ВАРЗИШ
Шанбе 27 Апрел 2024 05:29
Баъди ба анҷом расидани Бозиҳои олимпии Токио – 2020 мо тасмим гирифтем, ки зери рубрикаи “Париж – 2024” бо мутахассисони соҳаи варзиш ва варзишгароне, ки давоми 30 соли соҳибистиқлолӣ бо маҳорату малакаи варзишии худ дар баландтарин мусобиқаҳои сатҳи ҷаҳонӣ Тоҷикистонро муаррифӣ намудаанд, суҳбат намоем. Зеро то олимпиадаи навбатӣ вақти кам, се сол боқӣ мондааст ва тавсияи эшон барои варзишгарони мо дар мусобиқаҳои баъдӣ умедворем ба кор меоянд. Суҳбати нахустини мо зери рубрикаи мавриди назар бо Юсуф Абдусаломов дорандаи медали нуқраи Бозиҳои олимпии Пекин – 2008 аз намуди гӯштини тарзи озод буд.
Юсуф аз зумраи он варзишгароне мебошад, ки аз соли 2002 то 2012 дар бонуфузтарин мусобиқаҳои сатҳи ҷаҳонӣ зери парчами Тоҷикистон баромад мекард. Ӯ дар се Бозии олимпӣ - Афина - 2004, Пекин - 2008 ва Лондон - 2012 Тоҷикистонро муаррифӣ намудааст. Ин паҳлавони доғистонитабор дар давоми фаъолияти варзишиаш барои Тоҷикистон аввалин медали тиллои Чемпионати Осиё (аз намуди гӯштини тарзи озод соли 2003), медали нуқраи Бозиҳои осиёӣ (соли 2002), медали нуқраи Чемпионати ҷаҳон (соли 2007) ва медали нуқраи Бозиҳои олимпии Пекин (2008)-ро овардааст.
Юсуф шуруъ аз соли 2013, баъди ҷамъбасти фаъолияти варзишияш дар Тоҷикистон ба ҳайси сармураббии гӯштини тарзи озоди давлати Лаҳистон фаъолият дорад. Ӯ боз ба Тоҷикистон бармегардад? Оё то ҳол бо варзишгарони тоҷик дар тамос аст? Баъди ҷамъбасти корнамоии варзишияш дар Тоҷикистон парчами мо барои ӯ бегона шуд ё не? Посухи ин саволҳо ва чанд масъалаи дигарро аз Юсуф Абдусаломов пурсон шудем.
- Пеш аз оне, ки зери Парчами Тоҷикистон ҳунарнамоӣ кунед, ин кишварро чӣ гуна мешинохтед?
- Аз рӯзҳои аввал Тоҷикистон бароям бегона набуд. Урфу одатҳои мардуми Доғистон ба тоҷикон монандӣ доранд. Тоҷикистон як кишвари офтобрӯя аст. Мардумаш меҳмоннавозу фарҳангӣ мебошад. Аз тамошои табиати зебои ин диёр ҳаловат бурдам. Ҳавои тозаи кишвар барои тамрин низ илҳоми тоза мебахшад. Ҳангоми омадан ба ин кишвар, худамро озод ҳис кардам. Фикр кардам, ки Тоҷикистон кишвари ман аст ва хонаам инҷост. Қариб даҳ сол зери Парчами Тоҷикистон баромад кардам. Парчаму Суруди миллии Тоҷикистонро барои худ бегона намеҳисобидам. Фикр мекардам, ки аз номи зодгоҳам баромад карда истодаам. Шояд барои дигарон муҳим набошад, аммо доимо дар баромадҳоям таъкид мекардам, ки Тоҷикистон ватани дуюми ман аст ва инро тол ҳол бо ифтихор мегӯям.
Варзишгарони ин кишвар хушбахттарин варзишгаронанд, зеро онҳо дар як давлати озод умр ба сар мебаранд. Барои тамрин шароит муҳайё шудааст. Солҳои охир боз шароити беҳтар барои муаррифӣ намудани кишвари худ фароҳам сохтаанд.
