ҶАВОНОН
Якшанбе 08 Сентябр 2024 04:49
![929](/upload/iblock/dd4/%D0%B0%D2%B3%D1%82%D0%B0%D0%BC-%D0%B0%D0%B1%D0%B4%D1%83%D0%BB%D0%BB%D0%BE%D0%B7%D0%BE%D0%B4%D0%B0.jpg)
Ҷавонони арҷманд!
Созандагони Ватан!
Шуморо ба муносибати Рӯзи ҷавонони Тоҷикистон, ки мо ҳар сол онро дар фазои сулҳу дӯстӣ ва муҳаббат ба Ватан ҷашн мегирем ва он имсол ба 25-умин солгарди Истиқлолияти давлатӣ рост омадааст, самимона табрик менамоям.
Аз ин хотир, моро зарур аст, ки бурду бохтамонро дар ин давра таҳлил карда, ба оянда бо нерӯи бештар баҳри созандагӣ қадам ниҳем.
Ҳамчунин, 22 май, дар рӯзҳои таҷлили Рӯзи ҷавонон раъйпурсии умумихалқӣ оид ба ворид намудани тағйиру иловаҳо ба Конститутсияи кишвар баргузор мегардад. Дар воқеъ, тағйиру иловаҳо ба Конститутсия ба ҳаёти ҷавонони мо бештар алоқаманд аст. Умедворам шумо - ҷавонони бонангу номуси кишвар чун ҳар вақти дигар дар ин маъракаи муҳими сиёсӣ, ки ба давраи нави рушди Тоҷикистони азиз асос мегузорад, фаъолона иштирок менамоед.
Воқеан, ҷавонони ҳамсоли истиқлол имрӯз мактабҳои олиро хатм кардаву дар соҳаҳои гуногун ба фаъолият пардохтаанд. Онҳо, ки диду нигоҳи муосир доранд, дар зудтар ташаккул ёфтани давлат ва эъмори ҷомеаи демократӣ саҳм хоҳанд гузошт.
Қисмати асосии аҳолии кишварро ҷавонон ташкил медиҳанд. Таваҷҷуҳ ба ин қишри ҷомеа аз рӯзҳои аввали соҳибистиқлолӣ равона гардида буд. Зеро ҷавонон бо қувва ва нерӯи ҷисмонию маънавии худ барои устувории ҷомеа нақши бағоят калон доранд.
Мо ва шумо - ҷавонони саодатманди кишвар имрӯз дар ҳамаи соҳаҳои ҳаёти хоҷагии халқ бо дастовардҳои назаррас ва муваффақиятҳои калон ширкати фаъолона варзида, барои баланд бардоштани ному мақоми кишвари соҳибистиқлоламон собитона қадам мезанем. Ҳамаи инро ба инобат гирифта, Ҳукумати мамлакат бо роҳбарии Асосгузори сулҳу ваҳдати миллӣ, Пешвои миллат, Президенти маҳбубамон, муҳтарам Эмомалӣ Раҳмон тамоми шароитро барои насли ояндасозу ватанпараст ҷиҳати зиндагиву фаъолияти шоиста муҳайё сохтаанд. Таъсиси стипендияи Президент барои хонандагони муассисаҳои таҳсилоти миёна, квотаи Президент барои таҳсили духтарону ҷавонони ноҳияҳои дурдаст дар муассисаҳои таҳсилоти олӣ, таҳсили ҷавонон дар мактабҳои олии хориҷи кишвар аз ҳисоби Фонди Президенти ҷумҳурӣ, ҷоизаи Президенти кишвар ба ғолибону ҷоизадорони мусобиқаҳои байналмилалии варзишӣ ва ба ин монанд номгӯи таваҷҷуҳи Пешвои миллат, муҳтарам Эмомалӣ Раҳмон ба қишри фаъоли ҷомеаро метавон номбар кард. Воқеан имсол, инчунин, дар шаҳри Рио-де-Жанейрои Бразил Бозиҳои тобистонаи олимпӣ доир мегардад. Мо аз ҷавонони варзишгари худ барои ба даст овардани медалҳои олимпӣ умед дорем.
Имсол низ бо мақсади дар фазои сулҳу дӯстӣ ва дар сатҳи баланд ҷашн гирифтани иди ҷавонон бо дастгирии Ҳукумати мамлакат нақшаи чорабиниҳои “20 рӯзи ҷавонӣ” бахшида ба Рӯзи ҷавонони Тоҷикистон таҳти унвони “Ҷавонон - пайрави Пешвои миллат ва муҳофизи дастовардҳои 25 соли Истиқлолияти давлатии Тоҷикистон!” ба тасвиб расид, ки дар доираи он садҳо чорабинии фарҳангию фароғатӣ ва маърифатию варзишӣ доир шуда истодаанд.
Бори дигар ҳамаи шуморо ба муносибати Рӯзи ҷавонон, Рӯзи Ваҳдати миллӣ, 25-солагии Истиқлолияти давлатӣ табрик ва таҳният намуда, дар симои Шумо ба кулли мардуми шарифи Тоҷикистон сарбаландӣ, тансиҳатӣ, хотирҷамъӣ ва сулҳу оромии ҳамешагӣ таманно дорам.
