Дар толори Маркази фарҳангии Русия дар шаҳри Хуҷанд, санаи 22-юми июл, бахшида ба Рӯзи байналмилалии шоҳмот мусобиқаи шоҳмот байни наврасону ҷавонон ва сокинон доир гардид.

Сараввал аз тарафи кормандони марказ дар бораи шоҳмот, тарзҳои бозӣ намудан ба иштирокчиён маълумот доданд. Гуфта шуд, ки соли 1924 аз тарафи Федератсияи ҷаҳонии шоҳмот дар шаҳри Парижи Фаронса 22-юми июлро ҳамчун Рӯзи байналмилалии шоҳмот тасдиқ гардид ва оғоз аз соли 1966 дар ҷаҳон ин рӯзро ҷашн мегиранд. Бозии шоҳмот қобилияти мустаҳкам намудани хотира, тамринкунандаи ақл, васеъшавии фикронӣ ва нақшакаширо меомӯзонад.

Дар чорабинии мазкур беш аз 60 нафар наврасону ҷавонон ва сокинони шаҳру ноҳияҳои вилоят иштирок ва байни ҳам қувваозмоӣ намуданд.