ИҚТИСОД
Ҷумъа 16 Апрел 2021 06:40
7768
Соли 2020 Кумитаи меъморӣ ва сохтмони назди Ҳукумати Ҷумҳурии Тоҷикистон дар ҳамкорӣ бо фондҳои байналмилалии сармоягузорӣ дар ҳудуди кишвар иншоотҳои муосирро бо маблағи умумии 11 миллиарду 616 миллиону 800 ҳазор сомонӣ сохта ба истифода дод. Ин матлабро раиси Кумитаи меъморӣ ва сохтмони назди Ҳукумати Ҷумҳурии Тоҷикистон Маҳмадсаид Зувайдзода зимни нишасти хабарӣ баён дошт.

Гуфта шуд, ки муассисаҳои таҳсилоти миёна барои 13534 хонанда ва муассисаҳои таҳсилоти томактабӣ барои 1000 ҷой сохта ба истифода дода шудааст. Инчунин дар марҳилаи якуми бемории коронавирус дар ҳудуди кишвар беморхонаҳои сироятӣ барои 577 кат омода гардида буданд. Дар ин раванд аз ҳисоби хобгоҳу бунгоҳҳои тиббӣ беморхонаҳои муваққатӣ сохта, ба истифода дода шуданд.

Айни замон аз 65 шаҳру ноҳияҳои ҷумҳурӣ таҳияи нақшаҳои генералии 64 шаҳру ноҳияҳо пурра анҷом ёфтааст. Аз 371 лоиҳаи пешниҳодшуда 267 лоиҳа қобили қабул ҳисобида шуда, барои эскпертиза пешниҳод гардид. Дар баробари ин ба 104 лоиҳаи дигар бо назардошти ба талабот ҷавобгӯ набудани сифати ҳуҷҷатҳои пешниҳодгардида, иҷозат дода нашудааст.

Корҳои сохтмонию ободонӣ ба муносибати ҷашни 30-солагии Истиқлолияти давлатӣ дар ВМКБ, вилоятҳои Суғду Хатлон ва дигар шаҳру ноҳияҳои ҷумҳурӣ бомаром идома доранд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.