ВАРЗИШ
Шанбе 27 Апрел 2024 08:28
Аз 20 сентябр то 7 октябр 16-умин ҷоми Осиё оид ба футбол миёни наврасони то 16-сола дар кишвари Малайзия доир гашт. Дар ин мусобиқа тими мунтахаби кишвари мо ширкат намуда, медалҳои нуқра ва роҳхат ба Чемпионати ҷаҳон-2019 (U-17) дар Перуро ба даст овард. Ин комёбӣ дар таърихи футболи кишвар зери роҳбарии Зайниддин Раҳимов сурат гирифт.
Мо бо Зайниддин Раҳимов сармураббии тими мунтахаби наврасони 16-солаи кишвар суҳбат доштем.
- Устод, комёбии тими наврасонро ба Шумо бори дигар муборакбод мегӯем ва мехостем барои хонандагон каме аз таҷрибаатон маълумот диҳед.
- Ташаккур. Ман ҳам ин комёбиро ба Шумо ва тамоми мардуми Тоҷикистон муборакбод мегӯям. Бояд гуфт, ман ба футбол аз овони кӯдакӣ пайваст шудаам. Вақте хурдсол будам шавқу рағбати футболбозӣ дар дилам бисёр ҷӯш мезад. Ҳарчанд падарам мехостанд ман ҳунарманд (навозанда) шавам, аммо ҳама вақт аз мактаби мусиқӣ фирор карда ба варзишгоҳи марказии шаҳри Кӯлоб мерафтам. Оҳиста – оҳиста вориди майдони сабз гардидем. Маҳмадшариф Шарипов мураббии даста хост моро аз рӯи як барномаи футбол ҷиддӣ омода намуда, ҳамчун футболбози касбӣ ба воя расонад. Ва баъдан бо даста ба чанд шаҳру ноҳияҳои кишвар сафар намуда, тамрин ва бозиҳои дӯстона анҷом медодем.
Соли 1986 пас аз хатми хизмати ҳарбӣ ба дастаи “Равшан”-и Кӯлоб пайвастам ва аз ҳамон сол қадамҳои нахустини фаъолияти мураббигиямро низ оғоз кардам. Дар баробари футболбозӣ боз наврасонро тарбия менамудем. Соли 1988 ба дастаи “Вахш”-и шаҳри Қӯрғонтеппа гузаштам. Ин даста дар лигаи дуюми Иттиҳоди Шӯравӣ бозӣ менамуд. Пас аз ин дар дастаҳои “Ҳосилот”-и Фархор ва “Помир”-и Душанбе ҳамчун футболбоз фаъолият намудаам.
- Чанд сол мешавад сармураббӣ шуда кор мекунед?
- Мураббигиро аз давраи футболбозӣ оғоз намудаам. Дар он вақт ҳамеша ба кори мураббиён аҳамият медодам, ки барои омода намудани футболбозон аз кадом роҳҳо истифода мебаранд.
Баъди хотимаи кариераи футболбозиам соли 1998-99 ёрдамчии сармураббии дастаи “Равшан”-и Кӯлоб таъин гардидам. Пасон соли 2004-ум ёрдамчии сармураббии тими мунтахаби кишвар. Аз соли 2010 фаъолиятамро дар тими 16-солаҳои кишвар оғоз намудам. Аввал ҳамчун ёвари сармураббӣ ва аз соли 2014 ба ҳайси сармураббии то 16-солаҳои ҷумҳурӣ кор мекунам.
Барои роҳхат гирифтан ба чемпионати Осиё дастаи 16-солаҳо кадом роҳҳоро тай намуд?
- Аввал ташаккури худро ба роҳбарияти Федератсияи футболи Тоҷикистон мерасонам, ки барои роҳхат гирифтани наврасон ба чемпионати Осиё тамоми имкониятҳоро истифода намуда, ҳамаҷониба дастаро дастгирӣ карданд. Ҳамаи футболбозонро дар як даста, тими “Локомотив Помир”-и Душанбе ҷамъ овардем ва ин даста дар лигаи якуми кишвар баромад намуда истодааст. Ин усул барои якдигарфаҳмии футболбозон фоидаи калон овард. Зеро мо дар як мавсим вохӯриҳои бисёр анҷом додем. Масалан барои аз ҷиҳати тактикӣ омода шудани ҳар як даста, онҳо бояд дар як сол зиёда аз 60 маротиба бозӣ намоянд, ки даста ин реҷаро иҷро кард.
