ҶАВОНОН
Ҷумъа 27 Декабр 2024 02:36
Табрикоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло ба муносибати Рӯзи ҷавонони Тоҷикистон
Ҷавонони азиз, пайравони асили Пешвои миллат, дӯстони гиромӣ!
Дар шуруъ ҳамаи шуморо, ки дар асл бақои кишвару миллат ва созандаи фардои Ватани маҳбубу соҳибистиқлол ҳастед, ба муносибати Рӯзи ҷавонони Тоҷикистон самимона табрику таҳният мегӯям.
Дар воқеъ, барои мо - ҷавонон мояи ифтихор аст, ки имрӯзҳо зери сиёсати ҷавонпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ватани азизу маҳбубамон тамоми шароитҳо муҳайё аст. Ҳамасола дар сатҳи баланди ҷамъиятиву сиёсӣ таҷлил гардидани Рӯзи ҷавонон шаҳодати ғамхориҳои пайвастаи Пешвои муаззами миллат ва давлату Ҳукумат нисбат ба насли ҷавони кишвар мебошад.
Маҳз боварию эътимод ва сиёсати ҷавонпарваронаи Пешвои миллат аст, ки дар самти дастгирии насли наврасу ҷавон ба таври ҳамешагӣ иқдомҳои беназир роҳандозӣ карда мешавад. Яке аз чунин иқдомҳо ва механизмҳои ҳавасмандгардонӣ ва дастгирии иҷтимоии ҷавонон ин таъсиси Стипендияи президентӣ барои хонандагони мактабҳо ва донишҷӯён аст, ки Пешвои муаззами миллат аз рӯзҳои нахустини давлатдорӣ ба дарки ин нукта расида буданд.
Чуноне, ки мову шумо огоҳем бо Фармони Президенти Ҷумҳурии Тоҷикистон аз 26-уми феврали соли 1998 бо мақсади фаъолгардонии насли ҷавон Стипендияи президентӣ таъсис ёфтааст. Бо талошҳои пайгиронаи Роҳбари ҷавонпарвари кишвар дар 20 соли гузашта (то соли 2018) гирандагони Стипендияи президентӣ аз 100 ба 400 нафар расида буданд.
Гарчанде аз зиёд намудани шумораи гирандагони Стипендияи президентӣ танҳо ду сол сипарӣ шуда бошад ҳам, аммо Президенти кишвар бо дарки муҳиммияти рушди илму техника ва фанҳои дақиқ 18 марти соли ҷорӣ дар вохӯрӣ бо зиёиёни кишвар аз афзун сохтани шумораи Стипендияи президентӣ мужда дода, иброз доштанд: “Пешниҳод менамоям, ки аз 1 январи соли 2021 шумораи гирандагони Стипендияи Президенти Ҷумҳурии Тоҷикистон дар муассисаҳои таҳсилоти миёнаи умумӣ, ки дар омӯхтани фанҳои табиӣ ва риёзиву дақиқ натиҷаҳои баланд нишон медиҳанд, аз 400 нафар то 3000 нафар зиёд ва андозаи маблағи он 500 сомонӣ муқаррар карда шавад. Инчунин, шумораи гирандагони чунин стипендияҳо дар муассисаҳои таҳсилоти олии касбӣ аз 100 нафар то 500 нафар ва барои аспирантони мактабҳои олӣ ва муассисаҳои илмӣ аз 15 нафар то 50 нафар зиёд карда шавад. Аз шумораи умумии стипендияҳои президентӣ 70 фоиз барои фанҳои табиӣ, дақиқ ва риёзӣ равона карда шавад”.
Иқдоми навбатии Президенти кишварро мо - ҷавонон бо хушнудӣ истиқбол намуда, онро нишонаи олии таваҷҷуҳ ба насли ҷавон медонем.
Ҳукумати кишвар аз мову шумо – насли ояндасози кишвар умеди калон доранд. Ман бовар дорам, ки шумо - ҷавонони кишвар аз уҳдаи иҷрои ҳама вазифаҳои дар наздатон гузошташуда сарбаландона мебароед ва минбаъд низ мекӯшед, ки ба нафъи давлату ҷомеа боз ҳам содиқона хизмат намоед. Зеро шумо - ҷавонон мояи ифтихор ва сарбаландии миллат маҳсуб меёбед. Маҳз шумо қудрат доред, чун пешбарандаи илму фарҳанги миллати хеш ва посдорони мероси аҷдодӣ ба наслҳои оянда хизмати арзанда намоед. Шумо борҳо собит намудаед, ки дар ҳақиқат пайравони асили Пешвои муаззами миллат ҳастед ва инро минбаъд низ дар иҷрои ҳама кору масъулият, новобаста аз душвориҳои шароити ҷаҳонишавӣ ва таъсири дигар омилҳои беруна собит кардан лозим аст.
Ҷавонони азиз!
