МАОРИФ ВА ИЛМ
Сешанбе 28 Июл 2026 10:20
Дар заминаи ташаббусҳои фарҳангпарварона ва маънавибунёди Пешвои миллат муҳтарам Эмомалӣ Раҳмон солҳои охир озмунҳои ҷумҳуриявии “Фурӯғи субҳи доноӣ китоб аст” “Илм-фурӯғи маърифат”, “Тоҷикистон-Ватани азизи ман”, “Шоҳномахонӣ” дар замири хурду бузург муҳаббат ба китобхониву китобдориро бештар намуд. Ҷомеа тавассути ин озмунҳо рӯ ба маърифат овард. Соҳибназарон чунин мешуморанд, ки ин озмунҳо аллакай самар додаанд ва давоми солҳои оянда насле, ки тавассути ин иқдом рӯ ба китобхонӣ овард, дар рушду нумӯи Тоҷикистон саҳми бештар мегузорад.
То ин замон дар мамлакат даври шаҳриву ноҳиявии озмуни ҷумҳуриявии “Фурӯғи субҳи доноӣ китоб аст” ҷамъбаст гардида, ғолибонаш барои иштирок дар даври вилоятӣ омодагӣ мебинанд. Муҳим донистем, ки ба хонандагони рӯзнома бо як ғолиби даври ниҳоии ин озмун дар соли 2025 ҳамсуҳбат шавем.
Шамсия Мадалиева муддати чор сол дар озмуни “Фурӯғи субҳи доноӣ китоб аст” иштирок намуда, дар муқобили мағлубият боре ҳам таслим нашудааст. Ба гуфтаи худаш, бо иштирок дар ин озмун ӯ донишу ҷаҳонбинии худро васеъ, муҳабат ба китобро афзун ва ниҳоят номи худро дар қатори дигар ғолибон сабт намудааст. Поёни ин роҳ осон набуд, аммо ниҳоят ба манзил расонд, ба манзиле, ки онро Шамсия мурод ном мебарад.
Соли 2025 дар даври ниҳоии озмуни ҷумҳуриявии “Фурӯғи субҳи доноӣ китоб аст” аз вилояти Суғд 23 нафар сазовори ҷойҳои 1,2 ва 3 гардида, як нафар “Шоҳҷоиза”-ро ба даст овард. Шамсия Мадалиева коргузори фаъоли Донишгоҳи давлатии ҳуқуқ, бизнес ва сиёсати Тоҷикистон ва довталаби шоистаи даври ҷумҳуриявии озмуни “Фурӯғи субҳи доноӣ китоб аст” буда, дар номинатсияи “Адабиёти муосири тоҷик” мақоми аввалро ба даст овардааст.
Масъулини ДДҲБСТ чунин мешуморанд, ки ин пирӯзӣ натиҷаи заҳмати пайваста, ҷустуҷӯҳои илмӣ ва муҳаббати беандоза ба китобу адабиёт буда, мавриди истиқболи самимии ҳайати омӯзгорон, донишҷӯён ва кулли ҷомеаи донишгоҳ қарор гирифтааст. Маҳз дониш, мутолиаи амиқ ва қобилияти таҳлилӣ Шамсия Мадалиеваро дар байни даҳҳо ширкаткунандаи озмун ба сатҳи баланд баровардааст.
Ба таъкиди масъулони Донишгоҳ, ин дастовард на танҳо ифтихори шахсии ӯст, балки нишондиҳандаи сатҳи баланди омодагии кадрҳои ҷавони донишгоҳ ва таваҷҷуҳи бесобиқа ба тарғиби китобдорӣ ва рушди фарҳанги мутолиа дар кишвар мебошад. Дастоварди мазкур барои тамоми донишҷӯёни соҳибистеъдод намунаи ибрат буда, бозгӯи он аст, ки меҳнат, сабру таҳаммул ва талошҳои пайгирона ҳамеша самари нек меоварад. Ҳамин тавр, масъулини Донишгоҳ бо ифтихор таъкид мекунанд, ки муваффақияти Шамсия боз як саҳифаи заррин дар таърихи дастовардҳои ДДҲБСТ мебошад ва умед доранд, ки ин гуна комёбиҳо минбаъд низ идома хоҳанд ёфт.
