Кумитаи ҷавонон, варзиш ва сайёҳӣ 1-3 ноябри соли равон барои кормандони субъектҳои хоҷагидорӣ, меҳмонхонаҳо, ошхонаҳо, осоишгоҳҳо ва дигар иншооти хизматрасонӣ дар соҳаи туризм дар шаҳри Душанбе давраи омӯзишӣ доир мекунад.

Курси омӯзишӣ ҷиҳати пешкаш кардани хизматрасонии муносиб ба туристони хориҷӣ ва пурсамар намудани фаъолияти ширкатҳои туристии ватанӣ баргузор мешавад.

Мақсад ба талаботи муосири бозори соҳаи туризм мутобиқ намудани сифати хизматрасонӣ, мубодилаи таҷрибаи намояндагони соҳаи туризми ҷумҳурӣ, махсусан хизматрасонии муносиби қабул ва гусели меҳмонон, омода намудани роҳбаладони касбӣ, пешхизматҳо ва операторони сайёҳӣ мебошад.