- Баъди сармураббии тими мунтахаби Лаҳистон шудан, Тоҷикистон ва Парчами он бароятон чӣ гуна арзиш дорад?
- Агар ман имконият дошта бошам, ҳар сол барои сайру саёҳат ба маконҳои зебоманзари Тоҷикистон меоям. На ба Туркия мераваму на ба Дубай, ба Тоҷикистон меоям. Варзобро бисёр дӯст медорам. Зебогие, ки дар ин минтақа дидаам, дар ягон гӯшаи дунё нест. Лаззате, ки оши палови тоҷикӣ дорад, дар ягон ошхонаи дигар нест. Ман борҳо таъкид кардам ва мекунам, ки омода ҳастам, барои Тоҷикистон хизмат кунам. Инро дӯстони ман медонанд. Маро дар арсаи ҷаҳон аксар тоҷик мешиносанд. Пеш аз оғози олимпиадаи тобистона, як хабарнигори осетинӣ хабар дод, ки дар олимпиада варзишгарони тоҷик ҳам иштирок мекунанд. Ва ҳамзамон ба ман савол дод, ки то куҷо варзишгарони шумо барои гирифтани медалҳои олимпӣ омодаанд. Аз ин таваҷҷуҳ хеле хушҳол шудам. Боз мегӯям, ки Парчам ва варзишгарони тоҷик бароям бегона нестанд ва намешаванд.
- Замони аз Тоҷикистон баромад кардан, муносибати варзишгарони мо бо шумо чӯ гуна буд ва ҳоло чӣ гуна аст? То ҳол бо варзишгарони тоҷикистонӣ дар тамос ҳастед?
- Барои варзишгари хуб шудан, бояд инсони хуб бошӣ. Варзишгарони тоҷик бо ман ҳамчун дӯсту бародар буданд. Ғолибият ё дастоварди як варзишгар боиси хушнудии ҳамаи мо варзишгарон буд.
То ҳол бо варзишгарони тоҷик дар тамос ҳастам ва кӯмаки худро дареғ намедорам. Пеш аз бозиҳои олимпӣ Баҳодур Қодиров дар назди мо буд. Чанд моҳ бо шогирдонам дар Лаҳистон тамрин намуд. Бо варзишгарони тоҷик доимо ифтихор мекунам ва ҳар як дастоварди онҳо дастоварди ман низ ҳаст. Зеро кадом варзишгари тоҷике, ки дар мусобиқаҳои байналмилалӣ соҳиби ҷойҳои ифтихорӣ мешавад, аввалин шуда дӯстонам аз дигар давлатҳо маро табрик мекунанд.
- Шумо зери Парчами Тоҷикистон дар мусобиқаҳои байналмилалӣ баромад мекардед. Ягон маротиба фикр накардаед, зери ҳамин парчам шогирдонро омада кунед, яъне дар кишвари мо мураббӣ шавед?
- Ман хеле хушҳол будам, ки аз номи Тоҷикистон баромад мекардам. Ҳангоми дар бозиҳои олимпӣ иштирок кардан, мехостам ҳамроҳ бо чанд нафар варзишгари дигари тоҷик бошам, то аз нозукиҳои ин намуди варзиш бохабар шаванд ва шавқу рағбат пайдо намоянд. Бо ифтихор мегӯям, ки ҳамеша омода ҳастам, дар Тоҷикистон мураббӣ шавам ва шогирдонро ба ин намуди варзиш ҷалб кунам. Тоҷикистон кишвари кӯҳсор аст. 93 фоизи онро кӯҳҳо ташкил медиҳад. Аз ин рӯ, паҳлавонони тоҷик аз ҷиҳати ҷисмонӣ обутобёфтаанд. Танҳо бо онҳо зиёдтар аз ҷиҳати техникӣ кор кардан лозим.
- Ба варзишгарони тоҷик чӣ маслиҳат медиҳед?
