Дар се моҳи аввали соли равон 89101 нафар шаҳрванди хориҷӣ вориди Тоҷикистон шудаанд, ки 73200 нафараш турист мебошанд. Аз ин ҳисоб ба иқтисодиёти мамлакат 36 млн. доллари ИМА маблағ ворид гаштааст.

Ба иттилои Кумитаи ҷавонон, варзиш ва сайёҳии назди Ҳукумати ҷумҳурӣ, дар ин давра 76 чорабинии вобаста ба рушди туризм доир гаштааст. Дар ин давра 300 нафар мутахассиси соҳаи туризм дар се курси такмили ихтисос иштирок карданд.

Давоми се моҳи аввали соли ҷорӣ шакли ягонаи муайян намудани хизматрасонии ташрифоти сайёҳон ба кишвар тасдиқ гардида, аллакай роҳандозӣ шудааст.

Дар ин давра ширкатҳои туристии кишвар дар 2 намоишгоҳи байналмилалии туристии дунё – “ITB – Берлин” ва “Интурмаркет”-и Москва имконият ва захираҳои туристӣ, ҳамзамон сифати қабул ва хизматрасониро муаррифӣ намуданд.