ДУХТАРИ ЗОДАИ КӮҲҲОИ БАЛАНД
Коршиносон бар он боваранд, ки баргузории озмуни ҷумҳуриявии “Фурӯғи субҳи доноӣ китоб аст” дар кашфи чеҳраҳои суханвару сухандон, китобдӯсту китобдор ва соҳибистеъдод мусоидат намуда истодааст. Шамсия Мадалиева аз бозёфтҳои ин озмун дар соли 2025 дониста мешавад. Мадалиева Шамсия Абдуваҳҳобовна 3 январи соли 2003, дар деҳаи Бободархони ҷамоати Понғози ноҳияи Ашт, дар оилаи соҳибкор ва омӯзгор ба дунё омадаааст.
Ба гуфти Шамсия, дар оила онҳо чор фарзанд буда, падару модар дар тарбияи фарзандон таваҷҷуҳ ва аҳамияти хосса медиҳанд. Модари хонадон, ки омӯзгори фанни забон ва адабиёт аст, дар баробари тарбияи ҷигарбандонаш дар муассисаи таҳсилоти миёнаи умумии №7-и ноҳия шогирдонашро дар руҳияи ватандӯстӣ ва ифтихори миллӣ ба камол мерасонад.
Шамсия Мадалиева соли 2010 ба МТМУ №7 ба номи Садриддин Айнӣ қадам ниҳода, таҳсилро дар муассиса соли 2021 бо баҳои аъло ба итмом мерасонад. Ба гуфти омӯзгорони муассиса, Шамсия дар даврони мактабхонӣ дар чандин озмуну олимпиадаҳои вилоятиву ҷумҳуриявӣ иштирок намуда, сазовори ҷойҳои намоён гардидааст. Ҳамин тавр, бо дастгирӣ ва роҳнамоии муаллимаи фанни забон ва адабиёти тоҷик Абдуллозода Гулнора дар озмуни вилоятии “Китобхони беҳтарин” сазовори мақоми аввал мегардад. Шамсия гирандаи стипендияи Президентӣ мебошад.
Қаҳрамони мо соли 2021 ҳуҷҷатҳои худро тавассути Маркази миллии тестӣ ба ДДҲБСТ супорида, аз руйи ихтисоси ҳуқуқшинос донишгоҳро бо дипломи аъло хатм намудаааст. Соли 2025 дар факултети ҳуқуқшиносии ДДҲБСТ, дар кафедраи назария ва таърихи давлат ва ҳуқуқ ба ҳайси котиб-коргузор фаъолияти худро оғоз намудааст. Айни ҳол дар шуъбаи магистратура, дар факултети ҳуқуқшиносии ДДҲБСТ аз руйи ихтисоси ҳуқуқшинос таҳсилро идома дода, ба ҳайси ассистенти ҳамин донишгоҳ ҳамчун омӯзгор фаъолият дорад. Шамсия нақша дорад, ки баъди хатми магистратура ба корҳои илмӣ-таҳқиқотӣ машғул шуда, номзади илмҳои ҳуқуқшиносӣ гардад ва дар оянда ҳамчун хизматчии давлатӣ фаъолияти худро ба нафъи ҷомеа давом диҳад.
- Дар озмуни ҷумҳуриявии “Фурӯғи субҳи доноӣ китоб аст” аз рӯйи номинатсияи “Адабиёти муосири тоҷик” тули чор сол иштирок намуда, то даври ҷумҳуриявӣ роҳ ёфтам. Дар ин давра ягон бор руҳафтода нашудам, аз азмам нагаштам, баръакс омодагии ҷиддӣ медидам. Дар ин муддат дар озмун сазовори мақоми ифтихорӣ ва бо ифтихорномаи Вазорати маориф ва илми Ҷумҳурии Тоҷикистон сарфароз гардидам.