- Мардуми тоҷикро табиатан варзишдӯст дарёфтаам. Ҳар як намуди варзиш нозукиҳои худро дорад ва варзишгар бояд пайваста тамрин кунад. Барои тамрин аз ин намуди варзиш дар Тоҷикистон шароит муҳайё аст. Варзишгар бояд доимо худро озод ҳис кунад, ғизои солим истеъмол намояд, фикр кунад, ки ӯ аз ҳама беҳтарин аст ва ғолиб мебарояд. Ягона имконият барои ғолибият ба даст овардан, ин пеш аз ҳама ба худ бовар доштан аст. Аз чӣ бошад, ки ман дар Бозиҳои олимпии Токио – 2020 паҳлавонони тоҷикро аз намуди гӯштини тарзи озод надидам. Ин дарҳолест, ки имкон доштанд барои роҳхат гирифтан. Вақте баъди Бозиҳои олимпии Токио -2020 натиҷаи давлатҳои ИДМ-ро расонаӣ карданд ва дидам, ки Тоҷикистон ягона давлат, ки аз олимпиада бе медал баргаштааст, қатори мардуми тоҷик ғамгин шудам. Лекин ман бо боварии комил гуфта метавонам, ки варзишгарони тоҷик дар олимпиадаи навбатӣ ғолибиятро ба даст меоранд ва ин натиҷаи худро назди мухлисон ҷуброн мекунанд.
- Ба мухлисони тоҷикис-тониатон чӣ гуфтание доред?
-Баъди руйхати варзишгарони соҳиби медал бударо аз бозиҳои олимпӣ интишор карданд, номи худро қатори се варзишгари дигари тоҷик дида хурсанд шудам, ки дар Тоҷикистон аз ман ёд мекунанд. Бовар дорам, ки дӯсторони ин намуди гӯштин дар Тоҷикистон кам нестанд. Ба онҳо муроҷиат мекунам, ки меҳнат кунанд. Аллакай имрӯз дер шуда истодааст, барои омодагӣ барои олимпиадаи Париж-2024. Меҳнат кунед, заҳмат кашед ҳатман натиҷа мешавад. Хеле хурсанд шудам, ки аз ман ёд кардед, ба коллективи эҷодии шумо раҳмат мегӯям, ки ин минбарро барои ман муҳайё сохтед. Аз ин минбар барои мухлисоне, ки то ҳол вирди забонашон ҳастам, гуфтаниам, ки боз ба дидори ҳам мерасем, зеро Тоҷикистон барои ман бегона нест.
Шодихони НАЗАР,
Наҷиба МУРОДБЕКОВА,
“ҶТ”
Юсуф аз зумраи он варзишгароне мебошад, ки аз соли 2002 то 2012 дар бонуфузтарин мусобиқаҳои сатҳи ҷаҳонӣ зери парчами Тоҷикистон баромад мекард. Ӯ дар се Бозии олимпӣ - Афина - 2004, Пекин - 2008 ва Лондон - 2012 Тоҷикистонро муаррифӣ намудааст. Ин паҳлавони доғистонитабор дар давоми фаъолияти варзишиаш барои Тоҷикистон аввалин медали тиллои Чемпионати Осиё (аз намуди гӯштини тарзи озод соли 2003), медали нуқраи Бозиҳои осиёӣ (соли 2002), медали нуқраи Чемпионати ҷаҳон (соли 2007) ва медали нуқраи Бозиҳои олимпии Пекин (2008)-ро овардааст.
Юсуф шуруъ аз соли 2013, баъди ҷамъбасти фаъолияти варзишияш дар Тоҷикистон ба ҳайси сармураббии гӯштини тарзи озоди давлати Лаҳистон фаъолият дорад. Ӯ боз ба Тоҷикистон бармегардад? Оё то ҳол бо варзишгарони тоҷик дар тамос аст? Баъди ҷамъбасти корнамоии варзишияш дар Тоҷикистон парчами мо барои ӯ бегона шуд ё не? Посухи ин саволҳо ва чанд масъалаи дигарро аз Юсуф Абдусаломов пурсон шудем.
- Пеш аз оне, ки зери Парчами Тоҷикистон ҳунарнамоӣ кунед, ин кишварро чӣ гуна мешинохтед?
