15 июл дар асоси дастури Кумитаи кор бо ҷавонон ва варзиши назди Ҳукумати кишвар, дар шаҳри Қӯрғонтеппа мулоқоту вохӯрӣ бо наврасону ҷавонон ва бузургсолони шаҳр баргузор гардид.

Мулоқоти мазкур оғози силсилачорабиниҳо доир ба расонидани мафҳум ва муҳтавои суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар 10-солагии қабули Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон" мебошад.

Дар чорабинии мазкур намояндаи Бахши кор бо ҷавонон ва варзиш ва сархатиби масҷиди марказии шаҳри Қӯрғонтеппа иштироку суханронӣ намуда, даъват ба амал оварданд, то сокинон, махсусан ҷавонон, дар татбиқи қонуни мазкур саҳмгузор бошанду дар доираи ҳидоятҳои Пешвои муаззами миллат амал намоянд.