Шоми  16 август дар боғи  фарҳангӣ - фароғатии ба номи Камоли Хуҷандии шаҳри Хуҷанд, Фестивали фарҳангию сайёҳии “Суғди бостон”  доир гардид.

Дар фестивал  Аҳтам Абдуллозода, раиси Кумитаи ҷавонон, варзиш ва сайёҳӣ, Назира Ғаффорӣ, муовини раиси вилояти Суғд, Шарифзода Шариф, раиси шаҳри Хуҷанд, мудирони Бахши варзиш ва сайëҳии шаҳру ноҳияҳои вилоят ва сокинону меҳмонон иштирок намуданд.

Дар фестивал захираҳои сайëҳии шаҳру ноҳияҳои вилояти Суғд ба ҳозирин намоиш дода шуда, меҳмонон аз мавзеҳои боғи Камоли Хуҷандӣ дидан намуданд.

Мероси бойи таърихию фарҳангӣ ва захираҳои табии Ҷумҳурии Тоҷикистон, барои ҷалби зиёди сайёҳони хориҷӣ  мусоидат менамояд. Вилояти Суғд дорои захираҳои зиëди сайëҳӣ буда, барои инкишофи соҳаи сайëҳӣ шароити мусоид фароҳам меорад таъкид дошт, - Аҳтам Абдуллозода раиси Кумитаи ҷавонон, варзиш ва сайёҳӣ.

Мақсад аз баргузории фестивали фарҳангию сайёҳии “Суғди бостон” муаррифии имкониятҳои сайëҳии вилояти Суғд арзëбӣ гардид.