Сафарҳои берун аз кишвар барои таҷрибаи футболбозон низ таъсири калон расонид. Футболбозони наврас пеш аз марҳилаи интихобии Ҷоми Осиё-2018 дар якчанд мусобиқа берун аз кишвар - дар Ҷопон, Сербия, Русия - ширкат намуданд. Албатта ҳар қадар, ки бо футболбозон дар мусобиқаҳои берун аз кишвар сабқат намоянд, ҳамон қадар таҷрибаи футболбозиашон бой мегардад. Бачаҳо то марҳилаи интихоби Ҷоми Осиё- 2018 то қадри имкон аз ҷиҳати тактикиву техникӣ омода шуда буданд.
- Аз бозиҳои интихобии ҷоми Осиё то даври ниҳоӣ дар даста чӣ дигаргунӣ ба амал омад?
- Вақте дастаи мунтахаби наврасони 16-солаи Тоҷикистон дар марҳилаи интихобӣ рақобат намуд, ҳамчун ғолиби гурӯҳи “В” ба марҳилаи ниҳоии қаҳрамонии Осиё роҳхат гирифт. Дар рафти рақобатҳо бароям маълум гардид, ки ба футболбозони даста каме таҷриба намерасад. Аз ин лиҳоз ба Федератсия муроҷиат намудем, ки бозиҳои 16-солаҳоро дар берун аз кишвар зиёдтар анҷом диҳем. Ба кишвар барои анҷом додани бозиҳои рафиқона давлатҳои пурқувватро даъват намоем. Баъди марҳилаи интихобии ҷоми Осиё дастаи Уммон ба кишвар омад ва бо ин тим ду бозии рафиқона баргузор кардем. Пасон ҷиҳати иштирок дар мусобиқаи байналмилалии футбол миёни наврасон, ба Сербия сафар кардем. Дар ин мусобиқа се дидор бо мунтахабҳои Сербия (1-1), Урдун (2-1) ва Ҳиндустон (2-4) анҷом дода, соҳиби медали нуқра гардидем. Ин рақобатҳо бенатиҷа намонд, албатта барои таҷрибаи футболбозон таъсири худро расонид...
- Йоширо Морияма, сармураббии тими мунтахаби Ҷопон пас аз бозии финалӣ ба бозингарони хатти ҳамлаи Тоҷикистон баҳои баланд дод. Шумо дар ин бобат чӣ гуфтаниед?
- Вазифаи аввали мо дар ҷоми Осиё аз гурӯҳ баромадан буд, ки ба он муяссар шудем. Раҳмат ба он мухлисоне, ки моро ҳама вақт дастгирӣ менамуданд. Қадами дуюми мо роҳхат гирифтан ба чемпионати ҷаҳон буд, хушбахтона он чизеро, ки ба бачаҳо мегуфтам, иҷро карданд. Пеш аз ҳар як бозӣ ба бачаҳо мегуфтам, ки барои амалӣ гаштани орзуҳоямон як қадами дигар монд, вақте мо роҳхат ба чемпионати ҷаҳон гирифтем, футболбозон шӯхиомез мегуфтанд, ки муаллим қадамҳо тамом шуд... Ман гуфтам, ки не бачаҳо 15 сантиметри дигар мондааст. Ва вақте ба финал баромадем ба онҳо гуфтам, ки 5 сантиметр боқӣ мондааст, имрӯз он фурсате расидааст, ки бо тамоми қувва малакаамонро нишон диҳем. Бори дигар ба ҷаҳониён нишон диҳем, ки Тоҷикистон новобаста аз давлати ҷавон буданаш ба ҳама кор қодир аст.
- Дастпарварони тими Ҷопон дар ин мусобиқа бо шогирдони Шумо ду маротиба рӯ ба рӯ гашт ва рақобати аввал дар гурӯҳ мусовӣ (0-0) хотима ёфт. Дар финал бошад 0-1, барои ғалабаи бачаҳо чӣ намерасид?
- Дар бозии гурӯҳӣ вақте аз тими Малайзия мағлуб гардидем, дар нишасти матбуотӣ ба сармураббии дастаи Ҷопон гуфтам, ки ту омода шав мо дар финал бо ту рӯ ба рӯ мегардем. Вақте бозии ниҳоӣ оғоз мегардид, тими Ҷопон аз мо пеш ба майдон баромаданд ва сармураббии ҷопонӣ, ки аз ман 30-метр дур буд маро диду наздам омада гуфт, ки гуфтаи ту амалӣ шуд. Ҳама диданд, ки тоҷикон марҳила ба марҳила дар футбол пурзӯр мегардад.
