23 июн Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ноҳияи Варзоб бо сафари корӣ ташриф оварданд.

Дар ин бора аз Хадамоти матбуоти Президенти кишвар хабар доданд. Ба иттилои манбаъ зимни сафари кории Пешвои миллат ба ин ноҳия дар назар аст, ки барои бунёди ду корхонаи азими саноатии истеҳсоли семент бо иқтидори умумии солонаи 2 млн. 400 ҳазор тонна асос гузошта шавад.

Ҳамчунин, гуфта мешавад, ки зимни сафар дар ноҳияи Варзоб бо иштироки Роҳбари давлат муҳтарам Эмомалӣ Раҳмон ва Раиси шаҳри Душанбе, Раиси Федератсияи футболи Тоҷикистон муҳтарам Рустами Эмомалӣ Маркази техникии Федератсияи Футболи Тоҷикистон ифтитоҳ гардад.