"Корвони рӯзноманигорон"  ба ноҳияи Балҷувон сафар кардан.

Дар ноҳияи мазкур гурӯҳи рӯзноманигорон аз мавзеҳои таърихӣ, ҷашну оинҳои миллӣ, мавзеҳои туристӣ ва чорабиниҳои фарҳангӣ аз наздик шинос шуданд.

Ноҳияи Балҷувон дорои мавзеъҳои туристӣ буда, рушди соҳаи туризмро тақозо менамояд. Дар ноҳия мавзеҳои туристӣ  аз қабили  қалъаҳои таърихии Мир,  Чорбоғ,  Тупхона, Дектур,  Турк, Чаноро, Чавгонӣ, Додӣ, бошишгоҳҳои замони асри сангин ва дар деҳаҳои Файзобод, Шаҳидӣ, Бобохон Ҷимбулоқ  мақбараю оромгоҳи орифон  ҷойгир шудаанд.

Дар ноҳия осорхонаҳои мардумӣ аз соли 1979 бунёд ёфтаанд.

"Корвони рӯзноманигорон" аз наздик ба ин мавзеҳои туристӣ ва таърихӣ шинос шуда, фикру мулоҳизаҳои хешро оиди ин нигораҳои таърихӣ иброз доштанд.

Дар назар аст, ки баъди нисфирӯзӣ корвони рӯзноманигорон ба ноҳияи Ховалинг сафар мекунанд.