Дар нимсолаи якуми соли 2026 аз ҷониби Кумитаи забон ва истилоҳоти назди Ҳукумати Ҷумҳурии Тоҷикистон дар ҳамкорӣ бо ҳайати шуро вобаста ба баррасӣ ва ҳамгунсозии истилоҳоти соҳавӣ 441 маводи фарҳангномаҳо мавриди баррасӣ қарор гирифтааст.

Дар ин бора 10 июл зимни нишасти матбуотӣ Раҳматуллозода Сахидод Раҳматулло, раиси Кумитаи забон ва истилоҳоти назди Ҳукумати Ҷумҳурии Тоҷикистон хабар дод.

Ба гуфтаи ӯ Кумита дар нимсолаи якуми соли 2026 теъдоди 94 адад лоиҳаи санадҳои меъёрии ҳуқуқиро аз нигоҳи экспертизаи забоншиносӣ ва танзиму ҳамгунсозии истилоҳот баррасӣ кардааст, ки дар муқоиса ба ҳамин давраи соли гузашта 52 адад зиёдтар мебошад.

О. ҶУРАХОН, “ҶТ”