Санаи 23-юми октябр, дар варзишгоҳи марказии шаҳри Бӯстон байни дастаҳои “Суғдиён”-и шаҳри Бӯстон ва “Гулистон”-и шаҳри Гулистон оид ба дарёфти Ҷоми Федератсияи футболи вилояти Суғд бозии ниҳоӣ баргузор гардид.

Қисми аввали бозӣ бо ҳисоби 4:4 ва қисми дуюм бо ҳисоби 5:1 ба анҷом расид. Ҳамин тариқ бозӣ бо ҳисоби 9:5 ба фоидаи дастаи “Суғдиён”-и шаҳри Бӯстон ҷамъбаст гардид.

Ба ғолибони мусобиқа Раъно Ҳошимзода, раиси шаҳри Бӯстон, Раҳмон Муртазоев, намояндаи Федератсияи футболи Тоҷикистон ва муовини раиси Федератсияи футболи вилояти Суғд Рустам Марофиев сипоснома, медал ва Ҷоми Федератсияи футболи вилояти Суғдро тақдим намуданд.