Бо ташаббуси Кумитаи ҷавонон, варзиш ва сайёҳии назди Ҳукумати ҷумҳурӣ дар Маркази ҷумҳуриявии фарҳангии ҷавонон “Ориёно” бо иштироки зиёда аз 400 нафар ҷавони фаъол ва волонтёрони кумита Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олиро мустақиман тамошо намуданд.



Ҷавонон ҳар пешниҳод ва дастгириҳои Пешвои миллат нисбат ба ҷавононро бо самимияти хоса ва кафкӯбиҳо истиқбол гирифтанд. Махсусан аз Соли ҷавонон эълон шудани соли 2017 бисёр изҳори қаноатмандӣ карданд.



Ҳамчунин ҷавонон дар даромадгоҳи маркази “Ориёно” аксияи “Намоиши китоб”-ро, ки дар он китобҳои Пешвои миллат ба маъраз гузошта шуда буд, дидан намуданд.

Пас аз хотимаи ироаи Паёми Пешвои миллат ба Маҷлиси Олӣ аксияи тарғиботӣ таҳти унвони “Ҷавонон - пайрави Пешвои миллат” баргузор гардид. Дар он волонтёрони Кумитаи ҷавонон, варзиш ва сайёҳӣ, Иттифоқи ҷавонони кишвар ва ҷавонони фаъол ба меҳмонон ва сокинони пойтахт варақаҳои иттилоотӣ, нишони сарисинагӣ ва тақвими кисагӣ, ки дар онҳо ибораи “Ҷавонон - пайрави Пешвои миллат” дарҷ гардида буд, тақдим намуданд.