Ҳоло мо дар шароити басо мураккаби ҷаҳонӣ қарор дорем. Ҳузури ғайриинтизори бемории COVID-19 тамоми институтҳои ҷаҳониро ба ташвишу изтироб овардааст. Ҳатто абарқудраттарин давлатҳо дар баробари ин вабои аср кам андар кам истодагарӣ карда истодаанд. Дар ин давраи ҳассосе, ки имрӯзҳо ҷомеаи ҷаҳониро ба гирдоб мекашад, бовар дорам, ки шумо ҷавонони бедордилу фидоии кишвар беш аз пеш камари ҳиммат мебандеду дар бартараф кардани мушкилоти ҷойдошта талош меварзед. Сар карда аз риояи талаботҳои беҳдоштӣ то тарғибу огоҳонидани аҳолиро шумо насли ояндасоз ба хубӣ иҷро мекунед.
Чи гунае ки имрӯзҳо шоҳиди ҳол мешавем боиси ифтихор ва сарфарозии мо – кормандони соҳа низ мегардад, ки хизмати ҷавонони кишвар дар самти мубориза бо зуҳуроти нави ҷаҳон аз ҳарвақта дида бештар аст. Хизматҳои чанд ҳафтаи охир анҷомдодаи ҷавонону волонтёрон ва табибони ҷавон, ки шабу рӯз дар сангар қарор гирифта, баҳри беҳдоштии миллат мубориза мебаранд, метавонад далели комили ин гуфтаҳо бошад.
Ман итминон дорам, ки бо якдиливу якмаромии ҷавонони кишвар мо аз кулли мушкилоти давр берун хоҳем омад.
Ман ба қудрати дӯстони ҷавонам итминони комил дошта, бовар дорам, ки ҳар яки шумо, пеш аз ҳама, омӯхтани илму дониш, касбу ҳунар ва меҳнати самарабахшро вазифаи ҷонии худ дониста, дар оянда мавқеи сазовори худро дар ҷомеа пайдо мекунед ва дар таҳкими Ваҳдати миллӣ, Истиқлолияти давлатӣ ва рушду ободии Ватани азизамон саҳми арзанда мегузоред.
Бо ибрози чунин орзуҳои нек бори дигар кулли ҷавонони саодатманди Тоҷикистонро ба ифтихори Рӯзи ҷавонон самимона табрик гуфта, ба ҳар яки шумо саломатӣ, иқболи нек ва дар роҳи хизмат ба халқу Ватан ғайрату матонат ва азму иродаи қавӣ орзу менамоям.
Рӯзи ҷавонони Тоҷикистон муборак!
Ҷавонони азиз, пайравони асили Пешвои миллат, дӯстони гиромӣ!
Дар шуруъ ҳамаи шуморо, ки дар асл бақои кишвару миллат ва созандаи фардои Ватани маҳбубу соҳибистиқлол ҳастед, ба муносибати Рӯзи ҷавонони Тоҷикистон самимона табрику таҳният мегӯям.
Дар воқеъ, барои мо - ҷавонон мояи ифтихор аст, ки имрӯзҳо зери сиёсати ҷавонпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ватани азизу маҳбубамон тамоми шароитҳо муҳайё аст. Ҳамасола дар сатҳи баланди ҷамъиятиву сиёсӣ таҷлил гардидани Рӯзи ҷавонон шаҳодати ғамхориҳои пайвастаи Пешвои муаззами миллат ва давлату Ҳукумат нисбат ба насли ҷавони кишвар мебошад.
Маҳз боварию эътимод ва сиёсати ҷавонпарваронаи Пешвои миллат аст, ки дар самти дастгирии насли наврасу ҷавон ба таври ҳамешагӣ иқдомҳои беназир роҳандозӣ карда мешавад. Яке аз чунин иқдомҳо ва механизмҳои ҳавасмандгардонӣ ва дастгирии иҷтимоии ҷавонон ин таъсиси Стипендияи президентӣ барои хонандагони мактабҳо ва донишҷӯён аст, ки Пешвои муаззами миллат аз рӯзҳои нахустини давлатдорӣ ба дарки ин нукта расида буданд.
Чуноне, ки мову шумо огоҳем бо Фармони Президенти Ҷумҳурии Тоҷикистон аз 26-уми феврали соли 1998 бо мақсади фаъолгардонии насли ҷавон Стипендияи президентӣ таъсис ёфтааст. Бо талошҳои пайгиронаи Роҳбари ҷавонпарвари кишвар дар 20 соли гузашта (то соли 2018) гирандагони Стипендияи президентӣ аз 100 ба 400 нафар расида буданд.