Пеш аз мусобиқа бачаҳоро аз ҷиҳати усулӣ ва техникӣ омода намудем ва танҳо каме мушкилот аз ҷиҳати физикӣ ба бачаҳо боқӣ монда буд, ки ин камбудӣ дар рафти бозиҳои Ҷоми Осиё маълум гардид. Ҳатто вақте дар ҳузури Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон қарор доштем, он кас иброз доштанд, ки ман аз аввал то охир ҳамаи бозиҳои шуморо тамошо мекардам. Барои ғалаба каме қувваи шумо нарасид. Рости вақте ман ин суханҳоро аз забони роҳбари давлат шунидам, бовар кунед, бисёр шод шудам. Аз он ки Президенти кишвар бо вуҷуди корҳои муҳими давлатдорӣ вақт ёфта бозии бачаҳоро тамошо кардаанд ва боз камбудиҳои моро низ ёдовар шуданд.
- Воқеан, футболбозони мо новобаста аз синну сол дар дақиқаҳои охири рақобатҳояшон аз ҷиҳати ҷисмонӣ заъф дошта, ба мушкил дучор мегарданд. Ҳамчун мутахассис ҳалли инро дар чӣ мебинед?
- Вақте дар даврони Шуравӣ футболбоз дар ягон варзишгоҳ машқ мекард, пас аз тамринҳо ба ӯ барои хӯрокхӯриаш варақаи махсус (талон) медоданд. Агар ин усулро бори дигар аз нав барқарор намоянд, фикр мекунам мушкилии физикии варзишгар аз байн меравад. Вақте шогирд шикамаш сер бошад, мо метавонем баъди ҳар як машқ бо ӯ машқҳои гуногуни ҷисмонӣ намоем. Баъзан футболбоз 10 дақиқа бозӣ накарда дар замин мешинад, сабабро мепурсӣ ё саҳар чой нахурдааст ё ягон хӯроки ғизонокиаш паст истеъмол намудааст. Ман пешниҳод мекунам, ки ин усул дар мактабҳои варзишӣ барқарор гардад. Албатта мо наметавонем яку якбора ҳамаи онҳоро бо хӯрокҳои калориядор таъмин намоем. Оҳиста-оҳиста дар аввал мурабби 10 -15 нафар варзишгарони беҳтаринро интихоб менамояд ва ин ҳам вобаста ба шароиташон...
- Шогирдони шумо якумин шуда медалҳои нуқраи Ҷоми Осиёро ба кишвар оварданд. Чунин пешвозгириро интизор будед?
- Соли 2006 футболбозони навраси кишвар дар чемпионати Осиё мақоми сеюмро касб намуда буданд. Мо ҳаракат намудем, як зина болотар бароем ва медали нуқраро соҳиб шудем.
Албатта, пеш аз омадан хабардор шуда будем, ки моро дар Тоҷикистон 15 ҳазор мухлис интизор аст, аммо тахмин накарда будем, ки новобаста аз боришоти борон моро чунин пешвоз мегиранд. Ростӣ, вақте вориди фурӯдгоҳ шудем, бевосита моро Президенти Федератсияи футболи Тоҷикистон Рустами Эмомалӣ, пешвоз гирифт, ки ин як ифтихор аст. Бовар кунед, аз ҳаяҷон дар чашмонам об ҳалқа зад, вақте ба ман сухан доданд аз хурсандӣ чӣ гуфтанамро надонистам.
Ман барои ин самимияту гармии истиқбол бисёр миннатдорам. Бар иловаи мухлисони Тоҷикистон аз тоҷикони муқими Амрикову Аврупо низ паёмҳои табрикӣ дастрас кардем, ки барои ҳамааш изҳори сипос мекунем.
- Фуболбозони дастаро чӣ гуна баҳо медиҳед? Бо ин ҳайат дар Ҷоми ҷаҳон муваффақ шудан мумкин аст?
