Дар баробари дигар минтақаҳои сайёиҳии кишвар шаҳри Ҳисор низ дорои имкониятҳои гуногуни туристӣ мебошад. Ин аст, ки сол то сол боздиди сайёҳон аз ин минтақаи хушбоду ҳаво, ки як гӯшаи хурраму зебои Тоҷикистони азиз аст, рӯ ба афзоиш дорад. Доир ба вазъи имрӯзаи соҳа дар шаҳр бо Отаҷон Ниёзов, мудири бахши ҷавонон, варзиш ва сайёҳии шаҳри Ҳисор суҳбате доштем.

- Мегуфтед, ки вазъи имрӯзаи сайёҳӣ дар шаҳр чи гуна аст?

- Ҳолати имрӯзаи туризм дар шаҳри Ҳисор хуб ба назар мерасад. Имрӯзҳо дар шаҳр сайёҳон аз дохил ва хориҷи кишвар ташриф меоранд, ки ин далели дар ҳоли рушд қарор доштани соҳа ме-бошад. Сайёҳон ба шаҳр меоянд, то аз мавзеъҳои гуногуни таърихию фарҳангӣ дидан намоянд. Инчунин иншооте, ки бахшида ба ҷашни 3000–солагии Ҳисор аз ҷониби Ҳукумати кишвар ва соҳибкорони маҳаллӣ сохта ба истифода дода шуд, ҳусни шаҳрро боз ҳам афзун намудааст. Ин ҳама пешравӣ боис ба он гардидааст, то шумораи сайёҳон зиёд гардад. Вазъи имрӯзаи туризм умуман хеле хуб ва натиҷаовар аст.

- То имрӯз чӣ қадар сайёҳ аз шаҳри Ҳисор дидан намуданд?

- Нисбат ба солҳои пешин шумо¬раи сайёҳони аз мавзеъҳои туристӣ диданкунанда зиёд гардида истодааст. Дар нуҳ моҳи соли 2016 ба Муассисаи давлатии ҷумҳуриявии “Мамнуъгоҳи таърихӣ – фарҳангии Ҳисор” 14 670 нафар меҳмонон аз дохилу хориҷи кишвар ташриф оварданд, ки аз ин 3486 нафар меҳмонон аз хориҷ, 11 184 нафар меҳмонони дохилӣ, ки бо хариди чипта вориди мамнуъгоҳ шуданд. Илова бар ин беш аз 60 000 нафар меҳмонон дар рӯзҳои ҷашни Наврӯз ба шаҳри Ҳисор ташриф оварда, дар таърихи 22–юми сентябр бахшида ба ҷашни зодрӯзи Сар-дафтари адабиёти классики тоҷику форс А. Рӯдакӣ ба 2 800 нафар меҳмонон, ки аз ин 136 нафарашро меҳмонони хориҷӣ ташкил мекард, хизматрасонӣ карда шуд.

- Шаҳри Ҳисор дорои имкониятҳои гу¬ногуни сайёҳӣ мебошад. Баҳри муаррифӣ намудани он то имрӯз чи гуна тадбирҳо андешида шуданд?

- Ҳарчанд баҳри муаррифии минтақаҳои туристии шаҳр то имрӯз корҳои зиёдеро ба сомон расонидем, вале ин қаноатбахш нест. Имрӯз бахши ҷавонон, варзиш ва сайёҳии шаҳр бо дастгирии Кумитаи ҷавонон, варзиш ва сайёҳии назди Ҳукумати кишвар, Мақомоти иҷроияти ҳокимияти дав¬латии шаҳри Ҳисор ва дар якҷоягӣ бо “Мамнуъгоҳи таърихӣ – фарҳангии Ҳисор” тадбирҳои гуногун роҳандозӣ намуда¬аст. Дар баробари ин ҷиҳати муаррифии ҷойҳои сайёҳии шаҳр маълумотномаҳо, дискҳо, видеороликҳо ва сомонаи интернетӣ ташкил карда шуданд, ки та¬вассути интернет ин видеороликҳо пеш¬каши ҷаҳониён мегардад, то онҳо бинан¬ду баҳри сайру сайёҳат ба кишвари мо биёянд ва аз тамошои он ҳаловат баранд.

- Аз санаи таҷлили 3000-солагии шаҳр то имрӯз дар риштаи туризм чи дигаргуниҳо ба вуҷуд омаданд?

