20 май мусобиқаҳои футбол миёни кормандони соҳаҳои маориф ва тандурустии шаҳри Душанбе, ки бахшида ба Рӯзи ҷаҳонии футбол баргузор гардида буданд, ба анҷом расиданд.

Дар маросими ҷамъбасти мусобиқаҳо масъулин зикр карданд, ки ҳадаф аз баргузории чунин чорабиниҳои варзишӣ таҳкими тарзи ҳаёти солим, рушди оммавияти варзиш ва густариши дӯстиву ҳамдигарфаҳмӣ байни кормандони соҳаҳо мебошад.

Аз рӯйи натиҷаҳои ниҳоӣ дастаҳои ғолиб муайян гардида, бо ҷом, ифтихорнома, медал ва туҳфаҳои пулӣ қадрдонӣшуданд. Ҳамзамон, ба як қатор иштирокчиёни фаъол барои саҳми назаррас дар рушди варзиш сипоснома тақдим гардид.

Таъкид шуд, ки баргузории чунин мусобиқаҳо барои тарғиби футбол ва ҷалби бештари шаҳрвандон ба машғулиятҳои варзишӣ мусоидат менамояд.

Я. МАҲМАДНАБИЕВ, “ҶТ”