Имрӯз, 2 июн, дар шаҳри Фужоуи Ҷумҳурии мардумии Чин семинари "Рушди ҳамкорӣ дар соҳаи сайеҳӣ миёни Тоҷикистону Чин дар соли 2017" ба кори худ оғоз намуд.

Ван Сзянгуан, муовини сардори Маркази омодакунии кадрҳои сиёсати иқтисоди хориҷии вилояти Футзиян ташрифи меҳмононро шодбош гуфта, ба кори семинар оғоз бахшид. “Тоҷикистон яке аз шарикони асосии кишвари Чин дар соҳаи сайёҳӣ ба ҳисоб меравад. Мо боварӣ дорем, ки семинари мазкур баҳри бештар ошно гардидан ба расму оин, мавзеҳои тахрихӣ ва муаррифии ин ду кишвари дӯсту бародар заминаи бештар фароҳам меорад”, - гуфт Ван Сзянгуан.

Дилшод Давлатзода, намояндаи Дастгоҳи иҷроияи Президенти Ҷумҳурии Тоҷикистон аз номи иштирокчиён масъулинро барои меҳмонавозияшон сипос гуфта, дар мавриди ҳамкориҳои Тоҷикистону Чин дар соҳаи сайёҳӣ ва ташрифи шаҳрвандони Чин ба Тоҷикистон баромад намуд.

Маърузаи якуми семинари мазкур аз чониби профессор Сун Личжун дар мавзӯи "Ҳифзи ёдгориҳои таърихии ҷаҳонӣ ва ташаккули туризми фарҳангӣ" шунида шуд.

Симинар то 21 июн идома меёбад ва оиди паҳлӯҳои гуногун соҳаи сайёҳӣ мутахассисони соҳаи туризми Ҷумҳурии мардумии Чин ба иштирокчиён марӯза мехонанд.

Шодихони НАЗАР, шаҳри Фужоуи Чин, махсус барои “ҶТ”