҳамеша дар хотири инсон бо ҳарфҳои заррин сабт гардида, ҳеҷ гоҳ зудуда нахоҳанд шуд. Барои ман он замон мусобиқаи муҳим - гӯштини миллӣ, ки бахшида ба 30-солагии Истиқлолияти давлатӣ баргузор гардид, ба шумор мерафт, ки дар он паҳлавонон аз Тоҷикистон ва кишварҳои дигар низ ширкат варзида буданд, - мегӯяд Ҷонона.
Ӯ навобаста аз таҷрибаи ками майдондорӣ дар майдонҳои бузург, дар ин мусобиқа ба гирифтани мақоми сеюм шарафёб гардид, ки арзишаш волотар аз ҳар унвону шоҳҷоизаҳо буд.
Рӯзи 27-уми июн имсол Ҷоми раиси шаҳри Душанбе бахшида ба Рӯзи ваҳдати миллӣ баргузор гардид, ки ин мусобиқа дар ёду хаёли Ҷонона то абад хотирмон хоҳад буд. Ин мусобиқа натиҷаи заҳмати чандинсолаи қаҳрамони моро баҳогузорӣ кард. Омодагии Ҷонона ба ин мусобиқа ниҳоят дар сатҳи баланд буд ва ин ҳама заҳмату талош билохира ӯро ба мақсад расонид. Дар мусобиқаи мазкур байни бонувон танҳо як вазн, яъне вазни 60кг буд, 6 бонуро барои гирифтани мақоми ифтихорӣ ҷамъ оварда буд. Ҷонона барои баромадан ба даври ниҳоӣ Аҳлия Муминоваро мағлуб намуда, дар финал бошад, ба рақиби ботаҷриба Фазилат Боева дастболо гардид.
Рӯйи саҳнаи рақобат вақте ғолиб омад, аз шиддати хурсандӣ донаҳои симини ашкаш рӯйи гунаҳояш сарозер мешуд. Ашкҳояшро ҳазорҳо ҳаводорони варзиш медиданду таҳсину офаринаш мехонданд. Ростӣ, барои бонувон, ки табиатан ҷисми нозук доранд, анҷоми чунин тамринҳои сангин бисёр душвору заҳматалаб аст, аммо барои Ҷонона чунин усулҳо об хӯрданро мемонад.
Баъд аз ғолиб гардидан дар Ҷоми Раиси шаҳри Душанбе Ҷонона ин дафъа тамринҳоро боз ҳам ҷиддитар гирифтаву ҳар субҳи содиқ ба талу тепаҳои наз-дики Кӯлобшаҳр баромада, то тулӯи офтоб машқу тамрин мекунад. Дар тамринҳои субҳгоҳӣ мураббияш Ҳасан Абдуллоев ӯро ҳамроҳӣ менамояд.
Вақтҳои охир Ҷонона Назарова ба футбол ҳам диққати ҷиддӣ медиҳад. Ӯ дар ин майдон натанҳо бозингари қаторист, балки масъулияти капитании дастаи бонувони то 17-солаи шаҳри Кӯлобро низ ба зимма дорад.
Ҷонона ҳоло ҷавон аст. Ғунчаи наврустаасту барои фатҳи ҳар қуллаву масир фурсату фосилаи зиёд дорад. Дар пеш масирҳои душворгузару пурпечутоби зиёд ӯро интизор аст. Мо дар ин роҳ барояш муваффақият таманно дорем.
Эзоҳи худро нависед