- Ман ин гапро дар нишасти матбуотӣ гуфта будам, ки агар барои футболбозони даста аз баҳои панҷ боло ягон рақами дигар мебуд медодам. Он чизе ки пеши бачаҳо гузошта буд, пурра анҷом доданд. Минбаъд, ҳаракат мекунем, ки бо ин даста дар ҷоми ҷаҳон муваффақ шавем.
- Омодагиҳоро барои Ҷоми ҷаҳон аз кай оғоз мекунед ва дар ин самт чӣ нақшаҳо доред?
- Бо Федератсия нақша кашидем, ки охири моҳи ноябр барои анҷом додани мусобиқаи байналмилалӣ ба Дубай сафар кунем. Дар ин ҷо чор дастаи пурқувват - Англия, Испания ва Арабистони Саудӣ бо мо вомехӯранд. Инро бинед, ки солҳои пеш дастаи Тоҷикистонро кам ба мусобиқаҳои байналмилалӣ даъват менамуданд. Вақте диданд, ки дастаи тоҷикон рӯз ба рӯз пешрафта истодаанд, моро ба ҳамаи мусобиқаҳо даъват мекунанд.
- Ба Ҷоми ҷаҳон бо ҳамин ҳайат меравед ё онро дигар мекунед?
Барои Ҷоми ҷаҳон ҳайати дастаро каме дигаргун мекунам. Чи хеле, ки дидед дар бозиҳо Рустам ё Ислом бисёр ҳаракати тез доштанд ба ман чунин футболбозон зарур аст. Хатти ҳимояро каме дигаргун мекунам. Ҳадди ақал 4 нафар иваз мешавад.
- Ҳамчун мутахассис рушди футболи кишварро дар кадом сатҳ баҳо медиҳед?
- Дар кишвар футбол ба таври олӣ рӯ ба тараққӣ овардааст. Роҳбарияти ФФТ ва Кумитаи кор бо ҷавонон ва варзиш тамоми шароитро муҳайё карда истодаанд. Ҳамасола майдончаҳои варзишӣ дар шаҳру ноҳияҳо бунёд гардида истодааст. Танҳо моро зарур аст, ки барои ба даст овардани орзуҳо каме меҳнат кунем.
- Мо ба Шумо ва ҳайати даста муваффақиятҳои нав ба нав орзу мекунем. Бовар дорем, ки шарафу обрӯи давлату миллатро боз ҳам баландтар мебароред.
- Ташаккур барои ин таманниёти самимона. Мо ҳам кӯшиш мекунем, ки ба боварии мардуми шарифи ҷумҳурӣ ва мухлисони азиз сазовор бошем.
Мо бо Зайниддин Раҳимов сармураббии тими мунтахаби наврасони 16-солаи кишвар суҳбат доштем.
- Устод, комёбии тими наврасонро ба Шумо бори дигар муборакбод мегӯем ва мехостем барои хонандагон каме аз таҷрибаатон маълумот диҳед.
- Ташаккур. Ман ҳам ин комёбиро ба Шумо ва тамоми мардуми Тоҷикистон муборакбод мегӯям. Бояд гуфт, ман ба футбол аз овони кӯдакӣ пайваст шудаам. Вақте хурдсол будам шавқу рағбати футболбозӣ дар дилам бисёр ҷӯш мезад. Ҳарчанд падарам мехостанд ман ҳунарманд (навозанда) шавам, аммо ҳама вақт аз мактаби мусиқӣ фирор карда ба варзишгоҳи марказии шаҳри Кӯлоб мерафтам. Оҳиста – оҳиста вориди майдони сабз гардидем. Маҳмадшариф Шарипов мураббии даста хост моро аз рӯи як барномаи футбол ҷиддӣ омода намуда, ҳамчун футболбози касбӣ ба воя расонад. Ва баъдан бо даста ба чанд шаҳру ноҳияҳои кишвар сафар намуда, тамрин ва бозиҳои дӯстона анҷом медодем.
Соли 1986 пас аз хатми хизмати ҳарбӣ ба дастаи “Равшан”-и Кӯлоб пайвастам ва аз ҳамон сол қадамҳои нахустини фаъолияти мураббигиямро низ оғоз кардам. Дар баробари футболбозӣ боз наврасонро тарбия менамудем. Соли 1988 ба дастаи “Вахш”-и шаҳри Қӯрғонтеппа гузаштам. Ин даста дар лигаи дуюми Иттиҳоди Шӯравӣ бозӣ менамуд. Пас аз ин дар дастаҳои “Ҳосилот”-и Фархор ва “Помир”-и Душанбе ҳамчун футболбоз фаъолият намудаам.
