ВАРЗИШ
Якшанбе 23 Феврал 2020 10:12
6070
Нимаи дуюми рӯзи 15 июн иштирокчиёни Фестивал-намоиши ҷумҳуриявии "Зиннату ҳусни ҷавонист чакан" ба саёҳати мавзеъҳои таърихию фарҳангии ноҳияи Восеъ ва шаҳри Кӯлоб баромаданд.

Нахуст иштирокчиёни фестивал аз осорхона ва қалъаи Ҳулбуки ноҳияи Восеъ боздид намуда, аз таъриху фарҳанги ин мавзеи таърихӣ огаҳ гардиданд. Гуфта шуд, ки қалъа бозгукунандаи саҳифаи заррини давлатдории тоҷикон дар минтақаи Хатлон буда, он ҳамчун рамзи иттиҳоду сарҷамъии мардуми тоҷик дар гузашта, дониста мешавад.

Сипас иштирокчиёни 300 нафараи фестивал пас аз бо гулу гулдаста ва нону намак пешвоз гирифтан дар даромадгоҳи шаҳри Кӯлоб ба тамошои ҷойҳои таърихии шаҳр баромаданд.

Онҳо аз Осорхонаи таърихию кишваршиносӣ, мақбараи Мир Саид Алии Ҳамадонӣ дидан намуда, бо фарҳангу таърихи мардуми бостонии шаҳри Кӯлоб шинос шуданд.

Зимни боздид гуфта шуд, шаҳри Кӯлоб дорои таърихи бою ғанӣ буда, он дар даврони соҳибистиқлолӣ бо дастгириҳои пайвастаи Президенти кишвар муҳтарам Эмомалӣ Раҳмон ба яке аз шаҳрҳои зеботарини ҷумҳурӣ табдил ёфта, сокинонаш дар рушду инкишофи ватани азизамон саҳми беандоза доранд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.