20 май дар Иттифоқи нависандагони Тоҷикистон маҳфили адибони ҷавон баргузор гардид.

Ин маҳфил дар ҳамдастӣ бо Кумитаи кор бо ҷавонон ва варзиши назди Ҳукумати кишвар бахшида ба Рӯзи ҷавонон доир шуда, он як зумра адибони ин наслро гирд овард.

Дар маҳфил ҳамчунин устодони адабиёт, нависандаҳои халқии Тоҷикистон - Абдулҳамид Самад, Бахтиёр Муртазоев, шоирони халқии Тоҷикистон - Аскар Ҳаким, Камол Насрулло, Муҳаммад Ғойиб ва дигарон ширкат намуда, эҷоди адибони ҷавонро баҳогузорӣ карданд.

Шоирони ҷавон шеърҳои худро, ки фарогирандаи ҳар мавзуъ буданд, қироат намуданд.

Бояд гуфт, ки чанде аз онҳо имсол ба узвияти Иттифоқи нависандагон пайвастанд.

Аз ҷониби намояндагони Кумитаи кор бо ҷавонон ва варзиш ба як қатор адибони ҷавон сипосномаҳо тақдим гардид.