САЙЁҲӢ
Якшанбе 28 Апрел 2024 11:49
Ҳунарҳои мардумӣ таҷассумгари фарҳангу тамаддуни миллӣ буда, ҷиҳати рушди онҳо аз ҷониби Ҳукумати мамлакат
пайваста тадбирҳои мушаххас андешида мешавад.
Эълон гардидани Соли рушди сайёҳӣ ва ҳунарҳои мардумӣ ва Солҳои рушди деҳот, сайёҳӣ ва ҳунарҳои мардумӣ аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳунармандон рӯҳу илҳоми тоза бахшида, ҳунармандон барои сайқал додани ҳунари худ кӯшиш намуда истодаанд.
Имрӯз ҷиҳати рушди ҳунарҳои миллӣ ва омӯзонидани он ба насли ҷавон дар шаҳру ноҳияҳои кишвар марказҳои ҳунаромӯзӣ ташкил гардида, дар он шавқмандони ҳунарҳои мардумӣ ба ҳунаромӯзӣ ҷалб гардидаанд.
Яке аз чунин марказҳо Муассисаи давлатии “Ҳунарҳои мардумӣ” дар ноҳияи Синои шаҳри Душанбе мебошад. Айни ҳол дар маркази мазкур 42 адад коргоҳи ҳунарҳои мардумӣ, аз қабили коргоҳи дӯзандагӣ, пазандагӣ, қолинбофӣ, атласу адрасбофӣ ва дигар ҳунарҳо фаъолият мекунанд.
Муассисаи давлатии “Ҳунарҳои мардумӣ”-и ноҳияи Синои шаҳри Душанбе 23 октябри соли 2017 ташкил ёфта, дар муддати ду соли фаъолият кормандони он бо маҳсули дастони хеш дар 20-22 намоишгоҳи фарҳангии шаҳри Душанбе ва дигар шаҳру ноҳияҳо иштирок намуда, соҳиби ифтихорнома гардидааст.
Бино ба таъкиди Фароғат Раҳматуллозода, директори Муассисаи давлатии “Ҳунарҳои мардумӣ”-и ноҳияи Сино, дар муассиса 234 корманд буда, аз ин шумора 139 нафарашро ҷавонон ташкил медиҳанд. Ҷавондухтарон, ки қисми бештари ҳунаромӯзонро дар марказ ташкил медиҳанд, бисёртар мехоҳанд, ки ҳунарҳои дӯзандагӣ, пазандагӣ, адрасу атласбофиро омӯзанду дар рушди ҳунарҳои миллӣ саҳми худро гузоранд.
Гуландом Ҷабборова, яке аз занони ҳунармандест, ки хушбахтии худро дар ободии хонавода ва ҳунарманд будан мебинад. Ин бонуи ҳунар айни ҳол ҳунари хешро ба ҷавонон меомӯзонад, то онҳо инсони соҳибҳунару комил ба воя расанд.
-Ман ба ҳунарҳои дӯзандагӣ, пазандагӣ, гӯлдӯзӣ, тоқидӯзӣ машғул буда, ин ҳунарҳоро дар Муассисаи давлатии “Ҳунарҳои мардумӣ”-и ноҳияи Синои шаҳри Душанбе ба шогирдон меомӯзонам. Ҷавонон имрӯз шавқи зиёд дошта, мехоҳанд дарҳол соҳиби ҳунар шаванд. Мо низ пайваста талош менамоем, то насли ҷавон соҳиби ҳунарҳои миллӣ шаванду дар таҳкими он саҳми худро гузоранд. Мо мардуми фарҳангсолорем ва эҳё намудани ҳунарҳои мардумӣ вазифаи мост, - иброз дошт Гуландом Ҷабборова.
Роҳбарияти Муассисаи давлатии “Ҳунарҳои мардумӣ”-и ноҳияи Сино дар оянда низ нақша доранд, ҷиҳати рушду таҳкими ҳунарҳои мардумӣ фаъолияти худро ба роҳ монда, барои омӯзонидани ҳунарҳои миллӣ ба ҷавонон курсҳои омӯзиширо бисёртар намоянду ҳунарҳои ба гӯшаи фаромушӣ рафтаро аз нав эҳё созанд.
-Маркази мо на танҳо барои ҷавондухтарон, инчунин барои писарон низ ҳунарҳои гуногунро, аз қабили кулолгарӣ, кандакорӣ, қолинбофӣ ва нақшу нигор дар рӯи шиша меомӯзонад. Занону бонувони тоҷик аз замони қадим майл ба ҳунару ҳунармандӣ доштанду имрӯз низ доранд. Бонувони кишварро боз ҳам лозим аст, то ҳунарҳои мардумиро хуб аз худ намоянду ба наслҳои минбаъда мерос гузоранд, - гуфт дар интиҳо Фароғат Раҳматуллозода, директори Муассисаи давлатии “Ҳунарҳои мардумӣ”-и ноҳияи Сино.