- Аз рӯзҳои аввал Тоҷикистон бароям бегона набуд. Урфу одатҳои мардуми Доғистон ба тоҷикон монандӣ доранд. Тоҷикистон як кишвари офтобрӯя аст. Мардумаш меҳмоннавозу фарҳангӣ мебошад. Аз тамошои табиати зебои ин диёр ҳаловат бурдам. Ҳавои тозаи кишвар барои тамрин низ илҳоми тоза мебахшад. Ҳангоми омадан ба ин кишвар, худамро озод ҳис кардам. Фикр кардам, ки Тоҷикистон кишвари ман аст ва хонаам инҷост. Қариб даҳ сол зери Парчами Тоҷикистон баромад кардам. Парчаму Суруди миллии Тоҷикистонро барои худ бегона намеҳисобидам. Фикр мекардам, ки аз номи зодгоҳам баромад карда истодаам. Шояд барои дигарон муҳим набошад, аммо доимо дар баромадҳоям таъкид мекардам, ки Тоҷикистон ватани дуюми ман аст ва инро тол ҳол бо ифтихор мегӯям.
Варзишгарони ин кишвар хушбахттарин варзишгаронанд, зеро онҳо дар як давлати озод умр ба сар мебаранд. Барои тамрин шароит муҳайё шудааст. Солҳои охир боз шароити беҳтар барои муаррифӣ намудани кишвари худ фароҳам сохтаанд.
- Баъди сармураббии тими мунтахаби Лаҳистон шудан, Тоҷикистон ва Парчами он бароятон чӣ гуна арзиш дорад?
- Агар ман имконият дошта бошам, ҳар сол барои сайру саёҳат ба маконҳои зебоманзари Тоҷикистон меоям. На ба Туркия мераваму на ба Дубай, ба Тоҷикистон меоям. Варзобро бисёр дӯст медорам. Зебогие, ки дар ин минтақа дидаам, дар ягон гӯшаи дунё нест. Лаззате, ки оши палови тоҷикӣ дорад, дар ягон ошхонаи дигар нест. Ман борҳо таъкид кардам ва мекунам, ки омода ҳастам, барои Тоҷикистон хизмат кунам. Инро дӯстони ман медонанд. Маро дар арсаи ҷаҳон аксар тоҷик мешиносанд. Пеш аз оғози олимпиадаи тобистона, як хабарнигори осетинӣ хабар дод, ки дар олимпиада варзишгарони тоҷик ҳам иштирок мекунанд. Ва ҳамзамон ба ман савол дод, ки то куҷо варзишгарони шумо барои гирифтани медалҳои олимпӣ омодаанд. Аз ин таваҷҷуҳ хеле хушҳол шудам. Боз мегӯям, ки Парчам ва варзишгарони тоҷик бароям бегона нестанд ва намешаванд.
- Замони аз Тоҷикистон баромад кардан, муносибати варзишгарони мо бо шумо чӯ гуна буд ва ҳоло чӣ гуна аст? То ҳол бо варзишгарони тоҷикистонӣ дар тамос ҳастед?
- Барои варзишгари хуб шудан, бояд инсони хуб бошӣ. Варзишгарони тоҷик бо ман ҳамчун дӯсту бародар буданд. Ғолибият ё дастоварди як варзишгар боиси хушнудии ҳамаи мо варзишгарон буд.
То ҳол бо варзишгарони тоҷик дар тамос ҳастам ва кӯмаки худро дареғ намедорам. Пеш аз бозиҳои олимпӣ Баҳодур Қодиров дар назди мо буд. Чанд моҳ бо шогирдонам дар Лаҳистон тамрин намуд. Бо варзишгарони тоҷик доимо ифтихор мекунам ва ҳар як дастоварди онҳо дастоварди ман низ ҳаст. Зеро кадом варзишгари тоҷике, ки дар мусобиқаҳои байналмилалӣ соҳиби ҷойҳои ифтихорӣ мешавад, аввалин шуда дӯстонам аз дигар давлатҳо маро табрик мекунанд.