Ниҳоят талошҳоям самар бахшид ва соли 2025 дар даври ҷумҳуриявии озмун аз руйи номинатсияи “Адабиёти муосири тоҷик” сазовори мақоми аввал гардидам. Ин бароям муҳимтарин рӯйдод дар зиндагиям, гардиши куллӣ дар ҳаётам гардид. Собит намудам, ки заҳматҳо подошт доранд, талошҳо самар меоваранд ва ҳар нафаре, ки бо азми қавӣ барои иштирок камари ҳиммат мебандад, ҳатман ба орзуяш мерасад, - мегӯяд Шамсия Мадалиева.
Дар идома ҳамсуҳбати мо таъкид намуд, ки бо ташаббус ва таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон соли 2019 дар мамлакат озмуни ҷумҳуриявии “Фурӯғи субҳи доноӣ китоб аст” роҳандозӣ гардид. Ба назари Шамсия Мадалиева, сиёсати фарҳангпарварона ва маънавибунёди Пешвои миллат муҳтарам Эмомалӣ Раҳмон буд, ки ин ташаббус дар ҷомеа ҳамовозии амиқ пайдо намуда, озмун сол аз сол бошукӯҳтар баргузор мегардад.
- “Фурӯғи субҳи доноӣ китоб аст” аз маҳбубтарин озмун ба шумор рафта, ҳаваси китобхониву китобдориро дар замири пиру барно, новобаста аз мақому мартаба бештар намудааст. Барои исботи ин гуфтаҳоям мисол меорам. Ман таҳлил намудам, ки соли 2019 дар даври ниҳоии озмун 3 нафар аз вилояти Суғд ғолиб гардида буданд. Ҳамин тавр, соли 2020 дар даври ҷумҳуриявии Озмуни “Фурӯғи субҳи доноӣ китоб аст” аз вилояти Суғд 17 нафар ғолиб омаданд ва Шоҳҷоизаи озмунро ҳам намояндаи вилояти Суғд соҳиб шуда буд. Ҷустуҷӯҳо нишон дод, ки давоми 7 сол дар даври ниҳоии озмуни ҷумҳуриявии “Фуруғи субҳи доноӣ китоб аст” 154 нафар аз вилояти Суғд ҳамчун ғолиб сазовори ҷойҳои 1,2,3 ва Шоҳҷоиза гардиданд. Ин танҳо омори ғолибон аз вилояти Суғд аст. Агар дар сатҳи ҷумҳурӣ таҳил намоем, шумораи ҳам ғолибон ва ҳам иштирокчиён хеле зиёд аст, -иброз дошт ҳамсуҳбати мо.
ПАРВОЗИ ОРЗУҲО
Яке аз орзуҳои Шамсия ин номзади илмҳои ҳуқуқшиносӣ шудан аст. Ӯ имрӯз бо истифода аз шароити фароҳамгардида талош дорад, ки ин орзуи деринаашро ҳам амалӣ намояд.
- Ман пеш аз ҳама ба волидонам, ба роҳбарияти ДДҲБСТ самимона миннатдорӣ баён мекунам, ки дар ин роҳ маро ҳамеша ҳамроҳӣ намуданд, шароит фароҳам оварданд, ки орзуям амалӣ шавад. Ҳар як сухани меҳрубононаи онҳо ба ман нерӯ мебахшид, умеди нав медод.
