1 июни соли 2017 дар Маҷмааи таърихию фарҳангии “Қалъаи Хуҷанд” -и маркази вилояти Суғд бахшида ба Рӯзи байналмилалии ҳифзи кӯдакон чорабинии идона баргузор шуд, ки дар он беш аз 4 ҳазор нафар кӯдакон иштирок намуданд.

Абдураҳмон Қодирӣ, раиси вилоят, иштирокдорони чорабинии идона ва дар симои онҳо кулли кӯдакони вилоятро бахшида ба Рӯзи байналмилалии ҳифзи кӯдакон табрик намуд.

Сипас ғолибони як қатор озмунҳо, 500 нафар иштирокчиёни барномаи фарҳангӣ ва тарбиятгирандагони кӯдакистонҳо бо туҳфаҳо сарфароз гардонда шуда, барои болидахотирии иштирокдорони чорабинӣ барномаи фарҳангӣ манзур гардонда шуд.