- Чанд сол мешавад сармураббӣ шуда кор мекунед?
- Мураббигиро аз давраи футболбозӣ оғоз намудаам. Дар он вақт ҳамеша ба кори мураббиён аҳамият медодам, ки барои омода намудани футболбозон аз кадом роҳҳо истифода мебаранд.
Баъди хотимаи кариераи футболбозиам соли 1998-99 ёрдамчии сармураббии дастаи “Равшан”-и Кӯлоб таъин гардидам. Пасон соли 2004-ум ёрдамчии сармураббии тими мунтахаби кишвар. Аз соли 2010 фаъолиятамро дар тими 16-солаҳои кишвар оғоз намудам. Аввал ҳамчун ёвари сармураббӣ ва аз соли 2014 ба ҳайси сармураббии то 16-солаҳои ҷумҳурӣ кор мекунам.
Барои роҳхат гирифтан ба чемпионати Осиё дастаи 16-солаҳо кадом роҳҳоро тай намуд?
- Аввал ташаккури худро ба роҳбарияти Федератсияи футболи Тоҷикистон мерасонам, ки барои роҳхат гирифтани наврасон ба чемпионати Осиё тамоми имкониятҳоро истифода намуда, ҳамаҷониба дастаро дастгирӣ карданд. Ҳамаи футболбозонро дар як даста, тими “Локомотив Помир”-и Душанбе ҷамъ овардем ва ин даста дар лигаи якуми кишвар баромад намуда истодааст. Ин усул барои якдигарфаҳмии футболбозон фоидаи калон овард. Зеро мо дар як мавсим вохӯриҳои бисёр анҷом додем. Масалан барои аз ҷиҳати тактикӣ омода шудани ҳар як даста, онҳо бояд дар як сол зиёда аз 60 маротиба бозӣ намоянд, ки даста ин реҷаро иҷро кард.
Сафарҳои берун аз кишвар барои таҷрибаи футболбозон низ таъсири калон расонид. Футболбозони наврас пеш аз марҳилаи интихобии Ҷоми Осиё-2018 дар якчанд мусобиқа берун аз кишвар - дар Ҷопон, Сербия, Русия - ширкат намуданд. Албатта ҳар қадар, ки бо футболбозон дар мусобиқаҳои берун аз кишвар сабқат намоянд, ҳамон қадар таҷрибаи футболбозиашон бой мегардад. Бачаҳо то марҳилаи интихоби Ҷоми Осиё- 2018 то қадри имкон аз ҷиҳати тактикиву техникӣ омода шуда буданд.
- Аз бозиҳои интихобии ҷоми Осиё то даври ниҳоӣ дар даста чӣ дигаргунӣ ба амал омад?
- Вақте дастаи мунтахаби наврасони 16-солаи Тоҷикистон дар марҳилаи интихобӣ рақобат намуд, ҳамчун ғолиби гурӯҳи “В” ба марҳилаи ниҳоии қаҳрамонии Осиё роҳхат гирифт. Дар рафти рақобатҳо бароям маълум гардид, ки ба футболбозони даста каме таҷриба намерасад. Аз ин лиҳоз ба Федератсия муроҷиат намудем, ки бозиҳои 16-солаҳоро дар берун аз кишвар зиёдтар анҷом диҳем. Ба кишвар барои анҷом додани бозиҳои рафиқона давлатҳои пурқувватро даъват намоем. Баъди марҳилаи интихобии ҷоми Осиё дастаи Уммон ба кишвар омад ва бо ин тим ду бозии рафиқона баргузор кардем. Пасон ҷиҳати иштирок дар мусобиқаи байналмилалии футбол миёни наврасон, ба Сербия сафар кардем. Дар ин мусобиқа се дидор бо мунтахабҳои Сербия (1-1), Урдун (2-1) ва Ҳиндустон (2-4) анҷом дода, соҳиби медали нуқра гардидем. Ин рақобатҳо бенатиҷа намонд, албатта барои таҷрибаи футболбозон таъсири худро расонид...
- Йоширо Морияма, сармураббии тими мунтахаби Ҷопон пас аз бозии финалӣ ба бозингарони хатти ҳамлаи Тоҷикистон баҳои баланд дод. Шумо дар ин бобат чӣ гуфтаниед?
