МУАЛЛИФ: УМЕД МИРЗОЕВ

Озмуни вилоятии “Ҳусноро-2017”, ки Раёсати ҷавонон, варзиш ва сайёҳии вилояти Хатлон эълон карда буд, дар шаҳри Кӯлоб ҷамбаст гардид.

Дар озмун ҷавондухтарон аз 10 шаҳру ноҳияи минтақаи Кӯлоб ширкат карданд.

Зайниддин Давлатов, маъсули Бахши ҷавонон, варзиш ва сайёҳии шаҳри Кӯлоб гуфт: "Ҳадафи асосии баргузории озмун тарбияи ҷавондухтарон дар рӯҳияи расму оинҳои миллӣ, эҳёи ҳунару анъанаҳои миллӣ ва зебоипарастӣ мебошад".

Озмун аз рӯи чор шарт - саломнома, ороиши мӯй, парпечи кӯдак ва қироати шеър дар васфи баҳор доир гашт.

Ҷойи якумро ҷавондухтарони шаҳри Кулоб ба даст оварданд. Ҷои дуюм насиби духтарони ноҳияи Фархор ва ҷойи сеюм насиби духтарони ноҳияи Муъминобод гашт.

Раёсати ҷавонон, варзиш ва сайёҳии вилояти Хатлон ба ғолибон туҳфа ва ифтихорномаҳо тақдим намуд.