- Шумо зери Парчами Тоҷикистон дар мусобиқаҳои байналмилалӣ баромад мекардед. Ягон маротиба фикр накардаед, зери ҳамин парчам шогирдонро омада кунед, яъне дар кишвари мо мураббӣ шавед?
- Ман хеле хушҳол будам, ки аз номи Тоҷикистон баромад мекардам. Ҳангоми дар бозиҳои олимпӣ иштирок кардан, мехостам ҳамроҳ бо чанд нафар варзишгари дигари тоҷик бошам, то аз нозукиҳои ин намуди варзиш бохабар шаванд ва шавқу рағбат пайдо намоянд. Бо ифтихор мегӯям, ки ҳамеша омода ҳастам, дар Тоҷикистон мураббӣ шавам ва шогирдонро ба ин намуди варзиш ҷалб кунам. Тоҷикистон кишвари кӯҳсор аст. 93 фоизи онро кӯҳҳо ташкил медиҳад. Аз ин рӯ, паҳлавонони тоҷик аз ҷиҳати ҷисмонӣ обутобёфтаанд. Танҳо бо онҳо зиёдтар аз ҷиҳати техникӣ кор кардан лозим.
- Ба варзишгарони тоҷик чӣ маслиҳат медиҳед?
- Мардуми тоҷикро табиатан варзишдӯст дарёфтаам. Ҳар як намуди варзиш нозукиҳои худро дорад ва варзишгар бояд пайваста тамрин кунад. Барои тамрин аз ин намуди варзиш дар Тоҷикистон шароит муҳайё аст. Варзишгар бояд доимо худро озод ҳис кунад, ғизои солим истеъмол намояд, фикр кунад, ки ӯ аз ҳама беҳтарин аст ва ғолиб мебарояд. Ягона имконият барои ғолибият ба даст овардан, ин пеш аз ҳама ба худ бовар доштан аст. Аз чӣ бошад, ки ман дар Бозиҳои олимпии Токио – 2020 паҳлавонони тоҷикро аз намуди гӯштини тарзи озод надидам. Ин дарҳолест, ки имкон доштанд барои роҳхат гирифтан. Вақте баъди Бозиҳои олимпии Токио -2020 натиҷаи давлатҳои ИДМ-ро расонаӣ карданд ва дидам, ки Тоҷикистон ягона давлат, ки аз олимпиада бе медал баргаштааст, қатори мардуми тоҷик ғамгин шудам. Лекин ман бо боварии комил гуфта метавонам, ки варзишгарони тоҷик дар олимпиадаи навбатӣ ғолибиятро ба даст меоранд ва ин натиҷаи худро назди мухлисон ҷуброн мекунанд.
- Ба мухлисони тоҷикис-тониатон чӣ гуфтание доред?
-Баъди руйхати варзишгарони соҳиби медал бударо аз бозиҳои олимпӣ интишор карданд, номи худро қатори се варзишгари дигари тоҷик дида хурсанд шудам, ки дар Тоҷикистон аз ман ёд мекунанд. Бовар дорам, ки дӯсторони ин намуди гӯштин дар Тоҷикистон кам нестанд. Ба онҳо муроҷиат мекунам, ки меҳнат кунанд. Аллакай имрӯз дер шуда истодааст, барои омодагӣ барои олимпиадаи Париж-2024. Меҳнат кунед, заҳмат кашед ҳатман натиҷа мешавад. Хеле хурсанд шудам, ки аз ман ёд кардед, ба коллективи эҷодии шумо раҳмат мегӯям, ки ин минбарро барои ман муҳайё сохтед. Аз ин минбар барои мухлисоне, ки то ҳол вирди забонашон ҳастам, гуфтаниам, ки боз ба дидори ҳам мерасем, зеро Тоҷикистон барои ман бегона нест.
Шодихони НАЗАР,
Наҷиба МУРОДБЕКОВА,
“ҶТ”
Хабарҳои дигар
Рӯзнома
Эзоҳи худро нависед