пайваста тадбирҳои мушаххас андешида мешавад.
Эълон гардидани Соли рушди сайёҳӣ ва ҳунарҳои мардумӣ ва Солҳои рушди деҳот, сайёҳӣ ва ҳунарҳои мардумӣ аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳунармандон рӯҳу илҳоми тоза бахшида, ҳунармандон барои сайқал додани ҳунари худ кӯшиш намуда истодаанд.
Имрӯз ҷиҳати рушди ҳунарҳои миллӣ ва омӯзонидани он ба насли ҷавон дар шаҳру ноҳияҳои кишвар марказҳои ҳунаромӯзӣ ташкил гардида, дар он шавқмандони ҳунарҳои мардумӣ ба ҳунаромӯзӣ ҷалб гардидаанд.
Яке аз чунин марказҳо Муассисаи давлатии “Ҳунарҳои мардумӣ” дар ноҳияи Синои шаҳри Душанбе мебошад. Айни ҳол дар маркази мазкур 42 адад коргоҳи ҳунарҳои мардумӣ, аз қабили коргоҳи дӯзандагӣ, пазандагӣ, қолинбофӣ, атласу адрасбофӣ ва дигар ҳунарҳо фаъолият мекунанд.
Муассисаи давлатии “Ҳунарҳои мардумӣ”-и ноҳияи Синои шаҳри Душанбе 23 октябри соли 2017 ташкил ёфта, дар муддати ду соли фаъолият кормандони он бо маҳсули дастони хеш дар 20-22 намоишгоҳи фарҳангии шаҳри Душанбе ва дигар шаҳру ноҳияҳо иштирок намуда, соҳиби ифтихорнома гардидааст.
Бино ба таъкиди Фароғат Раҳматуллозода, директори Муассисаи давлатии “Ҳунарҳои мардумӣ”-и ноҳияи Сино, дар муассиса 234 корманд буда, аз ин шумора 139 нафарашро ҷавонон ташкил медиҳанд. Ҷавондухтарон, ки қисми бештари ҳунаромӯзонро дар марказ ташкил медиҳанд, бисёртар мехоҳанд, ки ҳунарҳои дӯзандагӣ, пазандагӣ, адрасу атласбофиро омӯзанду дар рушди ҳунарҳои миллӣ саҳми худро гузоранд.
Гуландом Ҷабборова, яке аз занони ҳунармандест, ки хушбахтии худро дар ободии хонавода ва ҳунарманд будан мебинад. Ин бонуи ҳунар айни ҳол ҳунари хешро ба ҷавонон меомӯзонад, то онҳо инсони соҳибҳунару комил ба воя расанд.
-Ман ба ҳунарҳои дӯзандагӣ, пазандагӣ, гӯлдӯзӣ, тоқидӯзӣ машғул буда, ин ҳунарҳоро дар Муассисаи давлатии “Ҳунарҳои мардумӣ”-и ноҳияи Синои шаҳри Душанбе ба шогирдон меомӯзонам. Ҷавонон имрӯз шавқи зиёд дошта, мехоҳанд дарҳол соҳиби ҳунар шаванд. Мо низ пайваста талош менамоем, то насли ҷавон соҳиби ҳунарҳои миллӣ шаванду дар таҳкими он саҳми худро гузоранд. Мо мардуми фарҳангсолорем ва эҳё намудани ҳунарҳои мардумӣ вазифаи мост, - иброз дошт Гуландом Ҷабборова.
Роҳбарияти Муассисаи давлатии “Ҳунарҳои мардумӣ”-и ноҳияи Сино дар оянда низ нақша доранд, ҷиҳати рушду таҳкими ҳунарҳои мардумӣ фаъолияти худро ба роҳ монда, барои омӯзонидани ҳунарҳои миллӣ ба ҷавонон курсҳои омӯзиширо бисёртар намоянду ҳунарҳои ба гӯшаи фаромушӣ рафтаро аз нав эҳё созанд.
-Маркази мо на танҳо барои ҷавондухтарон, инчунин барои писарон низ ҳунарҳои гуногунро, аз қабили кулолгарӣ, кандакорӣ, қолинбофӣ ва нақшу нигор дар рӯи шиша меомӯзонад. Занону бонувони тоҷик аз замони қадим майл ба ҳунару ҳунармандӣ доштанду имрӯз низ доранд. Бонувони кишварро боз ҳам лозим аст, то ҳунарҳои мардумиро хуб аз худ намоянду ба наслҳои минбаъда мерос гузоранд, - гуфт дар интиҳо Фароғат Раҳматуллозода, директори Муассисаи давлатии “Ҳунарҳои мардумӣ”-и ноҳияи Сино.
Хабарҳои дигар
Рӯзнома
Эзоҳи худро нависед