Агар шахс дар назди худ мақсад гузорад, ҳатман нақшаҳои некаш амалӣ мешавад. Китоб роҳи моро мунаввар месозаду ба ҷомеа муаррафӣ мекунад. Ба ҳамаи он нафароне, ки мехоҳанд дар озмуни ҷумҳуриявии “Фурӯғи субҳи доноӣ китоб аст” иштирок намоянд, маслиҳат медиҳам, ки бо омодагии комил ва умед ба фардои дурахшон ва боварҳои зиёд иштирок намоянд, ҳатман муваффақ мешаванд, -суҳбати худро хулоса намуд Шамсия.
Субҳиддин ҚОДИРОВ, “ҶТ”
То ин замон дар мамлакат даври шаҳриву ноҳиявии озмуни ҷумҳуриявии “Фурӯғи субҳи доноӣ китоб аст” ҷамъбаст гардида, ғолибонаш барои иштирок дар даври вилоятӣ омодагӣ мебинанд. Муҳим донистем, ки ба хонандагони рӯзнома бо як ғолиби даври ниҳоии ин озмун дар соли 2025 ҳамсуҳбат шавем.
Шамсия Мадалиева муддати чор сол дар озмуни “Фурӯғи субҳи доноӣ китоб аст” иштирок намуда, дар муқобили мағлубият боре ҳам таслим нашудааст. Ба гуфтаи худаш, бо иштирок дар ин озмун ӯ донишу ҷаҳонбинии худро васеъ, муҳабат ба китобро афзун ва ниҳоят номи худро дар қатори дигар ғолибон сабт намудааст. Поёни ин роҳ осон набуд, аммо ниҳоят ба манзил расонд, ба манзиле, ки онро Шамсия мурод ном мебарад.
Соли 2025 дар даври ниҳоии озмуни ҷумҳуриявии “Фурӯғи субҳи доноӣ китоб аст” аз вилояти Суғд 23 нафар сазовори ҷойҳои 1,2 ва 3 гардида, як нафар “Шоҳҷоиза”-ро ба даст овард. Шамсия Мадалиева коргузори фаъоли Донишгоҳи давлатии ҳуқуқ, бизнес ва сиёсати Тоҷикистон ва довталаби шоистаи даври ҷумҳуриявии озмуни “Фурӯғи субҳи доноӣ китоб аст” буда, дар номинатсияи “Адабиёти муосири тоҷик” мақоми аввалро ба даст овардааст.
Масъулини ДДҲБСТ чунин мешуморанд, ки ин пирӯзӣ натиҷаи заҳмати пайваста, ҷустуҷӯҳои илмӣ ва муҳаббати беандоза ба китобу адабиёт буда, мавриди истиқболи самимии ҳайати омӯзгорон, донишҷӯён ва кулли ҷомеаи донишгоҳ қарор гирифтааст. Маҳз дониш, мутолиаи амиқ ва қобилияти таҳлилӣ Шамсия Мадалиеваро дар байни даҳҳо ширкаткунандаи озмун ба сатҳи баланд баровардааст.
Ба таъкиди масъулони Донишгоҳ, ин дастовард на танҳо ифтихори шахсии ӯст, балки нишондиҳандаи сатҳи баланди омодагии кадрҳои ҷавони донишгоҳ ва таваҷҷуҳи бесобиқа ба тарғиби китобдорӣ ва рушди фарҳанги мутолиа дар кишвар мебошад. Дастоварди мазкур барои тамоми донишҷӯёни соҳибистеъдод намунаи ибрат буда, бозгӯи он аст, ки меҳнат, сабру таҳаммул ва талошҳои пайгирона ҳамеша самари нек меоварад. Ҳамин тавр, масъулини Донишгоҳ бо ифтихор таъкид мекунанд, ки муваффақияти Шамсия боз як саҳифаи заррин дар таърихи дастовардҳои ДДҲБСТ мебошад ва умед доранд, ки ин гуна комёбиҳо минбаъд низ идома хоҳанд ёфт.
