Як гурӯҳ занони деҳоти минтақаи Кӯлоб ҳунари қадимаи атласу адрасбофиро меомӯзанд, ки дар баробари омӯзиш метавонад соҳиби ҷойи кор шаванд.

Бахши ҷавонон, варзиш ва сайёҳии шаҳри Кӯлоб  барои занону духтарони бешуғли деҳотӣ давраҳои омӯзиши кӯтоҳмудати қолинбофӣ, адрасбофӣ, духтани гулдӯзию дигар лавозимоти рӯзгорро бароҳ мондааст.

Маҳинбону Шарипова, як масъули бахш гуфт: “Ҳадафи асосии чунин курсҳои кӯтоҳмудат барои рушди косибиву ҳунармандӣ ва маърифатнокии занону духтарони кишвар мебошад. Ин курсҳо агар аз як ҷиҳат ба соҳибкасб гардидани ҷавондухтарон мусоидат кунад, аз ҷониби дигар баҳри эҳёи ҳунарҳои миллӣ дар саросари кишвар саҳми босазо мегузорад”.

Ҳоло дар омӯзишгоҳои адрасбофӣ зиёда аз 20 нафар ҷавондухтарон аз шаҳру деҳоти Кӯлоб ва минтақаҳои он ба омӯзиши касб фаро гирифта шудаанд.

Барои хубтару беҳтар аз худ намудани касбӣ адрасбофӣ, ки аз ҳунарҳои қадима ва душвор аст, шароитҳои хуби кори фароҳам оварда шудаааст. Масъулин мақсад доранд, ки ба духтарони ҷавон ва бонувони деҳотӣ баъди гузаштани зинаҳои омӯзиш шаҳодатномаи тасдиқкунанда (сертификат) дода мешавад.

Умед МИРЗОЕВ, "ҶТ"