Ҳамеша муваффақ бошед!
Бо эҳтиром
Аҳтам АБДУЛЛОЗОДА,
раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон
Созандагони Ватан!
Шуморо ба муносибати Рӯзи ҷавонони Тоҷикистон, ки мо ҳар сол онро дар фазои сулҳу дӯстӣ ва муҳаббат ба Ватан ҷашн мегирем ва он имсол ба 25-умин солгарди Истиқлолияти давлатӣ рост омадааст, самимона табрик менамоям.
Аз ин хотир, моро зарур аст, ки бурду бохтамонро дар ин давра таҳлил карда, ба оянда бо нерӯи бештар баҳри созандагӣ қадам ниҳем.
Ҳамчунин, 22 май, дар рӯзҳои таҷлили Рӯзи ҷавонон раъйпурсии умумихалқӣ оид ба ворид намудани тағйиру иловаҳо ба Конститутсияи кишвар баргузор мегардад. Дар воқеъ, тағйиру иловаҳо ба Конститутсия ба ҳаёти ҷавонони мо бештар алоқаманд аст. Умедворам шумо - ҷавонони бонангу номуси кишвар чун ҳар вақти дигар дар ин маъракаи муҳими сиёсӣ, ки ба давраи нави рушди Тоҷикистони азиз асос мегузорад, фаъолона иштирок менамоед.
Воқеан, ҷавонони ҳамсоли истиқлол имрӯз мактабҳои олиро хатм кардаву дар соҳаҳои гуногун ба фаъолият пардохтаанд. Онҳо, ки диду нигоҳи муосир доранд, дар зудтар ташаккул ёфтани давлат ва эъмори ҷомеаи демократӣ саҳм хоҳанд гузошт.
Қисмати асосии аҳолии кишварро ҷавонон ташкил медиҳанд. Таваҷҷуҳ ба ин қишри ҷомеа аз рӯзҳои аввали соҳибистиқлолӣ равона гардида буд. Зеро ҷавонон бо қувва ва нерӯи ҷисмонию маънавии худ барои устувории ҷомеа нақши бағоят калон доранд.
Мо ва шумо - ҷавонони саодатманди кишвар имрӯз дар ҳамаи соҳаҳои ҳаёти хоҷагии халқ бо дастовардҳои назаррас ва муваффақиятҳои калон ширкати фаъолона варзида, барои баланд бардоштани ному мақоми кишвари соҳибистиқлоламон собитона қадам мезанем. Ҳамаи инро ба инобат гирифта, Ҳукумати мамлакат бо роҳбарии Асосгузори сулҳу ваҳдати миллӣ, Пешвои миллат, Президенти маҳбубамон, муҳтарам Эмомалӣ Раҳмон тамоми шароитро барои насли ояндасозу ватанпараст ҷиҳати зиндагиву фаъолияти шоиста муҳайё сохтаанд. Таъсиси стипендияи Президент барои хонандагони муассисаҳои таҳсилоти миёна, квотаи Президент барои таҳсили духтарону ҷавонони ноҳияҳои дурдаст дар муассисаҳои таҳсилоти олӣ, таҳсили ҷавонон дар мактабҳои олии хориҷи кишвар аз ҳисоби Фонди Президенти ҷумҳурӣ, ҷоизаи Президенти кишвар ба ғолибону ҷоизадорони мусобиқаҳои байналмилалии варзишӣ ва ба ин монанд номгӯи таваҷҷуҳи Пешвои миллат, муҳтарам Эмомалӣ Раҳмон ба қишри фаъоли ҷомеаро метавон номбар кард. Воқеан имсол, инчунин, дар шаҳри Рио-де-Жанейрои Бразил Бозиҳои тобистонаи олимпӣ доир мегардад. Мо аз ҷавонони варзишгари худ барои ба даст овардани медалҳои олимпӣ умед дорем.
Имсол низ бо мақсади дар фазои сулҳу дӯстӣ ва дар сатҳи баланд ҷашн гирифтани иди ҷавонон бо дастгирии Ҳукумати мамлакат нақшаи чорабиниҳои “20 рӯзи ҷавонӣ” бахшида ба Рӯзи ҷавонони Тоҷикистон таҳти унвони “Ҷавонон - пайрави Пешвои миллат ва муҳофизи дастовардҳои 25 соли Истиқлолияти давлатии Тоҷикистон!” ба тасвиб расид, ки дар доираи он садҳо чорабинии фарҳангию фароғатӣ ва маърифатию варзишӣ доир шуда истодаанд.
Бори дигар ҳамаи шуморо ба муносибати Рӯзи ҷавонон, Рӯзи Ваҳдати миллӣ, 25-солагии Истиқлолияти давлатӣ табрик ва таҳният намуда, дар симои Шумо ба кулли мардуми шарифи Тоҷикистон сарбаландӣ, тансиҳатӣ, хотирҷамъӣ ва сулҳу оромии ҳамешагӣ таманно дорам.
Ҳамеша муваффақ бошед!
Бо эҳтиром
Аҳтам АБДУЛЛОЗОДА,
раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон
Эзоҳи худро нависед