ДУХТАРИ ЗОДАИ КӮҲҲОИ БАЛАНД
Коршиносон бар он боваранд, ки баргузории озмуни ҷумҳуриявии “Фурӯғи субҳи доноӣ китоб аст” дар кашфи чеҳраҳои суханвару сухандон, китобдӯсту китобдор ва соҳибистеъдод мусоидат намуда истодааст. Шамсия Мадалиева аз бозёфтҳои ин озмун дар соли 2025 дониста мешавад. Мадалиева Шамсия Абдуваҳҳобовна 3 январи соли 2003, дар деҳаи Бободархони ҷамоати Понғози ноҳияи Ашт, дар оилаи соҳибкор ва омӯзгор ба дунё омадаааст.
Ба гуфти Шамсия, дар оила онҳо чор фарзанд буда, падару модар дар тарбияи фарзандон таваҷҷуҳ ва аҳамияти хосса медиҳанд. Модари хонадон, ки омӯзгори фанни забон ва адабиёт аст, дар баробари тарбияи ҷигарбандонаш дар муассисаи таҳсилоти миёнаи умумии №7-и ноҳия шогирдонашро дар руҳияи ватандӯстӣ ва ифтихори миллӣ ба камол мерасонад.
Шамсия Мадалиева соли 2010 ба МТМУ №7 ба номи Садриддин Айнӣ қадам ниҳода, таҳсилро дар муассиса соли 2021 бо баҳои аъло ба итмом мерасонад. Ба гуфти омӯзгорони муассиса, Шамсия дар даврони мактабхонӣ дар чандин озмуну олимпиадаҳои вилоятиву ҷумҳуриявӣ иштирок намуда, сазовори ҷойҳои намоён гардидааст. Ҳамин тавр, бо дастгирӣ ва роҳнамоии муаллимаи фанни забон ва адабиёти тоҷик Абдуллозода Гулнора дар озмуни вилоятии “Китобхони беҳтарин” сазовори мақоми аввал мегардад. Шамсия гирандаи стипендияи Президентӣ мебошад.
Қаҳрамони мо соли 2021 ҳуҷҷатҳои худро тавассути Маркази миллии тестӣ ба ДДҲБСТ супорида, аз руйи ихтисоси ҳуқуқшинос донишгоҳро бо дипломи аъло хатм намудаааст. Соли 2025 дар факултети ҳуқуқшиносии ДДҲБСТ, дар кафедраи назария ва таърихи давлат ва ҳуқуқ ба ҳайси котиб-коргузор фаъолияти худро оғоз намудааст. Айни ҳол дар шуъбаи магистратура, дар факултети ҳуқуқшиносии ДДҲБСТ аз руйи ихтисоси ҳуқуқшинос таҳсилро идома дода, ба ҳайси ассистенти ҳамин донишгоҳ ҳамчун омӯзгор фаъолият дорад. Шамсия нақша дорад, ки баъди хатми магистратура ба корҳои илмӣ-таҳқиқотӣ машғул шуда, номзади илмҳои ҳуқуқшиносӣ гардад ва дар оянда ҳамчун хизматчии давлатӣ фаъолияти худро ба нафъи ҷомеа давом диҳад.
- Дар озмуни ҷумҳуриявии “Фурӯғи субҳи доноӣ китоб аст” аз рӯйи номинатсияи “Адабиёти муосири тоҷик” тули чор сол иштирок намуда, то даври ҷумҳуриявӣ роҳ ёфтам. Дар ин давра ягон бор руҳафтода нашудам, аз азмам нагаштам, баръакс омодагии ҷиддӣ медидам. Дар ин муддат дар озмун сазовори мақоми ифтихорӣ ва бо ифтихорномаи Вазорати маориф ва илми Ҷумҳурии Тоҷикистон сарфароз гардидам.