- Вазифаи аввали мо дар ҷоми Осиё аз гурӯҳ баромадан буд, ки ба он муяссар шудем. Раҳмат ба он мухлисоне, ки моро ҳама вақт дастгирӣ менамуданд. Қадами дуюми мо роҳхат гирифтан ба чемпионати ҷаҳон буд, хушбахтона он чизеро, ки ба бачаҳо мегуфтам, иҷро карданд. Пеш аз ҳар як бозӣ ба бачаҳо мегуфтам, ки барои амалӣ гаштани орзуҳоямон як қадами дигар монд, вақте мо роҳхат ба чемпионати ҷаҳон гирифтем, футболбозон шӯхиомез мегуфтанд, ки муаллим қадамҳо тамом шуд... Ман гуфтам, ки не бачаҳо 15 сантиметри дигар мондааст. Ва вақте ба финал баромадем ба онҳо гуфтам, ки 5 сантиметр боқӣ мондааст, имрӯз он фурсате расидааст, ки бо тамоми қувва малакаамонро нишон диҳем. Бори дигар ба ҷаҳониён нишон диҳем, ки Тоҷикистон новобаста аз давлати ҷавон буданаш ба ҳама кор қодир аст.
- Дастпарварони тими Ҷопон дар ин мусобиқа бо шогирдони Шумо ду маротиба рӯ ба рӯ гашт ва рақобати аввал дар гурӯҳ мусовӣ (0-0) хотима ёфт. Дар финал бошад 0-1, барои ғалабаи бачаҳо чӣ намерасид?
- Дар бозии гурӯҳӣ вақте аз тими Малайзия мағлуб гардидем, дар нишасти матбуотӣ ба сармураббии дастаи Ҷопон гуфтам, ки ту омода шав мо дар финал бо ту рӯ ба рӯ мегардем. Вақте бозии ниҳоӣ оғоз мегардид, тими Ҷопон аз мо пеш ба майдон баромаданд ва сармураббии ҷопонӣ, ки аз ман 30-метр дур буд маро диду наздам омада гуфт, ки гуфтаи ту амалӣ шуд. Ҳама диданд, ки тоҷикон марҳила ба марҳила дар футбол пурзӯр мегардад.
Пеш аз мусобиқа бачаҳоро аз ҷиҳати усулӣ ва техникӣ омода намудем ва танҳо каме мушкилот аз ҷиҳати физикӣ ба бачаҳо боқӣ монда буд, ки ин камбудӣ дар рафти бозиҳои Ҷоми Осиё маълум гардид. Ҳатто вақте дар ҳузури Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон қарор доштем, он кас иброз доштанд, ки ман аз аввал то охир ҳамаи бозиҳои шуморо тамошо мекардам. Барои ғалаба каме қувваи шумо нарасид. Рости вақте ман ин суханҳоро аз забони роҳбари давлат шунидам, бовар кунед, бисёр шод шудам. Аз он ки Президенти кишвар бо вуҷуди корҳои муҳими давлатдорӣ вақт ёфта бозии бачаҳоро тамошо кардаанд ва боз камбудиҳои моро низ ёдовар шуданд.
- Воқеан, футболбозони мо новобаста аз синну сол дар дақиқаҳои охири рақобатҳояшон аз ҷиҳати ҷисмонӣ заъф дошта, ба мушкил дучор мегарданд. Ҳамчун мутахассис ҳалли инро дар чӣ мебинед?
- Вақте дар даврони Шуравӣ футболбоз дар ягон варзишгоҳ машқ мекард, пас аз тамринҳо ба ӯ барои хӯрокхӯриаш варақаи махсус (талон) медоданд. Агар ин усулро бори дигар аз нав барқарор намоянд, фикр мекунам мушкилии физикии варзишгар аз байн меравад. Вақте шогирд шикамаш сер бошад, мо метавонем баъди ҳар як машқ бо ӯ машқҳои гуногуни ҷисмонӣ намоем. Баъзан футболбоз 10 дақиқа бозӣ накарда дар замин мешинад, сабабро мепурсӣ ё саҳар чой нахурдааст ё ягон хӯроки ғизонокиаш паст истеъмол намудааст. Ман пешниҳод мекунам, ки ин усул дар мактабҳои варзишӣ барқарор гардад. Албатта мо наметавонем яку якбора ҳамаи онҳоро бо хӯрокҳои калориядор таъмин намоем. Оҳиста-оҳиста дар аввал мурабби 10 -15 нафар варзишгарони беҳтаринро интихоб менамояд ва ин ҳам вобаста ба шароиташон...