Гарчанде аз зиёд намудани шумораи гирандагони Стипендияи президентӣ танҳо ду сол сипарӣ шуда бошад ҳам, аммо Президенти кишвар бо дарки муҳиммияти рушди илму техника ва фанҳои дақиқ 18 марти соли ҷорӣ дар вохӯрӣ бо зиёиёни кишвар аз афзун сохтани шумораи Стипендияи президентӣ мужда дода, иброз доштанд: “Пешниҳод менамоям, ки аз 1 январи соли 2021 шумораи гирандагони Стипендияи Президенти Ҷумҳурии Тоҷикистон дар муассисаҳои таҳсилоти миёнаи умумӣ, ки дар омӯхтани фанҳои табиӣ ва риёзиву дақиқ натиҷаҳои баланд нишон медиҳанд, аз 400 нафар то 3000 нафар зиёд ва андозаи маблағи он 500 сомонӣ муқаррар карда шавад. Инчунин, шумораи гирандагони чунин стипендияҳо дар муассисаҳои таҳсилоти олии касбӣ аз 100 нафар то 500 нафар ва барои аспирантони мактабҳои олӣ ва муассисаҳои илмӣ аз 15 нафар то 50 нафар зиёд карда шавад. Аз шумораи умумии стипендияҳои президентӣ 70 фоиз барои фанҳои табиӣ, дақиқ ва риёзӣ равона карда шавад”.
Иқдоми навбатии Президенти кишварро мо - ҷавонон бо хушнудӣ истиқбол намуда, онро нишонаи олии таваҷҷуҳ ба насли ҷавон медонем.
Ҳукумати кишвар аз мову шумо – насли ояндасози кишвар умеди калон доранд. Ман бовар дорам, ки шумо - ҷавонони кишвар аз уҳдаи иҷрои ҳама вазифаҳои дар наздатон гузошташуда сарбаландона мебароед ва минбаъд низ мекӯшед, ки ба нафъи давлату ҷомеа боз ҳам содиқона хизмат намоед. Зеро шумо - ҷавонон мояи ифтихор ва сарбаландии миллат маҳсуб меёбед. Маҳз шумо қудрат доред, чун пешбарандаи илму фарҳанги миллати хеш ва посдорони мероси аҷдодӣ ба наслҳои оянда хизмати арзанда намоед. Шумо борҳо собит намудаед, ки дар ҳақиқат пайравони асили Пешвои муаззами миллат ҳастед ва инро минбаъд низ дар иҷрои ҳама кору масъулият, новобаста аз душвориҳои шароити ҷаҳонишавӣ ва таъсири дигар омилҳои беруна собит кардан лозим аст.
Ҷавонони азиз!
Ҳоло мо дар шароити басо мураккаби ҷаҳонӣ қарор дорем. Ҳузури ғайриинтизори бемории COVID-19 тамоми институтҳои ҷаҳониро ба ташвишу изтироб овардааст. Ҳатто абарқудраттарин давлатҳо дар баробари ин вабои аср кам андар кам истодагарӣ карда истодаанд. Дар ин давраи ҳассосе, ки имрӯзҳо ҷомеаи ҷаҳониро ба гирдоб мекашад, бовар дорам, ки шумо ҷавонони бедордилу фидоии кишвар беш аз пеш камари ҳиммат мебандеду дар бартараф кардани мушкилоти ҷойдошта талош меварзед. Сар карда аз риояи талаботҳои беҳдоштӣ то тарғибу огоҳонидани аҳолиро шумо насли ояндасоз ба хубӣ иҷро мекунед.
Чи гунае ки имрӯзҳо шоҳиди ҳол мешавем боиси ифтихор ва сарфарозии мо – кормандони соҳа низ мегардад, ки хизмати ҷавонони кишвар дар самти мубориза бо зуҳуроти нави ҷаҳон аз ҳарвақта дида бештар аст. Хизматҳои чанд ҳафтаи охир анҷомдодаи ҷавонону волонтёрон ва табибони ҷавон, ки шабу рӯз дар сангар қарор гирифта, баҳри беҳдоштии миллат мубориза мебаранд, метавонад далели комили ин гуфтаҳо бошад.
Ман итминон дорам, ки бо якдиливу якмаромии ҷавонони кишвар мо аз кулли мушкилоти давр берун хоҳем омад.
Ман ба қудрати дӯстони ҷавонам итминони комил дошта, бовар дорам, ки ҳар яки шумо, пеш аз ҳама, омӯхтани илму дониш, касбу ҳунар ва меҳнати самарабахшро вазифаи ҷонии худ дониста, дар оянда мавқеи сазовори худро дар ҷомеа пайдо мекунед ва дар таҳкими Ваҳдати миллӣ, Истиқлолияти давлатӣ ва рушду ободии Ватани азизамон саҳми арзанда мегузоред.
Бо ибрози чунин орзуҳои нек бори дигар кулли ҷавонони саодатманди Тоҷикистонро ба ифтихори Рӯзи ҷавонон самимона табрик гуфта, ба ҳар яки шумо саломатӣ, иқболи нек ва дар роҳи хизмат ба халқу Ватан ғайрату матонат ва азму иродаи қавӣ орзу менамоям.
Рӯзи ҷавонони Тоҷикистон муборак!
Хабарҳои дигар
Рӯзнома
Эзоҳи худро нависед