Ниҳоят талошҳоям самар бахшид ва соли 2025 дар даври ҷумҳуриявии озмун аз руйи номинатсияи “Адабиёти муосири тоҷик” сазовори мақоми аввал гардидам. Ин бароям муҳимтарин рӯйдод дар зиндагиям, гардиши куллӣ дар ҳаётам гардид. Собит намудам, ки заҳматҳо подошт доранд, талошҳо самар меоваранд ва ҳар нафаре, ки бо азми қавӣ барои иштирок камари ҳиммат мебандад, ҳатман ба орзуяш мерасад, - мегӯяд Шамсия Мадалиева.
Дар идома ҳамсуҳбати мо таъкид намуд, ки бо ташаббус ва таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон соли 2019 дар мамлакат озмуни ҷумҳуриявии “Фурӯғи субҳи доноӣ китоб аст” роҳандозӣ гардид. Ба назари Шамсия Мадалиева, сиёсати фарҳангпарварона ва маънавибунёди Пешвои миллат муҳтарам Эмомалӣ Раҳмон буд, ки ин ташаббус дар ҷомеа ҳамовозии амиқ пайдо намуда, озмун сол аз сол бошукӯҳтар баргузор мегардад.
- “Фурӯғи субҳи доноӣ китоб аст” аз маҳбубтарин озмун ба шумор рафта, ҳаваси китобхониву китобдориро дар замири пиру барно, новобаста аз мақому мартаба бештар намудааст. Барои исботи ин гуфтаҳоям мисол меорам. Ман таҳлил намудам, ки соли 2019 дар даври ниҳоии озмун 3 нафар аз вилояти Суғд ғолиб гардида буданд. Ҳамин тавр, соли 2020 дар даври ҷумҳуриявии Озмуни “Фурӯғи субҳи доноӣ китоб аст” аз вилояти Суғд 17 нафар ғолиб омаданд ва Шоҳҷоизаи озмунро ҳам намояндаи вилояти Суғд соҳиб шуда буд. Ҷустуҷӯҳо нишон дод, ки давоми 7 сол дар даври ниҳоии озмуни ҷумҳуриявии “Фуруғи субҳи доноӣ китоб аст” 154 нафар аз вилояти Суғд ҳамчун ғолиб сазовори ҷойҳои 1,2,3 ва Шоҳҷоиза гардиданд. Ин танҳо омори ғолибон аз вилояти Суғд аст. Агар дар сатҳи ҷумҳурӣ таҳил намоем, шумораи ҳам ғолибон ва ҳам иштирокчиён хеле зиёд аст, -иброз дошт ҳамсуҳбати мо.
ПАРВОЗИ ОРЗУҲО
Яке аз орзуҳои Шамсия ин номзади илмҳои ҳуқуқшиносӣ шудан аст. Ӯ имрӯз бо истифода аз шароити фароҳамгардида талош дорад, ки ин орзуи деринаашро ҳам амалӣ намояд.
- Ман пеш аз ҳама ба волидонам, ба роҳбарияти ДДҲБСТ самимона миннатдорӣ баён мекунам, ки дар ин роҳ маро ҳамеша ҳамроҳӣ намуданд, шароит фароҳам оварданд, ки орзуям амалӣ шавад. Ҳар як сухани меҳрубононаи онҳо ба ман нерӯ мебахшид, умеди нав медод.
Агар шахс дар назди худ мақсад гузорад, ҳатман нақшаҳои некаш амалӣ мешавад. Китоб роҳи моро мунаввар месозаду ба ҷомеа муаррафӣ мекунад. Ба ҳамаи он нафароне, ки мехоҳанд дар озмуни ҷумҳуриявии “Фурӯғи субҳи доноӣ китоб аст” иштирок намоянд, маслиҳат медиҳам, ки бо омодагии комил ва умед ба фардои дурахшон ва боварҳои зиёд иштирок намоянд, ҳатман муваффақ мешаванд, -суҳбати худро хулоса намуд Шамсия.
Субҳиддин ҚОДИРОВ, “ҶТ”
Хабарҳои дигар
Рӯзнома
Эзоҳи худро нависед