- Шогирдони шумо якумин шуда медалҳои нуқраи Ҷоми Осиёро ба кишвар оварданд. Чунин пешвозгириро интизор будед?
- Соли 2006 футболбозони навраси кишвар дар чемпионати Осиё мақоми сеюмро касб намуда буданд. Мо ҳаракат намудем, як зина болотар бароем ва медали нуқраро соҳиб шудем.
Албатта, пеш аз омадан хабардор шуда будем, ки моро дар Тоҷикистон 15 ҳазор мухлис интизор аст, аммо тахмин накарда будем, ки новобаста аз боришоти борон моро чунин пешвоз мегиранд. Ростӣ, вақте вориди фурӯдгоҳ шудем, бевосита моро Президенти Федератсияи футболи Тоҷикистон Рустами Эмомалӣ, пешвоз гирифт, ки ин як ифтихор аст. Бовар кунед, аз ҳаяҷон дар чашмонам об ҳалқа зад, вақте ба ман сухан доданд аз хурсандӣ чӣ гуфтанамро надонистам.
Ман барои ин самимияту гармии истиқбол бисёр миннатдорам. Бар иловаи мухлисони Тоҷикистон аз тоҷикони муқими Амрикову Аврупо низ паёмҳои табрикӣ дастрас кардем, ки барои ҳамааш изҳори сипос мекунем.
- Фуболбозони дастаро чӣ гуна баҳо медиҳед? Бо ин ҳайат дар Ҷоми ҷаҳон муваффақ шудан мумкин аст?
- Ман ин гапро дар нишасти матбуотӣ гуфта будам, ки агар барои футболбозони даста аз баҳои панҷ боло ягон рақами дигар мебуд медодам. Он чизе ки пеши бачаҳо гузошта буд, пурра анҷом доданд. Минбаъд, ҳаракат мекунем, ки бо ин даста дар ҷоми ҷаҳон муваффақ шавем.
- Омодагиҳоро барои Ҷоми ҷаҳон аз кай оғоз мекунед ва дар ин самт чӣ нақшаҳо доред?
- Бо Федератсия нақша кашидем, ки охири моҳи ноябр барои анҷом додани мусобиқаи байналмилалӣ ба Дубай сафар кунем. Дар ин ҷо чор дастаи пурқувват - Англия, Испания ва Арабистони Саудӣ бо мо вомехӯранд. Инро бинед, ки солҳои пеш дастаи Тоҷикистонро кам ба мусобиқаҳои байналмилалӣ даъват менамуданд. Вақте диданд, ки дастаи тоҷикон рӯз ба рӯз пешрафта истодаанд, моро ба ҳамаи мусобиқаҳо даъват мекунанд.
- Ба Ҷоми ҷаҳон бо ҳамин ҳайат меравед ё онро дигар мекунед?
Барои Ҷоми ҷаҳон ҳайати дастаро каме дигаргун мекунам. Чи хеле, ки дидед дар бозиҳо Рустам ё Ислом бисёр ҳаракати тез доштанд ба ман чунин футболбозон зарур аст. Хатти ҳимояро каме дигаргун мекунам. Ҳадди ақал 4 нафар иваз мешавад.
- Ҳамчун мутахассис рушди футболи кишварро дар кадом сатҳ баҳо медиҳед?
- Дар кишвар футбол ба таври олӣ рӯ ба тараққӣ овардааст. Роҳбарияти ФФТ ва Кумитаи кор бо ҷавонон ва варзиш тамоми шароитро муҳайё карда истодаанд. Ҳамасола майдончаҳои варзишӣ дар шаҳру ноҳияҳо бунёд гардида истодааст. Танҳо моро зарур аст, ки барои ба даст овардани орзуҳо каме меҳнат кунем.
- Мо ба Шумо ва ҳайати даста муваффақиятҳои нав ба нав орзу мекунем. Бовар дорем, ки шарафу обрӯи давлату миллатро боз ҳам баландтар мебароред.
- Ташаккур барои ин таманниёти самимона. Мо ҳам кӯшиш мекунем, ки ба боварии мардуми шарифи ҷумҳурӣ ва мухлисони азиз сазовор бошем.
Эзоҳи худро нависед