- Воқеан тавассути таҷлили ин ҷашн мо ба ҷаҳониён бори дигар муаррифӣ намудем, ки Тоҷикистон сарзамини биҳиштосо мебошад. Дар пайи таҷлили ин саннаи муҳиму таърихӣ ҳусни шаҳр боз ҳам рангинтар гардид. Бахусус қомат афрохтани чойхонаи калонтарин дар шакли харбуза, майдони варзишӣ бо бист ҳазор ҷойи нишаст, ба истифода додани қасри фарҳангу китобхонаи шаҳрӣ боис ба он гардид, то соҳаи сайёҳӣ боз ҳам рушд намояд. Як натиҷаҳои хуб ин буд, ки шумораи сайёҳон рӯ ба афзоиш ниҳод. Ин албатта хуб аст. Имрӯзҳо ҳам роҳраву кӯчаҳо ва ҷойҳои истироҳатию таърихӣ ҳамеша дар ҳолати хуб қарор доранд ва ҳар як меҳмони воридгардидаро хуб пазироӣ менамоянд, то ин ки онҳо бо як рӯҳи болида ва хотироти рангин баргарданд.

- Кадом навъи сайёҳӣ бештар рушд намуда истодааст: туризми дохилӣ ё хориҷӣ?

- Дар шаҳр ҳар ду навъи туризм ба чашм мерасад. Ҳар яке аз сайёҳони хориҷӣ вақте ба ин ҷо меоянду ба ҷойҳои таърихӣ сафар менамоянд, мо роҳбаладоне дорем, ки бо се забон ба¬рои меҳмонон хизмат мерасонанд. Пас аз тамошо бисёре аз сайёҳони хориҷӣ таассуроташонро бо як эҳсоси баланд баён менамоянд. Ин ҳама дарак аз он медиҳад, ки соҳа дар ҳоли инкишоф мебошад.

- Кадом мавзеъҳо дар шаҳр бештар таваҷҷуҳи сайёҳони дохиливу хориҷиро ҷалб намудааст?

- Яке аз мавзеъҳое, ки бештар мавриди таваҷҷуҳи сайёҳони дохилву хориҷист, “Мамнуъгоҳи таърихӣ- фарҳангии Ҳисор” мебошад. Имрӯз фаъолияти Муассисаи давлатии ҷумҳуриявии “Мамнуъгоҳи таърихӣ-фарҳангии Ҳисор” аз рӯи нақшаи солона бо танзими му¬айян ба роҳ монда шудааст. Корман¬дон аз рӯйи тахассуси шуъбавиашон кор карда истодаанд. Айни замон дар Муассисаи давлатии ҷумҳуриявии “Мамнуъгоҳи таърихӣ-фарҳангии Ҳисор” шуъбаҳои фонду мардумшиносӣ, тарми¬му барқарорсозӣ, меъморию рассомӣ, таъриху бостоншиносӣ ва осорхонаи таърихӣ барои бо самар омӯхтани таъ¬риху фарҳанги мардум, ҳифзу истифодаи мероси таърихию фарҳангӣ ва тармиму барқарорсозии ёдгориҳои меъморию таърихӣ фаъолият мекунанд. Мамнуъгоҳи мазкур аз нав тармиму таъмир гардидааст, ки писанди ҳар бинанда мебошад.

- То имрӯз баҳри рушди соҳаи сайёҳӣ дар шаҳр чи гуна чорабиниҳо роҳандозӣ шуданд?

- Доир ба рушди соҳа пайваста вохӯриву чорабиниҳои махсус, мизҳои мудаввар ва маҳфилҳои фарҳангӣ гу¬заронида мешаванд. Дар баробари ди¬гар қишрҳои ҷомеа бо ҷавонон бештар мулоқотҳо барпо мегарданд. Мақсад аз гузаронидани чунин чорабиниҳо дар байни ҷавонон ин аст, ки онҳо аз минтақаҳои туристии шаҳр огаҳ гарданду ба дӯстону рафиқони худ, ки аз дигар минтақаҳои кишваранд, дар бораи ҷойҳои тамошобоби шаҳр маълумот диҳанду ба ин минтақа даъват намоянд. Дар баробари ин, имрӯз бо ширкатҳои сайёҳӣ ҳамкорӣ намуда истодаем.

- Таваҷҷуҳи ҳукумати шаҳр вобаста ба соҳаи туризм чи гуна аст ва барои рушди соҳа чи нақшаҳо доред?
- Нисбати соҳаи сайёҳӣ ва варзиш таваҷҷуҳи ҳукумати шаҳр хеле хуб аст. Моро ҳаматарафа дастгирӣ менамоянд. Дар баробари ин, бо дастгирии Кумитаи ҷавонон, варзиш ва сайёҳӣ ва мақомоти иҷроияи ҳокимияти давлатии шаҳри Ҳисор кори мо ба роҳ монда шудааст. Дар оянда кӯшиш менамоем, ки баҳри боз ҳам рушд ёфтани соҳаҳои мазкур корҳои муайянро ба анҷом расонем ва ин соҳаро рушд бахшем.