Дар доираи силсила чорабиниҳои бахшида ба Рӯзи варзишгарон 10 август дар маркази маъмурии Вилояти Мухтори Кӯҳистони Бадахшон - шаҳри Хоруғ дар майдони Исмоили Сомонӣ чорабинии фарҳангӣ баргузор гардид.

Дар ин чорабинӣ Фурқати Ҳукумат, муовини раиси вилоят, масъулини Раёсати кор бо ҷавонон ва варзиши вилоят, собиқадорони соҳа, мураббиён, варзишгарон ва дӯстдорони варзиш иштирок намуданд. Қабл аз оғози чорабинӣ намоиши дастовардҳои варзишгарони вилоят ва фестивали бозиҳои варзишӣ баргузор шуд.

Чорабинӣ бо суханронии Фурқати Ҳукумат, муовини раиси вилоят оғоз гардида, ӯ зимни баромад тамоми варзишгарон ва собиқадорони соҳаро бо фарорасии Рӯзи варзишгарон табрик намуд.

Гуфта шуд, ки соҳаи варзиш дар Вилояти Мухтори Кӯҳистони Бадахшон солҳои охир рушд намуда, варзишгарони вилоят ба дастовардҳои бузурге ноил гардиданд. Таъкид гардид, ки маҳз ғамхории Роҳбари давлат муҳтарам Эмомалӣ Раҳмон аст, ки мо чунин рӯзҳоро таҷлил менамоем.

Пас аз суханрониҳо қисмати фарҳангии чорабинӣ оғоз гардида, аҳли фарҳанг бо беҳтарин сурудҳо чорабиниро боз ҳам ҷолибтар намуданд.

“ҶТ”